|
|
 |
| (GMT+08:00)
2004-12-24 16:51:50
|
|
ທ່ານລາມສ໌ຟິວຢ້ຽມຢາມໂມຊຸນຢ່າງກະທັນຫັນ
cri
Author: q
ຕາມຂ່າວCRI,ຕອນຮຸ່ງເຊົ້າວັນທີ24ທັນວາ,ທ່ານລາມສ໌ຟີວ ລັດຖະມົນຕີກະຊວງປ້ອງກັນປະເທດອາເມລິກາໄດ້ເດີນທາງໄປຮອດໂມຊຸນ ເມືອງສຳຄັນພາກເໜືອຂອງອີຣັກຢ່າງກະທັນຫັນເພື່ອດຳເນີນການຢ້ຽມຢາມ,ແລະໄດ້ກວດກາຖານທັບອາເມລິກາທີ່ຖືກຫຼອນໂຈມຕີໃນວັນທີ21ທັນວາ.
ທ່ານລາມສ໌ຟີວກ່າວວ່າ,ທ່ານໄປໂມຊຸນແມ່ນເພື່ອຂອບໃຈນຳທະຫານອາເມລິກາແລະອວຍພອນໃຫ້ພວກເຂົາເຈົ້າຈົ່ງສຸກສັນວັນຄຼິສມັສ.ພາຍຫຼັງໄປຮອດໂມຊຸນແລ້ວ,ທ່ານລາມສ໌ຟິວໄດ້ໄປຢາມທະຫານອາເມລິກາທີ່ບາດເຈັບໃນການຫຼອນໂຈມຕີໃນທັນທີ,ແລະໄດ້ພົບປະໜ່ວຍປິ່ນປົວຂອງໂຮງໝໍທະຫານພາຍໃນຖານທັບ.
ວັນທີ21ທັນວາ,ຖານທັບອາເມລິກາຢູ່ໂມຊຸນຖືກຫຼອນໂຈມຕີແບບຂ້າໂຕຕາຍຢ່າງຮ້າຍແຮງກວ່າໝູ່ແຕ່ເກີດສົງຄາມອີຣັກມານີ້,ມີ22ຄົນເສຍຊີວິດເຊິ່ງລວມທັງທະຫານອາເມລິກາ19ຄົນ,70ກວ່າຄົນບາດເຈັບ.ເມື່ອເຫດການຫຼອນໂຈມຕີເກີດຂຶ້ນແລ້ວ,ທ່ານລາມສ໌ຟິວໄດ້ຖືກຕິຕຽນນັບມື້ນັບຫຼາຍຈາກພາຍໃນປະເທດອາເມລິກາ.
|
|
|
