|
ຕາມຂ່າວCRI: ວັນທີ 24 ທັນວາຢູ່ທີ່ປັກກິ່ງ ໃນເວລາພົບປະເຈລະຈາກັບທ່ານໂຮເຊຍ ອານ-ຈີບາຣີ ລັດຖະມົນຕີການຕ່າງປະເທດອີຣັກທີ່ມາຢ້ຽມຢາມ, ທ່ານລີຈ້າວຊິງ ລັດຖະມົນຕີການຕ່າງປະເທດຈີນກ່າວວ່າ, ຝ່າຍຈີນຫວັງໃຫ້ອີຣັກຜ່ານການເລືອກຕັ້ງທົ່ວໄປກຳເນີດລັດຖະບານທີ່ມີລັກສະນະຕົວແທນຢ່າງກວ້າງຂວາງ, ຊຸກຍູ້ຂະບວນການສ້າງສາການເມືອງຄືນໃໝ່ຢ່າງບໍ່ຢຸດຢັ້ງ.
ທ່ານລີຈ້າວຊິງກ່າວວ່າ, ຝ່າຍຈີນສຸດທີ່ເອົາໃຈໃສ່ນຳສະຖານະການອີຣັກ, ມີເຈດຈຳນົງປົກປັກຮັກສາອະທິປະໄຕ ເອກະລາດແລະຜືນແຜ່ນດິນອັນຄົບຖ້ວນຂອງອີຣັກ. ທ່ານກ່າວເນັ້ນວ່າ, ຈີນເອົາໃຈໃສ່ນຳການຂະຫຍາຍການພົວພັນກັບອີຣັກ, ຍິນດີຊຸກຍູ້ການຮ່ວມມືຢ່າງມີໄມຕີຈິດລະຫວ່າງສອງປະເທດບົນພື້ນຖານໂຄລົບເຊິ່ງກັນແລະກັນ ສະເໝີພາບແລະຕ່າງຝ່າຍຕ່າງມີຜົນປະໂຫຍດ.
ທ່ານຈີບາຣີໄດ້ແຈ້ງສະພາບພາຍໃນປະເທດອີຣັກໃຫ້ທ່ານລີຈ້າວຊິງຊາບ. ທ່ານກ່າວວ່າ, ຝ່າຍອີຣັກຊົມເຊີຍຝ່າຍຈີນທີ່ເຫັນອົກເຫັນໃຈແລະສະໜັບສະໜູນອີຣັກໃນໄລຍະຂ້າມຜ່ານທາງການເມືອງ, ຂອບໃຈນຳຝ່າຍຈີນທີ່ໄດ້ທຳຄວາມພະຍາຍາມໃນສະພາຄວາມໝັ້ນຄົງສະຫະປະຊາຊາດເພື່ອແກ້ໄຂບັນຫາອີຣັກ. ທ່ານກ່າວລື້ມວ່າອີຣັກຍຶດໝັ້ນນະໂຍບາຍປະເທດຈີນດຽວ.
|
