|
ປີ 2004 ຈະຜ່ານໄປແລ້ວ,ໃນຫນຶ່ງປີມານີ້,ຈີນໄດ້ອອກແຮງປາບການກະທຳລ່ວງລະເມີດລິກຂະສິດແລະລັກລອກແບບຕ່າງໆ,ຕັ້ງຫນ້າສ້າງບັນຍາກາດສັງຄົມທີ່ສະຫນັບສະຫນູນຂອງແທ້,ສືບຕໍ່ບູລະນະລະບອບກົດຫມາຍວ່າດ້ວຍສິດປະພັນໃຫ້ສົມບູນຂຶ້ນ,ວຽກງານປົກປ້ອງລິກຂະສິດໄດ້ຮັບຫມາກຜົນແລ້ວ.
ທ່ານວາງຈີ້ຊຽງ ຫົວຫນ້າພະແນກຄຸ້ມຄອງລິກຂະສິດຂອງກົມລິກຂະສິດແຫ່ງຊາດຈີນກ່າວວ່າ, ລັດຖະບານຈີນເອົາໃຈໃສ່ໃນລະດັບສູງນຳວຽກງານປົກປ້ອງສິດຊັບສິນທາງປັນຍາ,ຈັດການປາບການລ່ວງລະເມີດລິກຂະສິດແລະລັກລອກແບບເຂົ້າໃນວຽກງານຈຸດຫນັກແນໃສ່ປັບປຸງແລະເຮັດໃຫ້ລະບຽບເສດຖະກິດຕະຫຼາດເປັນແບບສະບັບ,ປາບການກະທຳລ່ວງລະເມີດລິກຂະສິດແລະລັກລອກແບບໃນຂົງເຂດຈໍລະຈອນຢ່າງເດັດດ່ຽວ,ໃນຂະນະທີ່ພາກສ່ວນບໍລິຫານລິກຂະສິດທຸກຂັ້ນເພີ່ມທະວີການຕິດຕາມຄຸ້ມຄອງຕະຫຼາດ,ເພີ່ມຄວາມແຮງໃນການປາບການລ່ວງລະເມີດລິກຂະສິດແລະລັກລອກແບບໃນຂອດການຜະລິດແລະນຳໃຊ້,ປາບການກະທຳລ່ວງລະເມີດລິກຂະສິດແລະລັກລອກແບບຈາກດ້ານດ້ານກົກຮາກ
ໃນຫຼາຍປີມານີ້,ຄຽງຄູ່ກັບການພັດທະນາຂະແຫນງການເຄືອຂ່າຍຂໍ້ມູນຂ່າວສານຂອງໂລກຢ່າງຟົດຟື້ນ,ການເຄື່ອນໄຫວລ່ວງລະເມີດລິກຂະສິດແລະລັກລອກແບບທາງອິນເຕີເນັດກໍໄດ້ປະກົດອອກມາຢ່າງຫຼວງຫຼາຍ,ບັນຫາປົກປ້ອງສິດປະພັນຂອງເຄືອຂ່າຍໄດ້ກາຍເປັນຈຸດສຸມທີ່ບັນດາປະເທດໃນໂລກສົນໃຈນຳ.ຕາມໄດ້ຊາບ,ຈີນໄດ້ຈັດການປົກປ້ອງສິດເຜີຍແຜ່ເຄືອຂ່າຍຂໍ້ມູນຂ່າວສານເຂົ້າໃນແຜນການນິຕິບັນຍັດປີ 2005,ກ່ອນຫນ້ານີ້,ເພື່ອປົກປ້ອງສິດຊອບກົດຫມາຍຂອງບຸກຄົນຢ່າງບັງເກີດຜົນ,ປາບການກະທຳລ່ວງລະເມີດລິກຂະສິດແລະລັກລອກແບບຕ່າງໆທາງອິນເຕີເນັດ,ກົມລິກຂະສິດແຫ່ງຊາດຈີນແລະກະຊວງອຸດສາຫະກຳຂໍ້ມູນຂ່າວສານຈີນໄດ້ຮ່ວມກັນວາງວິທີປົກປ້ອງທາງບໍລິຫານກ່ຽວກັບສິດເຜີຍແຜ່ສິດເຄືອຂ່າຍຂໍ້ມູນຂ່າວສານສະບັບຮ່າງ,ແລະໄດ້ຈັດງານຟັງຄຳຢືນຢັນໃນຫວ່າງມໍ່ໆນີ້,ຂໍຄວາມເຫັນນຳວົງການຕ່າງໆໃນສັງຄົມຢ່າງກວ້າງຂວາງ.
ທ່ານນາງຈັ່ງພິງ ຜູ່ຊ່ຽວຊານສວິທະຍາຄານທຳມະສາດຂອງມະຫາວິທະຍາໄລປັກກິ່ງໄດ້ເຂົ້າຮ່ວມງານຟັງຄຳຢືນຢັນ,ນາງເຫັນວ່າ,ໂດຍປະເຊີນກັບການທ້າທ້າຍດ້ານເຕັກນິກໃຫມ່,ການວາງອອກແບບວິທີປົກປ້ອງທາງບໍລິຫານສະບັບນີ້ແມ່ນທັນການທີ່ສຸດ,ນາງເວົ້າວ່າ ຄວາມຫມາຍຕົວຈິງແມ່ນສຳຄັນທີ່ສຸດ,ແລະກໍ່ແມ່ນຄວາມຕ້ອງການຢ່າງຮີບດ່ວນ,ປະຈຸບັນ,ຢູ່ອິນເຕີເນັດຕ້ອງການການຄຸ້ມຄອງແບບສະບັບທີ່ສຸດ,ຍ້ອນວ່າບັນດາປະເທດໃນໂລກບໍ່ມີເບົ້າແບບທີ່ເປັນເອກະພາບກັນ ຄັກແນ່ຫຼືສຸກງອມຢ່າງຫນຶ່ງ,ເພາະມັນແມ່ນເລື່ອງໃຫມ່.
