ທ່ານອັບບາສກ່າວປາຖະກະຖາເທື່ອທຳອິດເພື່ອແຂ່ງຂັນເລືອກຕັ້ງປະທານອົງການອຳນາດແຫ່ງຊາດປາເລັສຕິນ
cri
Author: q
ຕາມຂ່າວCRI,ວັນທີ25ທັນວາ,ຢູ່ລາມາລາ, ທ່ານອັບບາສ ປະທານຄະນະບໍລິຫານງານອົງການປົດປ່ອຍປາເລັສຕິນໄດ້ກ່າວປາຖະກະຖາແຂ່ງຂັນເລືອກຕັ້ງເທື່ອທຳອິດ,ເລີ່ມເຂົ້າຮ່ວມການແຂ່ງແຂນເລືອກຕັ້ງປະທານອົງການອຳນາດແຫ່ງຊາດປາເລັສຕິນຢ່າງເປັນທາງການ.
ໃນນາມເປັນຜູ້ສະໝັກຮັບເລືອກຕັ້ງຂອງຂະບວນການປົດປ່ອຍຊາດປາເລັສຕິນ(ອານຟາຕາ),ວັນທີ25ທັນວາ,ທ່ານອັບບາສໄດ້ປະກາດໂຄງການບໍລິຫານຂອງຕົນ,ຮຽກຮ້ອງໃຫ້ອິດສະລະແອນປ່ອຍຕົວຊາວປາເລັສຕິນທີ່ຖືກກັກຂັງ,ຖອນທະຫານອອກຈາກດິນແດນປາເລັສຕິນຢ່າງຮອບດ້ານ.ທ່ານກ່າວເນັ້ນວ່າ,ທ່ານຈະທຳຄວາມພະຍາຍາມຢ່າງໝັ້ນໜຽວບໍ່ປ່ຽນແປງເພື່ອບັນລຸການສ້າງຕັ້ງປະເທດປາເລັສຕິນ,ຮັບປະກັນສິດກັບຄືນປະເທດຊາດຂອງຊາວອົບພະຍົບປາເລັສຕິນ.ທ່ານອັບບາສຍັງກ່າວວ່າ,ທ່ານຍິນດີຈັດການເຈລະຈາສັນຕິພາບກັບອິດສະລະແອນ.
ວັນທີ25ທັນວາ,ຝ່າຍທາງການປາເລັສຕິນແຈ້ງຂ່າວວ່າ, ໃນວັນທີ26ທັນວາ, ສອງຝ່າຍປາເລັສຕິນແລະອິດສະລະແອນຈະເຊັນສັນຍາຫຼາຍສະບັບ,ເພື່ອຊຸກຍູ້ໃຫ້ການເລືອກຕັ້ງປະທານອົງການອຳນາດແຫ່ງຊາດປາເລັສຕິນດຳເນີນໄປຢາງສະດວກຢູ່ຝັ່ງຕາເວັນຕົກແມ່ນ້ຳຈໍແດນ,ແຖບກາຊາແລະເຢລູຊາແລມຕາເວັນອອກ.
|
|