|
|
(GMT+08:00)
2004-12-27 19:50:37
|
|
ປະຊາຄົມໂລກພາກັນຊ່ອຍເຫືຼອເຂດປະສົບໄພ
cri
ຕາມຂ່າວcri: ນັບມາຮອດວັນທີ 27 ທັນວາ,ແຜ່ນດິນໄຫວແຮງແລະທະເລເດືອດຍ້ອນແຜ່ນດິນໄຫວໄດ້ພາໃຫ້ຫນຶ່ງຫມື່ນກວ່າຄົນເສຍຊີວິດແລະການເສຍຫາຍດ້ານຊັບສິນທີ່ເຫືຼອຄັນນະນາ.ພາຍຫລັງເກີດໄພແລ້ວ,ນອກຈາກລັດຖະບານຂອງປະເທດທີ່ປະສົບໄພດຳເນີນການກອບກູ້ຢ່າງວ່ວງໄວແລ້ວ,ຫລາຍໆປະເທດແລະອົງການຈັດຕັ້ງສາກົນກໍ່ພາກັນຊ່ອຍເຫືຼອເຂດປະສົບໄພຢ່າງໄວວາ.
ວັນທີ 26 ທັນວາ,ທ່ານອານນານ ເລຂາທິການໃຫຍ່ສະຫະປະຊາຊາດຜ່ານໂຄສົກຂອງທ່ານອອກຖະແຫລງການວ່າ,ທ່ານຮູ້ສຶກໂສກເສົ້າທີ່ສຸດທີ່ແຜ່ນດິນໄຫວແລະທະເລເດືອດໄດ້ພາໃຫ້ເສຍຫາຍດ້ານຊີວິດແລະຊັບສິນອັນມະຫາສານ,ແລະເຫັນໃຈແລະຖາມຂ່າວນຳລັດຖະບານແລະປະຊາຊົນຂອງປະເທດທີ່ປະສົບໄພ.ມື້ດຽວກັນ,ທ່ານຫູຈິນທາວ ປະທານປະເທດຈີນກໍ່ໄດ້ຝາກໂທລະເລກໄປຍັງປະມຸກລັດຂອງປະເທດທີ່ປະສົບໄພ,ຕາງຫນ້າລັດຖະບານແລະປະຊາຊົນຈີນສະແດງຄວາມຖາມຂ່າວຢ່າງຈິງໃຈຕໍ່ປະເທດເຫົ່ຼານີ້ທີ່ປະສົບຄວາມເສຍຫາຍດ້ານຊີວິດແລະຊັບສິນຢ່າງຫນັກຫນ່ວງ,ແລະໄວ້ອາໄລຢ່າງເສົ້າສະຫລົດໃຈຕໍ່ຜູ້ປະສົບເຄາະຮ້າຍ.
ສົມເດັດເອເລັກຊາເບດ ລາຊີນີອັງກິດ ທ່ານຊີລັກ ປະທານາທິບໍດີຝຣັ່ງ ທ່ານປູຕິນ ປະທານາທິບໍດີລັດເຊຍແລະສົມເດັດເບຢາຕິຼກສ ລາຊີນີໂຮນລັງກໍ່ພາກັນສະແດງຄວາມເຫັນໃຈຕໍ່ປະເທດທີ່ປະສົບໄພ.
ໃນຂະນະດຽວກັນ,ປະຊາຄົມໂລກໄດ້ດຳເນີນການເຄື່ອນໄຫວກອບກູ້ຢ່າງວ່ອງໄວ.ປະຈຸບັນ,ສະຫະປະຊາຊາດໄດ້ແຕ່ງຫນ່ວຍງານປະເມີນໄພແລະປະສານງານກອບກູ້ໄປເຂດປະສົບໄພແລ້ວ.ຫ້ອງການປະສານງານວຽກງານມະນຸດສະທຳຂອງສະຫະປະຊາຊາດກ່າວວ່າ,ພະນັກງານສະຫະປະຊາຊາດໄດ້ເລີ່ມເບີກເງິນສົງເຄາະດ່ວນໃຫ້ປະຊາຊົນຜູ້ປະສົບໄພຂອງສີລັງກາແລ້ວ.
