|
ຍ້ອນເຂດຊິນຈ່ຽງເຜົ່າເວອູເອີປົກຄອງຕົນເອງທີ່ຢູ່ພາກຕາເວັນຕົກສຽງເຫນືອມີຊົນເຜົ່າຫຼວງຫຼາຍແລະຢູ່ກະຈັດກະຈາຍນັ້ນ,ແມ່ນເຂດທີ່ລະດັບການສຶກສາຂອງຈີນຫຼ້າຫຼັງໂດຍທຽບຖານໃນຫຼາຍປີມານີ້ໂດຍຕະຫຼອດ,ໃນຫຼາຍປີມານີ້,ຄຽງຄູ່ກັບນະໂຍບາຍການສຶກສາຂອງຊົນເຜົ່າຈີນໄດ້ລົງສູ່ລວງເລິກ ເລິກຢ່າງບໍ່ຢຸດຢັ້ງແລະເສດຖະກິດຂອງເຂດຊິນຈ່ຽງມີການພັດທະນາ,ພາ ລະກິດການສຶກສາຂອງເຂດຊິນຈ່ຽງກໍ່ໄດ້ມີການປ່ຽນແປງຢ່າງໃຫຍ່ຫຼວງ,ບໍ່ວ່າແມ່ນເດັກນ້ອຍໃນຕົວເມືອງຫຼືວ່າແມ່ນເດັກນ້ອຍໃນຊົນນະບົດແລະເຂດລ້ຽງສັດ,ລ້ວນແຕ່ຮັບການສຶກສາພາກບັງຄັບ9 ປີຂອງລັດໄດ້,ລູກຫຼານຂອງຊາວກະສິກອນແລະຊາວລ້ຽງສັດໄປຮຽນຢູ່ມະຫາວິທະຍາໄລແລະເປັນນັກສຶກສາເຫນືອມະຫາວິທະຍາໄລນັ້ນບໍ່ເປັນເລື່ອງປະຫຼາດໃຈ
ທ່ານຜູ່ຟັງ,ທີ່ທ່ານຟັງມານີ້ແມ່ນນັກຮຽນເຜົ່າຮາຊັກຂອງໂຮງຮຽນມັດທະຍົມບ້ານຊາເອີສຽວເຄີພວມອ່ານບົດຮຽນດ້ວຍພາສາຮ້ານ.ໂຮງຮຽນມັດທະຍົມບ້ານຊາເອີສຽວເຄີຕັ້ງຢູ່ຟາມລ້ຽງສັດນານຊານຂອງຊານເມືອງອູລູມູຊີເຂດຊິນຈ່ຽງ,ເບື້ອງຕົ້ນມີແຕ່ຫ້ອງຮຽນອັນເກົ່າແກ່ເປເພສິບກວ່າຫຼັງ,ເດືອນກັນຍາປີນີ້,ຢູ່ແຫ່ງນີ້ໄດ້ສ້າງຕຶກການສອນ ຕຶກຫ້ອງນອນແລະຫ້ອງອາຫານ,ແລ້ວກາຍເປັນໂຮງຮຽນກິນນອນ.ທ້າວທາລາຊີ ນັກຮຽນເຜົ່າຮາຊັກເວົ້າວ່າ:ຫຼານໄດ້ເຂົ້າຮຽນຢູ່ແຫ່ງນີ້ 3 ປີແລ້ວ,ໃນເວລາຫາກໍ່ມາ,ເພື່ອນຮຽນຫຼາຍຄົນໄດ້ເຊົ່າເຮືອນຫ້ອງຫນຶ່ງຢູ່ນອກ,ພວກເຮົາແຕ່ງອາຫານເອົາເອງ,ປີນີ້,ໂຮງຮຽນໄດ້ມີຕຶກການສອນ ຕຶກຫ້ອງນອນແລະຫ້ອງອາຫານ,ພວກເຮົາບໍ່ພຽງແຕ່ສາມາດນັ່ງຢູ່ຫ້ອງຮຽນທີ່ກວ້າງຂວາງແລະແຈ້ງສະຫວ່າງຟັງຄູອາຈານສິດສອນທໍ່ນັ້ນ, ຍັງສາມາດຮ່ຳຮຽນຢູ່ໃນຫ້ອງນອນໄດ້,ກໍ່ບໍ່ຕ້ອງແຕ່ງອາຫານເອົາເອງແລ້ວ.ພວກເຮົາເຂົ້າໂຮງຮຽນລ້ວນແຕ່ເສຍຄ່າ,ຫຼານຮູ້ສຶກດີໃຈທີ່ສຸດ.
