|
ນະທີ່ນີ້,ພວກເຮົາໄດ້ເຊີນທ່ານສາດສະດາຈານຮົງຊ້າວກວງ ຜູ່ຊ່ຽວຊານແພດສາດປົວພະຍາດເລືອດດັນສູງ,ພະຍາດສາຍເລືອດຫົວໃຈແລະພະຍາດຜູ່ເຖົ້າ,ມາແນະ ນຳຄວາມຮູ້ກ່ຽວກັບສຸກຂະພາບ,ໄດ້ກ່າວເຖິງຄຳຖະແຫຼງການວິກຕໍເລຍຂອງອົງການອະນາໄມໂລກກ່ຽວກັບສຸກຂະພາບທີ່ມີຢູ່ 4 ຄຳຄື:ອາຫານການກິນອັນເຫມາະສົມ,ຫັດກາຍບໍລິຫານພໍດ້າມພໍດີ,ບໍ່ສູບຢາ ຈຳກັດເຫຼົ້າ,ມີຈິດໃຈສະຫງົບທຸ່ນທ່ຽງ,ທ່ານຮົງຊ້າວກວງ ໄດ້ອະທິບາຍຫລັກອາຫານການກິນອັນເຫມາະສົມໃນຊີວິດປະຈຳວັນ,ເຊ່ິງເພ່ີນໄດ້ຂ້ອນເປັນຄວາມຈື່ງ່າຍໆວ່າ 1 2 3 4 5 ແລະສີແດງ ສີເຫຼືອງ ສີຂຽວ ສີຂາວແລະສີດຳ,ນະທີ່ນີ້,ທ່ານຈະອະທິບາຍຄຳທີ່ວ່າການຫັດກາຍພໍດ້າມພໍດີ.
ຄຳວ່າການຫັດກາຍພໍຄ້າມພໍດີ,ເພ່ີນໄດ້ວາງໄວ້ໃນຄຳທີສອງແຫ່ງການຮັກສາສຸກຂະພາບ,ກໍພໍເຫັນໄດ້ວ່າມັນມີຄວາມສຳຄັນທີ່ສຸດ,ຕັ້ງແຕ່ 2500 ປີກ່ອນພຸ້ນ, ທ່ານຮີປຼັອກຄຼາຕິສ ແພດຜູ້ມີຊື່ສຽງຂອງເກຼັກບູຮານ,ບິດາແຫ່ງແພດສາດກໍເຄີຍເວົ້າວ່າ,ແສງແດດ,ອາກາດ ນ້ຳແລະກິລາ,ແມ່ນບໍ່ເກີດແຫ່ງຊີວິດແລະສຸກຂະພາບ,ເປັນຫຍັງກິລາຈ່ຶງສຳຄັນປານນັ້ນ?ທ່ານສາດສະດາຈານຮົງເວົ້າວ່າ ຫຼິ້ນກິລາມີຜົນດີໃນ 4 ດ້ານ,ຫນ່ຶງຮູບຮ່າງດີ,ໄຂມັນຫນ້ອຍ,ກ້າມເນື້ອແຫນ້ນ ສອງ,ມີກຳລັງວັງຊາ
ອາລົມດີ ຈິດໃຈເບີກບານ,ສາມ,ບໍ່ເປັນພະຍາດກະດູກຜ່ອຍ,ບໍ່ຂາດທາດການເຊຍມ໌,ເມື່ອເຖົ້າແລ້ວກໍບໍ່ເຕ້ຍລົງ,ສ່ີ ມີຜົນດີຕໍ່ການປົວພະຍາດເບົາຫວານ,ໂລກຫົວໃຈແລະໂລກເຊີ້ຊ້າຂອງຜູ່ເຖົ້າ.
