ຕາມ​ຂ່າວCRI: ວັນ​ທີ 28 ທັນວາ ນັກ​ຂ່າວ​ໄດ້​ຊາບ​ຈາກ​ຄະນະ​ກຳມະການ​ສົ່ງ​ເສີມ​ການ​ຄ້າ​ສາກົນ​ຈີນ​ວ່າ, ​ໃນ​ເດືອ​ນມັງກອນ​ປີໜ້າ, ຂະ​ແໜງ​ການ​ລົດຍົນ​ຈີນ​ຈະໄປ​​ວາງສະ​ແດງ​ຢູ່ຫວຽດນາມ​ແລະ​ກຳປູ​ເຈຍ, ​ເພື່ອ​​ຂະຫຍາຍ​ຕະຫຼາດ​ໄປ​ຫາເຂດ​ອາຊີ​ອາຄະ​ເນ.

ຕາມ​ແນະນຳ​ວ່າ, ນີ້​ແມ່ນ​ຂະ​ແໜງ​ການ​ລົດຍົນ​ຈີນ​ໄປ​​ວາງສະ​ແດງ​ຢູ່​ພົ້ນທະ​ເລ​ເປັນຄັ້ງທີ​ສາມ. ວິ​ສາ​ຫະກິດ​ຜະລິດ​ລົດຍົນ​ຕົ້ນຕໍ​ຂອງ​ຈີນ​ລ້ວນ​ແຕ່​ຈະ​ເຂົ້າຮ່ວມ​ການ​ ​ວາງສະ​ແດງ​ເທື່ອ​ນີ້, ​ລົດ​ທີ່​ຈະ​ນຳ​ໄປ​ວາງສະ​ແດງ​ມີລົດ​ເກ໋ງ ລົດ​ຂົນ​ສົ່ງ​ສິນຄ້າ ລົດ​ບັດ​ໃຫຍ່​ແລະ​ລົດ​ຈັກ​ເປັນຕົ້ນ.

ບຸກ​ຄົນ​ໃນ​ວົງ​ການຊີ້​ອອກ​ວ່າ, ປະຈຸ​ບັນ ລົດຍົນ​ທີ່​ຈີນ​ຜະລິດ​ໄດ້​ກວມ​​ໂກ​ຕາຕະຫຼາດ​ລົດ​ຍົນ​ຂອງ​ໂລກ 7%, ຮອດ​ປີ 2010, ອັດຕາ​ດັ່ງ​ກ່າວ​ມີ​ຫວັງ​ຈະ​ຂະ​ຫຍາຍ​ໄປ​ຮອດ 16%.