|
ຄວາມຊິນເຄີຍ 6 ຢ່າງທີ່ພາໃຫ້ຄົນຕຸ້ຍງ່າຍນັ້ນ,ກ່ອນອື່ນກໍ່ແມ່ນຕື່ນເຊົ້າມາແຕ່ລະມື້,ທ່ານມີແຕ່ກິນກາເຟຈອກຫນຶ່ງຕາງອາຫານເຊົ້າແລ້ວ,ກໍ່ກໍ່ຟ້າວໄປເຮັດການ,ອາຫານທ່ຽງ,ເພື່ອປະຢັດເວລາ,ທ່ານມັກໄປກິນຢູ່ຮ້ານອາຫານໄວຍ້ອນຫິວ,ທ່ານຈຶ່ງໂມ່ມເອົາໂນ່ມເອົາ,ຄ່ຳມາ,ຍ້ອນອິດເມື່ອຍມາຫມົດມື້ແລ້ວ,ເມື່ອກຽມກັບເມືອຮອດບ້ານ,ກໍ່ມັກກິນອາຫານແຊບໆຄາບຫນຶ່ງເພື່ອຊົດເຊີຍ,ແລ້ວນັ່ງເບິ່ງລາຍການໂທລະພາບເພື່ອລໍຖ້າການສິ້ນສຸດຂອງມື້ຫນຶ່ງ.
ວິທີດຳລົງຊີວິດແບບນີ້ແມ່ນທົ່ວໄປທີ່ສຸດ,ແຕ່ທ່ານຮູ້ບໍ່ວ່າ ທັງຫມົດເຫຼົ່ານີ້ຢ່າງຫນ້ອຍມີຄວາມຊິນເຄີຍ 6 ຢ່າງທີ່ເຮັດໃຫ້ຄົນອ້ວນງ່າຍ,ຖ້າຊີວິດການເປັນຢູ່ຂອງທ່ານຄືກັບທີ່ກ່າວມາເຖິງນີ້,ຖ້າທ່ານເປັນຄົນອ້ວນກໍ່ບໍ່ແມ່ນເລື່ອງປະຫຼາດຫຍັງເລີຍ.
ຄວາມຊິນເຄີຍແນວໃດທີ່ເຮັດໃຫ້ພວກເຮົາອ້ວນງ່າຍ?
ຫນຶ່ງ:ກິນລ້ຽງເລື້ອຍໆ,ຄົນສ່ວນຫຼາຍຍ້ອນຫຼາຍມູນເຫດຈຶ່ງຕ້ອງກິນລ້ຽງເລື້ອຍໆໄປ,ງານແຕ່ງດອງຫຼືຫມູ່ລ້ຽງ,ໃນງານລ້ຽງ,ຖ້າບໍ່ກິນຈົນເຕັມອິມ,ຄືວ່າເສຍດາຍ,ແຕ່ທ່ານຮູ້ບໍ່ວ່າ,ຜູ່ຊ່ຽວຊານເຫັນວ່າການກິນອີ່ມຫຼາຍອາດຈະແມ່ນມູນເຫດສຳຄັນທີ່ພາໃຫ້ຄົນອ້ວນພີ,ໃນໄລຍະດຽວກັນ,ກິນຫຼາຍທໍ່ໃດຕ້ອງຍ່ອຍອາຫານຫຼາຍທໍ່ນັ້ນ,ແຕ່ອາຫານທີ່ຖືກຍ່ອຍນັ້ນແມ່ນມີຈຳກັດ.ອາຫານທີ່ບໍ່ຍ່ອຍອາດຈະຂັບຖ່າຍອອກໄປ,ຫຼືກາຍເປັນໄຂມັນສະສົມຢູ່ໃນຮ່າງກາຍ.