ມີແຕ່ຫຼິ້ນກິລາ,ຈ່ຶງສາມາດເຮັດໃຫ້ອະໄວຍະວະຄື:ຫົວໃຈແລະປອດ ແລະລະບົບສາຍເລືອດຫມູນວຽນ,ລະບົບຍ່ອຍອາຫານ ລະບົບຂັບຍ່ອຍເປັນຕົ້ນຈ່ຶງໄດ້ຮັບການຝຶກຝົນຢ່າງເຕັມທີ່,ມີແຕ່ຫຼິ້ນກິລາຫັດກາຍທໍ່ນັ້ນ,ຈ່ຶງສາມາດເຮັດໃຫ້ລະບົບເສັ້ນປະສາດສະດຸ້ງໄວ,ລະບົບກ້າມເນື້ອແລະກະດູກແຂງແຮງ,ມີແຕ່ຫັດກາຍທໍ່ນັ້ນຈ່ຶງສາມາດເຮັດໃຫ້ສະມັດທະພາບຕ່າງໆນາໆພາຍໃນຮ່າງກາຍເສີມຂະຫຍາຍໄດ້ຢ່າງເຕັມທີ່.ຄົນຜູ່ຫນ່ຶງ,ເມື່ອມີກຳລັງວັງຊາເຕັມໂຕ,ຈ່ຶງຮູ້ຮັກຫອມຊີວິດ,ມີຄວາມຫມັ້ນໃຈເຕັມປ່ຽມຕໍ່ອະນາຄົດ.
ຄັນຊັ້ນ,ກິລາແນວໃດດີກວ່າຫມູ່? ຄວນເວົ້າວ່າ,ກິລາຊະນິດໃດກໍດີຫມົດ,ເຊ່ັນປີນພູ ປີນຂັ້ນໄດ ລອຍນ້ຳ ຂ່ີລົດ ເຕັ້ນລຳແລະອື່ນໆ,ແຕ່ວ່າ,ເມື່ອປີ 1992,ອົງການອະນາໄມໂລກໄດ້ຊີ້ອອກຢ່າງຈະແຈ້ງວ່າ,ກິລາທີ່ດີທີ່ສຸດໃນໂລກແມ່ນຍ່າງ,ໂດຍສະເພາະມີຜົນດີເດ່ັນສຳລັບ ຜູ່ເຖົ້າແລະຄົນໄວກາງ,ຜົນຂອງມັນຍັງດີກວ່າບານໂກຟແລະໂບລີງ ເປັນຫຍັງຈ່ຶງວ່າຈ່ັງຊັ້ນ?
ທ່ານສາດສະດາຈານແນະນຳວ່າ,ມີ 2 ມູນເຫດ,ຄືຫນ່ຶງ,ມະນຸດແມ່ນວິວັດພັດທະນາມາຈາກມະນຸດທະນີ ຈາກຍ່າງ 4 ຂາຮອດການລຸກຢືນຂຶ້ນ,ຜ່ານເວລາ 1 ລ້ານປີເຕັມໆ,ຈ່ຶງລຸກຢືນຍ່າງໄດ້,ສະນັ້ນ,ເວົ້າໃນດ້ານອົງປະກອບຂອງຮ່າງກາຍຄົນແລ້ວ,ສະມັດທະພາບທາງສະລີລະສາດ ສະພາບຫົວໃຈແລະປອດ ກະດູກແລະກ້າມເນື້ອແມ່ນເຫມາະທີ່ສຸດສຳລັບຍ່າງ,ຍົກຕົວຢ່າງ,ໂລກສາຍເລືອດແດງດ້ານແມ່ນປ່ຽນແປງໄດ້,ການຍ່າງກໍແມ່ນວິທີທີ່ໄດ້ຜົນທີ່ສຸດໃນການເຮັດໃຫ້ສາຍເລືອດແດງອ່ອນນຸ່ມ,ທະແນມແຕ່ຍຶດຫມັ້ນຍ່າງປີຫນ່ຶງຂຶ້ນໄປ,ກໍໄດ້ຜົນ,ຫັດຍ່າງເລື້ອຍໆ,ມີຜົນດີຕໍ່ກນລົດຄວານດັນເລືອດ ລົດໂກເລັສເຕລອນແລະລົດຄວາມອ້ວນ.
