|
ໃນເວລາຄົນເຮົາອິດເມື່ອຍ,ມັກມີຄວາມຮູ້ສຶກເມື່ອຍຫຼາຍຢ່າງຫຼາຍແນວ,ຍ້ອນວ່າມູນເຫດທີ່ພາໃຫ້ເມື່ອຍບໍຄືກັນ,ສະນັ້ນ ວິທີແກ້ເມື່ອຍກໍ່ບໍ່ຄືກັນ,ຖ້າບໍ່ດັ້ງນັ້ນບໍ່ພຽງແຕ່ບໍ່ໄດ້ຜົນເທົ່ານັ້ນ,ຍັງອາດຈະເຮັດໃຫ້ເມື່ອຍຫນັກເຂົ້າ.
\ເມື່ອຍຍ້ອນອອກກຳລັງກາຍ:ສ່ວນຫຼາຍມີອາການແຂນຂາອ່ອນແຮງ,ປວດກ້າມເນື້ອ,ແຕ່ຈິດໃຈຍັງຊື່ນຢູ່,ສາເຫດທີ່ພາໃຫ້ອິດເມື່ອຍທາງກຳລັງກາຍແມ່ນສິ່ງປ່ຽນຖ່າຍອັ່ງອໍໃນເລືອດຫຼາຍເກີນໄປ,ເຮັດໃຫ້ກ້າມເນື້ອບໍ່ສາມາດເຄື່ອນເຫນັງຢ່າງໄດ້ຜົນຕໍ່ໄປ,ເມື່ອສັນຍານຖືກສົ່ງໄປຮອດປະສາດກາງ,ຄົນເຮົາກໍ່ຈະຮູ້ສຶກອິດເມື່ອຍ.
ວິທີແກ້ເມື່ອຍທາງແຮງກາຍທີ່ດີທີ່ສຸດແມ່ນນອນ,ກ່ອນນອນໃຫ້ອາບນ້ຳຮ້ອນຫຼືເອົານ້ຳຮ້ອນແຊ່ຕີນ,ເຮັດແນວນີ້ຈະນອນຫຼັບງ່າຍ.
ເມື່ອຍຍ້ອນໃຊ້ສະຫຼອງຫຼາຍ:ຍ້ອນໃຊ້ສະຫມອງເປັນເວລາດົນນານຈຶ່ງພາໃຫ້ເລືອດແລະອອກຊີແຊນໄປຫໍ່ຼລ້ຽງສະຫມອງບໍ່ພຽງພໍ,ແລ້ວເຮັດໃຫ້ສະຫມອງເມື່ອຍ,ສ່ວນຫຼາຍມີອາການວິນຫົວ ບໍ່ຢາກກິນຫຍັງ,ຄວາມຈຳເສື່ອມ ໃຈບໍ່ຕ້ອມເປັນຕົ້ນ.
ວິທີແກ້ຄວາມອິດເມື່ອຍທາງສະຫມອງທີ່ດີກວ່າຫມູ່ແມ່ນໃຫ້ຫຼິ້ນກິລາບາງຢ່າງ,ຕົວຢ່າງຄືຫຼິ້ນບານ ຫັດກາຍຍະກຳ ຍ່າງຫຼິ້ນເປັນຕົ້ນ,ແຕ່ບໍ່ຄວນດຸເດືອດເກີນໄປ,ແລະຢ່າຫຼິ້ນດົນໂພດ,ໃນເວລາຫຼິ້ນສະຫມອງໄດ້ຮັບການພັກຜ່ອນຈຶ່ງພາໃຫ້ເຊົາເມື່ອຍ.
ຖ້າເມື່ອຍທາງຈິດໃຈແມ່ນຍ້ອນຈິດໃຈຖືກສິ່ງຫຍໍ້ທໍ້ກະຕຸກແລ້ວພາໃຫ້ເກີດມີຈິດໃຈຫຍໍ້ທໍ້ບາງຢ່າງ,ສ່ວນຫຼາຍຈະມີອາການວິຕົກກັງວົນແລະອຸກໃຈເປັນຕົ້ນ.
ຕໍ່ອາການເມື່ອຍທາງຈິດໃຈຈະອາໄສແຕ່ການນອນພັກຜ່ອນແຕ່ຢ່າງດຽວແມ່ນແກ້ໄຂບໍ່ໄດ້,ຄວນລະບາຍອາລົມອຸກອັ່ງໃນໃຈຢ່າງທັນການ,ເຊັ່ນໄປລົມກັບເພື່ອນທີ່ຮູ້ໃຈກັນຫຼືເຂົ້າຮ່ວມການເຄື່ອນໄຫວວັດທະນະທຳຫຼືກິລາແລະການລື້ນເລີງທີ່ມີຜົນດີຕໍ່ຮ່າງກາຍບາງຢ່າງກໍ່ໄດ້,ພ້ອມກັນນັ້ນ,ຄວນເຮັດໃຫ້ຈິດໃຈປອດໄສ,ເພີ່ມຄຸນສົມບັດສຶກສາ,ສັບຊ້ອນຈິດໃຈຂອງຕົນໃຫ້ຢູ່ໃນສະພາບທີ່ດີ,ເຮັດໃຈກວ້າງ,ເພື່ອຫຼຸດຜ່ອນຫຼືລົບລ້າງສາເຫດທີ່ພາໃຫ້ອິດເມື່ອຍທາງຈິດໃຈ
|