ແຕ່ກ່ອນ,ຢູ່ເຂດກະສິກຳແລະລ້ຽງສັດຂອງເຂດຊິນຈ່ຽງ,ຍ້ອນຊາວກະສິກອນແລະຊາວລ້ຽງສັດແມ່ນຢູ່ກະຈັດກະຈາຍກັນ,ໂຮງຮຽນຫຼັງມ້າເຄີຍເປັນແບບວິທີການສອນເປັນພິເສດຢ່າງຫນຶ່ງໄດ້ຊົງຕົວຢູ່ມາເປັນເວລາຫຼາຍປີແລ້ວ.ບັນດາຄູອາຈານໄດ້ຂີ່ມ້າ,ຕ່າງອຸປະກອນການສອນແລະແບບຮຽນ,ໄປເຮືອນຊາວກະສິກອນແລະຊາວລ້ຽງສັດແລະຈັດຕັ້ງເດັກນ້ອຍຮ່ຳຮຽນ ຕາມເວລາກຳນົດ.ນັບມາຮອດກາງຊຸມປີ 90 ສະຕະວັດທີ່ແລ້ວ,ເຂດຊິນຈຽງໄດ້ອອກແຮງນະໂຍບາຍໃຫ້ຊາວລ້ຽງສັດຕັ້ງບ້ານຄົງທີ່,ເຮັດໃຫ້ຊາວລ້ຽງສັດທີ່ທ່ຽວລ້ຽງສັດເຕົ້າໂຮມຢູ່ນຳກັນ,ແລ້ວຈໍ່ຕົວຂຶ້ນເປັນບ້ານການລ້ຽງສັດເທື່ອລະກ້າວ,ແລະຕັ້ງໂຮງຮຽນຢູ່ກັບບ້ານ,ເລີ່ມແຕ່ຕົ້ນສະຕະວັດນີ້,ອົງການປົກຄອງໄດ້ປຸກຕຶກການສອນຫຼັງໃຫມ່ໂດຍຈຳເພາະໃຫ້ແກ່ໂຮງຮຽນປະຖົມໃນເຂດລ້ຽງສັດຂອງທົ່ວເຂດປົກຄອງຕົນເອງ,ອັນໄດ້ປົວແປງເງື່ອນໄຂການສອນໃຫ້ດີຂຶ້ນ.
ຕາມຊາບວ່າ,ເລີ່ມແຕ່ສະຕະວັດນີ້ເປັນຕົ້ນມາ,ຈີນໄດ້ລົງທຶນ 1 ຕື້ຢວນເຂົ້າໃນການປົວແປງເງື່ອນໄຂສ້າງໂຮງຮຽນຂອງເຂດຊິນຈ່ຽງເປັນລຳດັບໄດ້ປະຕິບັດໂຄງການການສຶກສາພາກບັງຄັບໂດຍບໍ່ເສຍຄ່າລະໂຄງການກໍ່ສ້າງໂຮງຮຽນກິນນອນຂອງໂຮງຮຽນປະຖົມແລະໂຮງຮຽນມັດທະຍົມໃນຊົນນະບົດເປັນຕົ້ນຢູ່ເຂດຊິນຈ່ຽງ ຕາມໆກັນ,ປະຈຸບັນ,ຢູ່ເຂດຊິນຈຽງໄດ້ມີໂຮງຮຽນທຸກຊັ້ນປະເພດຕ່າງໆ 8700ກວ່າ ແຫ່ງ,ນັກຮຽນທີ່ພວມຮຽນຢູ່ໂຮງຮຽນມີ 4 ລ້ານ 3 ແສນຄົນ,ອັດຕາເຂົ້າຮຽນຂອງເດັກນ້ອຍເຖິງໄວຮຽນຂອງໂຮງຮຽນປະຖົມໄດ້ບັນລຸເຖິງ 90% ຂຶ້ນໄປ
ທ່ານນູເອີ ໄປເຄີລິ້ ເຈົ້າຫນ້າທີ່ທີ່ຄຸ້ມຄອງວຽກງານການສຶກສາຂອງເຂດຊິນຈຽງເຜົ່າເວອູເອີປົກຄອງຕົນເອງເວົ້າວ່າ ເມື່ອລັດໄດ້ເພີ່ມການລົງທຶນຢ່າງບໍ່ຂາດສາຍໃນຫຼາຍປີມານີ້, ອົງການປົກຄອງເຂດກຳນົດຖານະໃຫ້ບູລິມະສິດໄດ້ເຮັດໃຫ້ສິ່ງກໍ່ສ້າງການສຶກສາພື້ນຖານໃນຊົນນະບົດຂອງເຂດຊິນຈຽງເກີດມີການປ່ຽນແປງຢ່າງປິ້ນຟ້າຂວ້ຳແຜ່ນດິນ.ປະຈຸບັນ,ຢູ່ຊົນນະບົດແລະເຂດທຸກຈົນທີ່ກວາງໄກໃນເຂດຊິນຈຽງ,ເຮືອນທີ່ດີກວ່າຫມູ່ແມ່ນໂຮງຮຽນ.