ສອງແມ່ນ,ກິລາມີ 3 ຫລັກການ,ຫນ່ຶງແມ່ນຍຶດຫມັ້ນສະເຫມີ ຍຶດຫມັ້ນຫມາຍເຖິງຫຼິ້ນກິລາເລື້ອຍໆຢ່າງມີກົດເກນ,ສອງແມ່ນເປັນລະບຽບຄື:ຄ່ອຍຫຼິ້ນຄ່ອຍໄປເພ່ີມຂຶ້ນເທື່ອລະກ້າວ.ສາມແມ່ນຕ້ອງເຫມາະສົມ,ສະນັ້ນ,ຈ່ຶງວ່າ,ການຍ່າງແມ່ນກິລາທີ່ີດີກວ່າເພ່ີນ,ກິລາແນວອື່ນຕ້ອງຖືກເງື່ອນໄຂຕ່າງໆຜູກມັດ,ເຊ່ັນ:ອາກາດ ຄວາມຊຸ້ມ ສະຖານທີ່ເງື່ອນໄຂເສດຖະກິດແລະອື່ນໆ,ແຕ່ການຍ່າງຫຼືປິນຂັ້ນໄດສູ່ມື້ນີ້ແມ່ນວິທີທຳມະຊາດທີ່ງ່າຍທີ່ສຸດ,ບໍ່ຈຳກັດເວລາແລະສະຖານທີ່, 4 ລະດູໃນປີຫນຶ່ງ, ຍ່າງໄດ້ທຸກເວລາ,ສາມາດຍຶດຫມັ້ນໄດ້ເປັນປະຈຳ,ຢ່າງມີຈັງຫວະແລະຮັກສາໃຫ້ພໍດ້າມພໍດີໄດ້.ການຫຼິ້ນກິລາຢ່າງດຸເດືອດເປັນບາງເທື່ອ,ບໍ່ສາມາດຮັກສາຜົນຂອງການຫຼິ້ນກິລາຕໍ່ຮ່າງກາຍ,ແຕ່ຍ່າງແມ່ນໄດ້ຜົນດີກວ່າເພ່ິນ,ແມ່ນກິລາທີ່ີດີກວ່າຫມູ່,ນອກນີ້,ຖ້າແລ່ນຊ້າກໍດີຄືກັນ.
ຄັນຊັ້ນ,ການຍ່າງຕ້ອງໃຫ້ໄດ້ເຖິງລະດັບໃດຈ່ຶງໄດ້ຜົນ?ທ່ານສາດສະດາຈານຮົງຊ້າວກວງເວົ້າວ່າ,ໃຫ້ຈື່ງເອົາສາມຕົວເລກ,ຄື 3 5 7.3 ຫມາຍເຖິງ 3 ກິໂລແມັດ,ແຕ່ລະມື້ໃຫ້ຍ່າງໄວ 3 ກິໂລແມັດຂຶ້ນໄປ,ໃຊ້ເວລາເຄ່ິງຊົ່ວໂມງ, 5 ຫມາຍເຖິງອາທິດຫນ່ຶງຫຼິ້ນກິລາ 5 ເທື່ອຂຶ້ນໄປ,ຫນ້ອຍທີ່ສຸດກໍຕ້ອງຫຼິ້ນ 4 ເທື່ອ,ຖ້າຫຼິ້ນ 5 ເທື່ອ ຫຼື 6—7 ເທື່ອກໍແຮງດີ,ໃຫ້ກາຍເປັນກົດເກນ. 7 ຫມາຍເຖິງການຫຼິ້ນກິລາໃຫ້ເຖິງລະດັບປານກາງ,ຄື:ໃຈເຕັ້ນບວກໃສ່ອາຍຸໃຫ້ໄດ້ເຖິງ 170 ຕົວຢ່າງ:ຜູ່ອາຍຸ 60 ,ເມື່ອຍ່າງແລ້ວໃຈເຕັ້ນຕ້ອງໃຫ້ໄດ້ 110 ເທື່ອ.ແຕ່ຕົວເລກນີ້,ແມ່ນຕົວເລກສະເລ່ຍສຳລັບຜູ່ທີສຸກຂະພາບປົກກະຕິ,ຜູ່ເປັນໂລກຫົວໃຈເຕັ້ນຊ້າກວ່ານີ້ແມ່ນປົກກະຕິ,ຫວ່າງມໍ່ໆນີ້,ມີການທົດລອງເທື່ອຫນ່ຶງຄື:ມີຜູ່ເຖົ້າ 2 ຈຸ ຈຸ ຫນ່ຶງຍ່າງມື້ລະ 4.2 ກິໂລແມັດ,ອັດຕາຕາຍແລະອັດຕາເປັນໂລກຫົວໃຈຄ່ຳກວ່າຈຸ ບໍ່ຍ່າງ 60%.ນີ້ກໍແມ່ນຜົນປະໂຫຍດຂອງການຍ່າງ
