ຕາມຂ່າວCRI: ວັນທີ 26 ທັນວານີ້ ທ່ານມາເຮີດີ ດາເຮີລາລາ ລັດຖະມົນຕີກະຊວງຖະແຫຼງຂ່າວຊີເລຍກ່າວວ່າ, ຊີເລຍບໍ່ຫ່ອນປ່ຽນແປງນະໂຍບາຍການຕ່າງປະເທດທີ່ປະຕິບັດໃນປະຈຸບັນຍ້ອນຖືກກົດໜີບຢ່າງຮຸນແຮງຈາກຝ່າຍອາເມລິກາ.
ທ່ານດາເຮີລາລາກ່າວເນັ້ນວ່າ, ຊີເລຍບໍ່ຮັບເຫັນດີອັນທີ່ວ່າ "ສັນຕິພາບ"ທີ່ວົງການພາຍນອກຂຶນເຕັງໃຫ້,ກອງທະຫານອິສລາແອນຕ້ອງຖອຍຄືນໄປຫາຊາຍແດນກ່ອນປີ 1967. ພ້ອມກັນນັ້ນ ທ່ານໄດ້ຕິຕຽນອາເມລິກາໃຊ້ຫຼັກໝັ້ນເຂົ້າຂ້າງອິສລາແອນໂດຍຕະຫຼອດໃນບັນຫາຕາເວັນອອກກາງ, ຕອບສະໜອງຄວາມຕ້ອງການຂອງຝ່າຍອິສລາແອນໂດຍສະຫຼະຜົນປະໂຫຍດຂອງຝ່າຍອາລັບ.
ໃນບັນຫາອີຣັກ, ທ່ານດາເຮີລາລາເດັດດ່ຽວປະຕິເສດຂ່າວທີ່ວ່າເຈົ້າໜ້າທີ່ທີ່ກ່ຽວຂ້ອງຂອງຊີເລຍພົບປະກອງປະກອບອາວຸດຕໍ່ຕ້ານຂອງຊີເລຍຢູ່ເມືອງຟາລູຈາ. ທ່ານຍັງກ່າວວ່າ, ບັນດາຝ່າຍທີ່ກ່ຽວຂ້ອງຕ້ອງວາງ "ຫຼັກການພື້ນຖານ" ເພື່ອອະທິປະໄຕສົມບູນຂອງອີຣັກແລະປົກປັກຮັກສາສະຖຽນລະພາບແລະຄວາມເປັນເອກະພາບຂອງອີຣັກ.
|