ຢູ່ຈີນມີ 56 ຊົນເຜົ່າ,ຢູ່ເຂດຊິນຈຽງກໍ່ມີ 47 ຊົນເຜົ່າ,ການພັດທະນາຂອງເຂດຊິນຈຽງແຍກອອກຈາກການຍົກຄຸນນະພາບການສຶກສາຂອງຊົນເຜົ່າສ່ວນຫນ້ອຍໃຫ້ສູງຂຶ້ນບໍ່ໄດ້,ເລີ່ມແຕ່ປີ 2000 ມານີ້,ເຂດຊິນຈຽງໄດ້ເພີ່ມຄວາມແຮງເຂົ້າໃນການສອນດ້ວຍສອງພາສາຄືພາສາຊົນເຜົ່າສ່ວນຫນ້ອຍແລະພາສາເຜົ່າຮ້ານແກ່ນັກຮຽນຊົນເຜົ່າສ່ວນຫນ້ອຍ,ຍົກຄຸນນະພາບການສຶກສາຂອງຊົນເຜົ່າສ່ວນຫນ້ອຍໃຫ້ສູງຂຶ້ນ,ປີນີ້,ເທດສະບາຍເມືອງອູລູມູ້ຊີ ໄດ້ນຳຫນ້າສ້າງໂຮງຮຽນທີ່ນັກຮຽນຊົນເຜົ່າສ່ວນຫນ້ອຍກັບນັກຮຽນເຜົ່າຮ້ານເຂົ້າຮຽນຢູ່ໂຮງຮຽນຫຼັງດຽວກັນ. ກ່ຽວກັບເລື່ອງນີ້,ທ່ານຫຼີຈ້ຽນເສີງ ຫົວຫນ້າກົມສຶກສາເມືອງອູລູມູ້ຊີສະເຫນີວ່າ ຈຸດປະສົງທີ່ສ້າງໂຮງຮຽນຮັບເອົານັກຮຽນຊົນເຜົ່າສ່ວນຫນ້ອຍກັບນັກຮຽນເຜົ່າຮ້ານນຳກັນນັ້ນກໍ່ແມ່ນເພື່ອຕອບສະຫນອງຄວາມຕ້ອງການມວນຊົນເຜົ່າທີ່ຫວັງໃຫ້ລູກຂອງຕົນງຮັບເອົາການສຶກສາທີ່ມີຄຸນນະພາບດິ,ຫ້ອງຮຽນທົດລອງທີ່ສອນດ້ວຍສອງພາສາຂອງພວກຂ້າພະເຈົ້າມີຜົນສະທ້ອນນັບມື້ນັບຫຼາຍ ,ປະຈຸບັນ,ເດັກນ້ອຍທີ່ຂໍເຂົ້າຮຽນຫ້ອງຮຽນທົດລອງນັ້ນນັບມື້ນັບເພີ່ມຂຶ້ນ,ຮຽກຮ້ອງໃຫ້ພວກຂ້າພະເຈົ້າເພີ່ມຄວາມແຮງເຂົ້າໃນການສ້າງໂຮງຮຽນທີ່ຮັບເອົານັກຮຽນຊົນເຜົ່າສ່ວນຫນ້ອຍແລະນັກຮຽນເຜົ່າຮ້ານເຂົ້າຮຽນນຳກັນ,ອົບຮົມຜູ່ມີຄວາມຮູ້ຄວາມສາມາດຜູ່ດີເດັ່ນທີ່ຮູ້ພາສາຊົນເຜົ່າສ່ວນຫນ້ອບແລະພາສາຮ້ານ
.
ການພັດທະນາການສຶກສາພື້ນຖານໄດ້ຊຸກຍູ້ໂດຍກົງໃຫ້ການສຶກສາຂອງໂຮງຮຽນຊັ້ນສູງຈະເລີນຮູ່ງເຮືອງຂຶ້ນ,ໃນການສອບເສັງຮັບເອົານັກຮຽນ ຂອງໂຮງຮຽນຊັ້ນສູງທຳມະດາຂອງຈີນໃນປີນີ້,ນັກຮຽນເຂດຊິນຈຽງໄດ້ຮັບຜົນງານອັນດີເດັ່ນ,ມີ 3200 ຄົນໄດ້ເສັງເຂົ້າມະຫາວິທະຍາໄລຈຸດຫນັກ.