ສະພາກາແດງແລະສະຫະພັນສາກົນຊີກວົງເດືອນແດງທີ່ສຳນັກງານໃຫຍ່ຕັ້ງຢູ່ເຊີແນວໄດ້ເບີກເງິນ 8 ແສນ 7 ຫມື່ນໂດລາສະຫະລັດຈາກກອງທຶນກູ້ໄພຂອງເຂົາໃຫ້ສະຫະປະຊາຊາດແລ້ວ. ໃນນາມເປັນປະເທດບ້ານໃກ້ເຮືອນຄຽງກັບປະເທດທີ່ປະສົບໄພ,ລັດຖະບານຈີນໄດ້ເອົາໃຈໃສ່ນຳສະພາບຂອງເຂດປະສົບໄພຢ່າງໃກ້ຊິດ.ຕອນຄ່ຳວັນທີ 26 ທັນວາ,ກະຊວງການຄ້າຈີນປະກາດວ່າ,ລັດຖະບານຈີນຕົກລົງສະຫນອງການຊ່ອຍເຫືຼອດ່ວນແບບມະນຸດສະທຳແກ່ 5 ປະເທດເຊັ່ນ ອິນເດຍ ອິນໂດເນເຊຍ ສີລັງກາ ມານດາຍແລະໄທ.ປະຈຸບັນ,ກະຊວງການຄ້າຈີນໄດ້ເລີ່ມປະຕິບັດກົນໄກກອບກູ້ດດ່ວນແລ້ວ,ເພື່ອມອບການຊ່ອຍເຫືຼອດ່ວນໃຫ້ປະເທດທີ່ປະສົບໄພຢ່າງວ່ອງໄວ.ຍີ່ປຸ່ນທີ່ມີບົດຮຽນຫລາຍໃນດ້ານຮັບມືກັບແຜ່ນດິນໄຫວແລະທະເລເດືອດກໍ່ໄດ້ແຕ່າງກອງປິ່ນປົວທີ່ປະກອບດ້ວຍປະມານ 20 ຄົນກອງຫນຶ່ງໄປສີລັງກາຕາມຄຳຮ້ອງຂໍ.ນອກນີ້,ຍີ່ປຸ່ນຍັງກຽມແຕ່ງກອງກອບກູ້ເພີ່ມໄປອິນໂດເນເຊຍ ໄທແລະສີລັງກາ,ແລະມອບຜ້າເຕັນ ພົມແລະຈັກຜະລິດໄຟຟ້າແລະວັດຖຸຊ່ອຍເຫືຼອດ່ວນອື່ນໆໃຫ້.ຫນ່ວຍປິ່ນປົວຂອງອິດສະລະແອນກໍ່ໄດ້ເດີນທາງໄປເຖິງສີລັງກາແລ້ວ.ວັນທີ 26 ທັນວາ,ລັດຖະບານໂກແວັດກ່າວວ່າ,ຈະໃຫ້ທຶນຊ່ອຍເຫືຼອແກ່ປະເທດທີ່ປະສົບໄພ.
ໃນຂະນະດຽວກັນ,ສະຫະພາບເອີລົບແລະປະເທດເອີລົບຈຳນວນຫນຶ່ງກໍ່ໄດ້ໃຫ້ການຊອ່ຍເຫືຼອ.ວັນທີ 26 ທັນວາ,ຄະນະກຳມະການສະຫະພາບເອີລົບຕົກລົງວ່າ,ສະຫະພາບເອີລົບຈະໃຫ້ການຊ່ອຍເຫືຼອດ່ວນງວດທຳອິດ 4 ລ້ານໂດລາສະຫະລັດແກ່ປະເທດທີ່ປະສົບໄພ.ປະກາດແຈ້ງຂ່າວທີ່ຄະນະກຳມະການສະຫະພາບເອີລົບປະກາດນັ້ນຂຽນວ່າ,ຕາບໃດຄວາມຕ້ອງການຂອງເຂດປະສົບໄພຢູ່ອາຊີໄດ້ຖືກຢືນຢັນແລ້ວ,ສະຫະພາບເອີລົບອາດຈະໃຫ້ການຊ່ອຍເຫືຼອຍິ່ງຫລາຍກວ່າເກົ່າແກ່ເຂດປະສົບໄພ.ພ້ອມກັນນັ້ນ,ສະຫະພາບເອີລົບພວມຕິດຕຕໍ່ພົວພັນກັບຄູ່ຮ່ວມມືເຊັ່ນລວມທັງຄະນະກຳມະການສາກົນສະພາກາແດງ ສະຫະພັນສາກົນຊີກວົງເດືອນແດງເປັນຕົ້ນ,ຮັບປະກັບໃຫ້ການຊ່ອຍເຫືຼອຂອງສະຫະພາບເອີລົບສາມາດເອົາໃຫ້ເຂດປະສົບໄພຢ່າງວ່ອງໄວໄດ້.ນອກນີ້,ຫລາຍໆປະເທດເອີລົບເຊັ່ນເຢຍລະມັນ ອີຕາລີ ແບນຊິກ ຝຣັ່ງ ອັງກິດ ຊູແອັດ ໂອດຼິດແລະເກັຼກເປັນຕົ້ນກໍ່ອອກເງິນອອກກຳລັງຄົນ,ບໍ່ພຽງແຕ່ໄດ້ແຕ່າງຫນ່ວນປິ່ນປົວໄປເຂດປະສົບເທົ່ານັ້ນ,ຍັງໄດ້ຫ້າງຫາວັດຖຸທີ່ຕ້ອງການດ່ວນເຊັ່ນຜ້າເຕັນ ພົມແລະຢຸກຢາເປັນຕົ້ນ.ມື້ດຽວກັນ,ກະຊວງສະພາບສຸກເສີນຂອງລັດເຊຍປະກາດວ່າ,ລັດເຊຍຈະແຕ່ງຍົນຂົນສົ່ງອິນ-76 ສອງລຳເພື່ອສະຫນອງວັດຖຸທີ່ຕ້ອງການດ່ວນໃຫ້ປະເທດທີ່ປະສົບໄພ,ພະນັກງານກອບກູ້ຂອງລັດເຊຍກໍ່ຈະໄປເຂດປະສົບໄພນຳກັນກັບຍົນລຳດຽວກັນ.
|
|
|