|
ຕາມໜັງສືພິມຢຸນນານຢື້ປ້າວ: ແຕ່ເດືອນມັງກອນຫາເດືອນພະຈິກປີນີ້, ຍອດມູນຄ່າການຄ້າກັບມຽນມາຂອງແຂວງຢຸນນານຈີນໄດ້ບັນລຸ 490 ລ້ານໂດລາສະຫະລັດ; ຮູບການການຄ້າໄດ້ປະກົດມີຫຼາຍຢ່າງຫຼາຍແນວ; ຊ່ອງທາງໃຫຍ່ຂອງດ່ານຢຸນນານມີບົດບາດນັບມື້ນັບເດັ່ນຊັດ.
ຫວ່າງມໍ່ໆນີ້ ນັກຂ່າວໄດ້ຊາບຈາກຄະນະກຳມະການຈັດຕັ້ງງານຕະຫຼາດນັດຊາຍແດນຈີນມຽນມາປີ 2004 ວ່າ, ການຄ້າກັບມຽນມາຂອງແຂວງຢຸນນານໄດ້ພັດທະນາລົງສູ່ລວງເລິກ, ນັບມາຮອດເດືອນພະຈິກປີນີ້, ຍອດມູນຄ່າການຄ້າກັບມຽນມາຂອງແຂວງຢຸນນານໄດ້ບັນລຸ 490 ລ້ານໂດລາສະຫະລັດ, ກວມ 51,6% ຂອງຍອດມູນຄ່າການຄ້າກັບມຽນມາຂອງທົ່ວປະເທດຈີນ ຄື 950 ລ້ານໂດລາສະຫະລັດ, ເພີ່ມຂຶ້ນ 6% ເມື່ອທຽບກັບໄລຍະດຽວກັນຂອງປີກາຍ.
ພ້ອມກັນນັ້ນ ເອກະສານສະຖິຕິສະແດງໃຫ້ເຫັນວ່າ, ໃນການຄ້າກັບມຽນມາຂອງຈີນ, ຍອດມູນຄ່າການຄ້າກັບມຽນມາໂດຍຜ່ານດ່ານຢຸນນານໄດ້ບັນລຸ 600 ລ້ານໂດລາສະຫະລັດ, ກວມ 62,6% ຂອງຍອດມູນຄ່າການຄ້າກັບມຽນມາຂອງທົ່ວປະເທດ, ເພີ່ມຂຶ້ນຫຼາຍກວ່າເວລາດຽວກັນຂອງປີກາຍ 8,2%. ນອກຈາກວິສາຫະກິດທ້ອງຖິ່ນຢຸນນານ ແລ້ວ, ວິສາຫະກິດເອກະຊົນທີ່ມາຈາກນະຄອນຈຸ່ງກິ່ງ ແຂວງກວາງຕຸ້ງແລະແຂວງເຈີ້ຈຽງເປັນຕົ້ນໄດ້ກາຍເປັນກຳລັງຫຼັກແຫຼ່ງທີ່ຜ່ານດ່ານຢຸນນານດຳເນີນການຄ້າກັບມຽນມາ.
|