ສຳລັບນັກຮຽນຂອງເຂດຊິນຈ່ຽງໂດຍສະເພາະແມ່ນນັກຮຽນຊົນເຜົ່າສ່ວນຫນ້ອຍເສັງເຂົ້າມະຫາວິທະຍາໄລ,ຈີນໄດ້ປະຕິບັດນະໂຍບາຍທີ່ຫຼຸດຄະແນນໃຫ້ຕ່ຳລົງມາຮັບເອົານັກສຶກສາໂດຍຕະຫຼອດ.ໃນຫຼາຍປີມານີ້,ຄຽງຄູ່ກັບການພັດທະນາພາລະກິດການສຶກສາຂອງເຂດຊິນຈຽງ,ລັດບໍ່ໄດ້ຫຼຸດຄະແນນຕໍ່ກ່ນັກຮຽນເຜົ່າຮ້ານຢູ່ເຂດຊິນຈຽງ,ສຳລັບນັກຮຽນຊົນເຜົ່າສ່ວນຫນ້ອຍ 10 ປີກ່ອນໄດ້ຫຼຸດຄະແນນ 100 ກວ່າຄະແນນດຽວນີ້,ຫຼຸດແຕ່ປະມານ 10 ຄະແນນທໍ່ນັ້ນ,ທັງນີ້ສະແດງໃຫ້ເຫັນວ່າຄຸນນະພາບການສຶກສາຂອງເຂດຊິນຈຽງໄດ້ຍົກສູງຂຶ້ນຢ່າງບໍ່ຢຸດຢັ້ງ.
ໃນໄລຍະຕົ້ນການສ້າງຕັ້ງປະເທດຈີນ,ຢູ່ເຂດຊິນຈຽງມີໂຮງຮຽນຊັ້ນສູງທີ່ມີຂະຫນາດນ້ອຍຫຼັງຫນຶ່ງ,ນັກສຶກສາທີ່ຢູ່ໂຮງຮຽນມີພຽງ 300 ກວ່າຄົນທໍ່ນັ້ນ,ປະຈຸບັນ,ເຂດຊິນຈຽງໄດ້ມີໂຮງຮຽນຊັ້ນສູງ 26 ຫຼັງ,ນັກສຶກສາທີ່ຢູ່ໂຮງຮຽນມີ 1 ແສນ 4 ຫມື່ນກວ່າຄົນ,ແລະມີສະຖານທີ່ມອບປະລິນຍາໂທແລະປະລິນຍາເອກ,ທ່ານນາງເຈນ ເທຼຊີທີ່ດຳລົງຕຳແຫນ່ງເປັນຄູອາຈານຕ່າງປະເທດຢູ່ມະຫາວິທະຍາໄລຊິນຈຽງເວົ້າວ່າ :ຂ້າພະເຈົ້າຮູ້ສຶກວ່າລະດັບພາສາອັງກິດຂອງນັກສຶກສາທີ່ຂ້າພະເຈົ້າສິດສອນນັບມຶ້ນັບດີຂຶ້ນ,ຂ້າພະເຈົ້າໄດ້ເຫັນວ່າພວກເຂົາເຈົ້າລ້ວນແຕ່ໄດ້ຮຽນພາສາອັງກິດຢູ່ໂຮງຮຽນມັດທະຍົມ,ທັດສະນະຄະຕິສິດສອນຂອງຄູອາຈານໃນໂຮງຮຽນມັດທະຍົມກໍກ້າວຫນ້າຫຼາຍ
ໃນຖານເປັນເຂດຈຸດຫນັກຂອງການພັດທະນາພາກຕາເວັນຕົກຂອງຈີນຢ່າງຂະຫນາດໃຫຍ່ໃນສະຕະວັດໃຫມ່,ເຂດຊິນຈຽງຢາກເຮັດໃຫ້ເສດຖະກິດກ້າວກະໂດດຂຶ້ນ,ອົບຮົມຜູ່ມີຄວາມຮູ້ຄວາມສາມາດຫຼວງຫຼາຍແມ່ນຫນ້າທີ່ອັນຮີບດ່ວນ.ກ່ຽວກັບເລື່ອງນີ້,ເຂດຊິນຈຽງໄດ້ວາງຜັງວາດແຫ່ງການພັດທະນາການສຶກສາ,ນັ້ນກໍຄືເມື່ອຮອດປີ 2007 ຈະເຜີຍແຜ່ການສຶກສາພາກບັງຄັບ 9 ປີໃນຂັ້ນພື້ນຖານ,ລົບລ້າງຄວາມກຶກຫນັງສືຂອງຄົນໄວກາງແລະໄວຫນຸ່ມແຫນ້ນໂດຍພື້ນຖານ.
|
