|
ຟີລິບປິນປະກາດວ່າຈະເພີ່ມທະວີການຮ່ວມມືປ້ອງກັນຊາດແລະຄວາມປອດໄພກັບອາເມລິກາ
cri
Author: mengmeng
ຕາມຂ່າວສານຊິນຮວາ, ວັນທີ27ທັນວາ, ຟີລິບປິນປະກາດວ່າປີໜ້າຈະເພີ່ມທະວີການຮ່ວມມືປ້ອງກັນຊາດແລະຂົງເຂດຄວາມປອດໄພກັບອາເມລິກາ, ພ້ອມກັນນັ້ນ, ອາເມລິກາຈະເພີ່ມການຊ່ອຍເຫຼືອທາງການທະຫານແລະເສດຖະກິດຕໍ່ຟີລິບປິນ.
ບົດລາຍງານທີ່ກະຊວງການຕ່າງປະເທດຟີລິບປິນປະກາດໃນວັນທີ27ທັນວາຂຽນວ່າ, ລັດຖະສະພາອາເມລິກາໄດ້ອະນຸມັດເພີ່ມເງິນຊ່ອຍເຫຼືອທາງການທະຫານແລະຄວາມປອດໄພຕ້ານລັດທິກໍ່ການຮ້າຍ3ລ້ານ5ແສນໂດລາສະຫະລັດໃຫ້ຟີລິບປິນໃນປີ2005.
ບົດລາຍງານສະບັບນີ້ຂຽນວ່າ, ປີ2004, ຟີລິບປິນໄດ້ຮັບການຊ່ອຍເຫຼືອທາງການທະຫານ9ລ້ານ1ແສນ6ໝື່ນ8ພັນໂດລາສະຫະລັດຈາກອາເມລິກາ, ແມ່ນປະເທດອາຊີທີ່ໄດ້ຮັບການຊ່ອຍເຫຼືອທາງການທະຫານຫຼາຍກວ່າໝູ່ຈາກອາເມລິກາ.
|
|