ທະແນມແຕ່ຫັດກາຍຕາມວິທີ 3 5 7 ທີ່ກ່າວມາຄື:ຍ່າງມື້ລະ 3 ກິໂລແມັດ ອາທິດລະ 5 ເທື່ອ,ເວລາຍ່າງໃຈເຕັ້ນບວກກັບອາຍຸໄດ້ 170 ,ທ່ານກໍຈະປອດໄພ,ທັງແຂງແຮງ.ແຕ່ກິລາມີ 3 ຊະນິດ,ຫນ່ຶງແມ່ນກິລາຂັ້ນເບົາແມ່ນເພື່ອຫັດກາຍໃຫ້ແຂງແຮງ,ໃຫ້ເປັນພະຍາດຫນ້ອຍລົງ,ສອງແມ່ນກິລາເຝິກຫັດສະມັດທະພາບ,ຄືຫັດກ້າມເນື້ອໃຫ້ເນື້ອແຫນ້ນ,ປະເພດທີສາມແມ່ນກິລາແມ່ນແຂ່ງຂັນ,ຫລັກຊະນະອາຊີບ,ເຊ່ິງເປັນກິລາທີ່ຂ້ອນຂ້າງດຸເດືອດ,ກິລາທີ່ພວກເຮົາເວົ້ານັ້ນແມ່ນກິລາທີ່ພໍດ້າມພໍດີ,ປານກາງ,ເຮັດໃຫ້ເປັນພະຍາດຫນ້ອຍລົງ,ເພື່ອບັນລຸຈຸດປະສົງໃຫ້ຮ່າງກາຍແຂງແຮງ.
ນອກຈາກຍ່າງແລ້ວ,ສາດສະດາຈານຮົງຍັງສະເຫນີໃຫ້ຄົນທັງຫຼາຍຫຼິ້ນກິລາຊະນິດນ່ຶງຄື:ມວຍລາຍໄທຈີ້ເຊ່ິງເປັນກິລາດີທີ່ສຸດທີ່ຊາວໂລກຮັບຮູ້ນຳກັນ,ເມື່ອໄດ້ຄົ້ນຄວ້າທາງດ້ານວິທະຍາສາດແລ້ວ,ເຫັນວ່າ,ມວຍລາຍໄທຈີ້ເຫມາະສຳລັບຄົນໄວກາງແລະໄວຊະລາເປັນພິເສດ.ເພາະວ່າ,ເມື່ອໄດ້ຫັດມວຍໄທຈີ້ແລ້ວ,ລະບົບເສັ້ນປະສາດ,ສະມັດຕະພາບກົມກຽວ,ສະມັດຕະພາບດັດສົມ,ພ້ອມທັງກ້າມເນື້ອແລະກະດູກດີຂຶ້ນຢ່າງເດ່ັນຊັດ,ຜູ່ທີ່ເຄີຍຫັດກາຍໄທຈີ້ ບໍ່ລົ້ມງ່າຍ,ເຖິງຈະລົ້ມບາດຫນ່ຶງກໍ່ບໍ່ເປັນຫຍັງ,ຜູ່ເຖົ້າທ່ົວໄປຖ້າລົ້ມກໍມັກກະດູກຫັກໂລດ,ອາເມລິກາເຄີຍຄົ້ນຄວ້າໂດຍສະເພາະແລ້ວປະກົດເຫັນວ່າ,ຜູ່ທີ່ຫັດມວຍໄທຈີ້ລົ້ມດູກຫັກຫນ້ອຍກວ່າຜູ່ທີ່ບໍ່ຫັດມວນນີ້ເຄ່ິງຫນ່ຶງ.
ມວຍລາຍໄທຈີ້ສາມາດເຮັດໃຫ້ລະບົບປະສາດ ກະດູກແລະກ້າມເນື້ອຂອງຄົນຫນຸ່ມຂຶ້ນ 3 ປີ ຮອດ 10 ປີ,ຫັນມັງມີກຳລັງວັງຊາພຽງພໍ,ທ່າທາງກໍຄ່ອງແຄ້ວ.ການຄົ້ນຄວ້າຂອງຈີນຢັ້ງຢືນວ່າ,ຜູ່ຫັດມວຍໄທຈີ້ຫນ້ອຍທີ່ສຸດທີ່ຈະເປັນພະຍາດກະດູກຜ່ອຍ,ທັງມີບົດບາດສຳຄັນຕໍ່ການເຮັດໃຫ້ເລືອດດັນຕ່ຳລົງຄວບຄຸມເລືອດດັນໃຫ້ເປັນປົກກະຕິ.
|