ວິທີທີ່ນິຍົມທີ່ສຸດໃນປະຈຸບັນກໍ່ແມ່ນກິນອາຫານມື້ລະ 5 6 ເທື່ອ,ຄືກິນຫຼາຍເທື່ອແຕ່ກິນຫນ້ອຍ,ເຮັດແນວນີ້ທີ່ຈິງແລ້ວຍິ່ງມີເຫດຜົນກວ່າ,ກິນຫຼາຍຄາບ,ສາມາດເຮັດໃຫ້ກາໂລລີໃນຮ່າງກາຍສິ້ນເປືອງຫຼາຍກວ່າປົກກະຕິ 10% ,ສະນັ້ນ,ມີຄວາມຊິນເຄີຍກິນອາຫານແບບນີ້,ຈະລົດຄວາມອ້ວນໄດ້ງ່າຍກວ່າ.
ສອງ:ໃຫ້ຕົນເອງອົດອາຫານ,ຢູ່ຈີນມີການເວົ້າກັນວ່າ:ກິນຄາບຫນຶ່ງ,ກຸ້ມສາມຄາບ,ກໍ່ຫມາຍຄວາມວ່າ,ກິນຫຼາຍໆຄາບຫນຶ່ງຫຼັງຈາກນັ້ນກໍອົດໄວ້ຄາບຫນຶ່ງຫຼືຫຼາຍຄາບ,ເປັນຫຍັງອົດອາຫານຄາບຈຶ່ງກາຍເປັນເລື່ອງບໍ່ດີ,ຂ້າພະເຈົ້າອະທິບາຍສູ່ຟັງ,ສົມມຸດວ່າ,ຄົນຜູ່ຫນຶ່ງຖືກຂັງຢູ່ໃນຄຸກ,ຍາມໃດນາຍທຳມະໂລງຄິດຮອດຈຶ່ງຄ່ອຍສົ່ງອາຫານມາໃຫ້ເຂົາກິນ,ສະນັ້ນ,ໃນເວລາມີອາຫານເຂົາຈຶ່ງກິນຫຼາຍໆກິນເພື່ອໄວ້,ສະສົມເອົາໄວ້,ເພາະເຂົາບໍ່ຮູ້ວ່າອີກດົນປານໃດຈຶ່ງມີຂອງກິນອີກ.ເຫດຜົນດຽວກັນ,ຖ້າເຮົາກິນຫຼາຍໆຄາບຫນຶ່ງ,ແລ້ວອົດຄາບຫນຶ່ງ,ຮ່າງກາຍກໍ່ຈະມີຄວາມຊິນເຄີຍສະສົມອາຫານ,ສະສົມໄຂມັນຈຶ່ງພາໃຫ້ເຮົາມັກອ້ວນພີໂດຍກົງ.
ສາມ:ນ້ຳຕານແລະກາເຟອິນ,ກິນອາຫານທີ່ວານຫຼາຍ,ຈະພາໃຫ້ທາດຫວານໃນເລືອດສູງຂຶ້ນ,ທັງນີ້ຈະມີແອັງສຸລິນໃນຮ່າງກາຍຫຼາຍໂພດ,ສ່ວນແອັງສຸລິນມັນມີຜົນສະທ້ອນທາງລົບຕໍ່ການຂັບຖ່າຍໃນຮ່າງກາຍ,ຜົນສະທ້ອນທາງລົບດັ່ງກ່າວເຮັດໃຫ້ມີໄຂມັນຍິ່ງຫຼາຍສະສົມຢູ່ໃນຮ່າງກາຍ,ຢາກໃຫ້ມັນໄຫມ້ຖິ້ມກໍຍາກຫຼາຍ.
ຜົນສະທ້ອນຂອງກາເຟອິນຕໍ່ຮ່າງກາຍກໍຄືກັນກັບນ້ຳຕານ,ກໍຈະເຮັດໃຫ້ທາດຫວານໃນເລືອດສູງຂຶ້ນ,ໄຂມັນຈະໄຫມ້ຊ້າລົງ,ສະນັ້ນ,ຖ້າເຮົາຢາກລົດຄວາມອ້ວນແທ້ກໍຢ່າເຂົ້າໃກ້ຈະດີກວ່າ.