ປີນີ້,ຈີນຍັງໄດ້ຕັ້ງຫນ້າຈັດການຮ່ວມມືກັນລະຫວ່າງຊາດໃນດ້ານປົກປ້ອງລິກຂະສິດ.ເລີ່ມແຕ່ຕົ້ນປີນີ້,ກົມລິຂະສິດແຫ່ງຊາດຈີນໄດ້ຈັດຕັ້ງຄະນະໄປທັດສະນະສຶກສາຢູ່ສະຫະພາບເອີລົບ 4 ເທື່ອຕາມໆກັນ,ສະຫະພາບເອີລົບໄດ້ແຕ່ງຜູ່ຊ່ຽວຊານ 5 ງວດເພື່ອອົບຮົມແລະຊີ້ນຳຢູ່ກັບບ່ອນກັຂອງຈີນ.ສອງຝ່າຍໄດ້ລົງເລິກແລກປ່ຽນໃນດ້ານກົດຫມາຍລິກຂະສິດ ການປະຕິບັດກົດຫມາຍແລະເພີ່ມທະວີສະຕິສາທາລະນະຊົນເປັນຕົ້ນ.ທ່ານໂພນ ແວນໂດລຽນ ລັດຖະມົນຕີກະຊວງສິດຊັບສິນທາງປັນຍາຂອງສຳນັກງານໃຫຍ່ການຄ້າສະຫະພາບເອີລົບກ່າວວ່າ,ສະຫະພາບເອີລົບຫວັງໃຫ້ສືບຕໍ່ເພີ່ມທະວີການຮ່ວມມືກັບຈີນໃນຂົງເຂດການປະຕິບັດກົດຫມາຍລິກຂະສິດເປັນຕົ້ນ.ທ່ານເວົ້າວ່າ,ຈີນໄດ້ມີການປ່ຽນແປງຢ່າງຫຼວງຫຼາຍໃນດ້ານສິດຊັບສິນທາງປັນຍາ,ເພາະວ່າຈີນໄດ້ຮູ້ສຶກວ່າສິດຊັບສິນທາງປັນຍາແມ່ນສຳຄັນທີ່ສູດຕໍ່ການພັດທະນາຂອງຈີນ,ພວກຂ້າພະເຈົ້າຈະຮ່ວມມືກັບອົງການຕ່າງໆທີ່ກ່ຽວຂ້ອງກັບສິດຊັບສິນທາງປັນຍາຂອງຈີນຢ່າງແຫນ້ນແຟ້ນ,ເຮັດໃຫ້ການປົກປ້ອງສິດຊັບສິນທາງປັນຍາຂອງຈີນກ້າວໄປຫນ້າຕາມທິດຕັ້ງຫນ້າກວ່າເກົ່າ.
ໃຕ້ຄວາມພະຍາຍາມຂອງລັດຖະບານແລະວົງການຕ່າງໆໃນສັງຄົມ,ຢູ່ຈີນ,ການລ່ວງລະເມີດລິກຂະສິດແລະລັກລອກແບບໄດ້ຕົກຢູ່ໃນບັນຍາກາດ ສັງຄົມທີ່ໃຜໆກໍ່ຕ້ອງໂຈມຕີ,ໃນເວລານາງກວນໄອຄັ່ງ ຊາວປັກກິ່ງໃຫ້ສຳພາດຕໍ່ນັກຂ່າວ,ນາງເວົ້າວ່າ, ປະຈຸບັນ,ຢູ່ຖະຫນົນຫົນທາງ,ຜູ່ຂາຍສິນຄ້າລັກລອກແບບຫນ້ອຍແລ້ວ,ຮູ້ສຶກວ່າຄວາມແຮງໃນການໂຈມຕີການລັກລອກແບບຢູ່ອ້ອມແອ້ມໄດ້ເພີ່ມຂຶ້ນ,ຂ້າພະເຈົ້າຮູ້ສຶກວ່າຄວນໄປເບິ່ງຮູບເງົາຢູ່ໂຮງສາຍຮູບເງົາ,ການໄປຊື້CD ລັກລອກແບບເຫມືອນດັ່ງເປັນຜູ່ຂີ້ລັກ
ປີນີ້,ຈີນໄດ້ຮັບຜົນສຳເລັດໃນດ້ານປົກປ້ອງລິກຂະສິດ,ການສ້າງລະບົບປົກປ້ອງລິກຂະສິດອັນສົມບູນຊຸດຫນຶ່ງບໍ່ແມ່ນເລື່ອງທີ່ເຮັດສຳເລັດໄດ້ໃນມື້ຫນຶ່ງຍາມດຽວ,ແຕ່ວ່າລັດຖະບານຈີນພວມພະຍາຍາມໄປຕາມທາງດັ່ງກ່າວ,ຕາມຊາບວ່າ,ປີຫນ້າ,ການປາບການລ່ວງລະເມີດລິກຂະສິດແລະລັກລອກແບບຍັງຄົງແມ່ນວຽກງານຈຸດຫນັກໂດຍຈຳເພາະຂອງລັດຖະບານຈີນໃນການປັບປຸງແລະເຮັດໃຫ້ລະບຽບເສດຖະກິດຕະຫຼາດເປັນແບບສະບັບ,ກົມລິກຂະສິດແຫ່ງຊາດຈີນໄດ້ວາງແຜນການວຽກງານອັນລະອຽດ.
|