ສີ່:ການບໍ່ກິນອາຫານເຊົ້າກໍມັກພາໃຫ້ຄົນອ້ວນ,ອາຫານເຊົ້າເວົ້າສຳລັບພວກເຮົາແລ້ວແມ່ນສຳຄັນທີ່ສຸດ,ມັນແມ່ນເລື່ອງຊຸກຍູ້ທີ່ຂັບຖ່າຍອັນເກົ່າຮັບເອົາສິ່ງໃຫມ່ກໃນ 8 ຊົ່ວໂມງຫຼັງຈາກກິນອາຫານເຊົ້າ,ໄຂມັນຢູ່ໃນຮ່າງກາຍຈະໄຫມ້ຖິ້ມໄວເຂົ້າ,ຖ້າບໍ່ກິນອາຫານຄາບທຳອິດ,ການຂັບຖ່າຍໃນຫມົດກໍຈະຖືກທຳລາຍ,ຜົນຮ້າຍຢ້ອນຫຼັງຂອງມັນຄິດເບິ່ງກໍ່ຮູ້ໂພດ.
;ຫ້າ:ກິນໄວໂພດກໍຈະພາໃຫ້ອ້ວນ,ທ່ານອາດຈະຮູ້ວ່າ,ການກິນອີ່ມຫຼືບໍ່ແມ່ນກະເພາະລຳໄສ້ສົ່ງສັນຍານໃຫ້ເຮົາຮູ້,ແຕ່ຫາກແມ່ນສະຫມອງສົ່ງສັນຍານບອກວ່າ,ອາຫານພຽວພໍແລ້ວ,ແຕ່ການຕິດຕໍ່ພົວພັນລະຫວ່າງສະຫມອງກັບຮ່າງກາຍຕ້ອງໃຊ້ເວລາ 20 ນາທີ ຊື່ງຫມາຍຄວາມວ່າຫຼັງຈາກກິນອີ່ມ 20 ນາທີແລ້ວ,ເຮົາຈຶ່ງຮູ້ສຶກແຮ່ງ,ກິນໄວກໍ່ແຮ່ງກິນຫຼາຍ,ເພາະວ່າເຮົາບໍ່ໄດ້ຈົ່ງເວລາໃຫ້ສະຫມອງບອກເຮົາວ່າກິນອີ່ມແລ້ວ,ສະນັ້ນ,ກະນອາຫານຄວນຫຍ້ຳຄອຍກິນ.
ຫົກ:ກິນນ້ຳຫນ້ອຍ,ຂັບຖ່າຍອັນເກົ່າຮັບເອົາສິ່ງໃຫມ່ມີນ້ຳໄຂມັນ ຈຶ່ງໄຫມ້ໄດເ,ສະນັ້ນ,ຖ້າກິນນ້ຳບໍ່ພໍ,ກໍ່ຈະເຮັດໃຫ້ຄົນມັກອ້ວນຄືກັນ,ພາຍໃຕ້ສະພາບປົກກະຕິ,ແຕ່ລະຄົນມື້ຫນຶ່ງຢ່າງຫນ້ອຍຕ້ອງກິນນ້ຳ 8 ຈອກ.
ທີ່ຈິງແລ້ວ,ການລົດຄວາມອ້ວນບໍ່ຢູນຳວ່າ,ເຈົ້າກິນອາຫານຫຼາຍຫຼືຫນ້ອຍ,ແຕ່ຢຸ່ນຳວ່າກິນອາຫານແນວໃດ,ຖ້າມີຄວາມຊິນເຄີຍທີ່ດີ,ບໍ່ຕ້ອງອົດອາຫານຢ່າງທໍລະມານ,ຫຼືເສຍເງິນຫຼວງຫຼາຍໄປຊື້ຢາລົດຄວາມອ້ວນ.
|
