|
ນາຍົກລັດຖະມົນຕີໄທກ່າວວ່າຜູ້ຫາຍສາບສູນໃນຄື້ນທະເລຊູນາມີທີ່ເກີດຂຶ້ນຢູ່ໄທນັ້ນສ່ວນຫຼາຍທີ່ສຸດອາດຈະປະສົບເຄາະຮ້າຍແລ້ວ
cri
Author: q
ຕາມຂ່າວສານຊິນຮວາ,ວັນທີ30ທັນວາ,ທ່ານທັກສິນຊິນນະວັດ ນາຍົກລັດຖະມົນຕີໄທກ່າວວ່າ,ຜູ້ຫາຍສາບສູນ6ພັນກວ່າຄົນຢູ່ໄທຍ້ອນແຜ່ນດິນໄຫວແລະຄື້ນທະເລຊູນາມີຢູ່ມະຫາສະໝຸດອິນເດຍນັ້ນມີ80%ອາດຈະປະສົບເຄາະຮ້າຍແລ້ວ.ປະຈຸບັນ,ພະແນກທີ່ກ່ຽວຂ້ອງຂອງໄທພວມຕັ້ງໜ້າຊອກຫາແລະກອບກູ້ຜູ້ປະສົບເຄາະຮ້າຍແລະຜູ້ຫາຍສາບສູນ.
ໃນມື້ດຽວກັນ,ເຈົ້າໜ້າທີ່ຜູ້ໜຶ່ງຂອງກະຊວງມະຫາດໄທຂອງໄທເຜີຍໃຫ້ຮູ້ວ່າ,ນັບມາຮອດ8ໂມງເຊົ້າວັນທີ30ທັນວາ ເວລາທ້ອງຖິ່ນ, ແຜ່ນດິນໄຫວແຮງແລະຄື້ນທະເລຊູນາມີເກີດຂຶ້ນຢູ່ມະຫາສະໝຸດອິນເດຍໄດ້ເຮັດໃຫ້6ຈັງຫວັດພາກໃຕ້ຂອງໄທມີ1975ຄົນເສຍຊີວິດ,9808ຄົນບາດເຈັບ,ຍັງມີ6043ຄົນຫາຍສາບສູນ.ຄຽງຄູ່ກັບເວລາຜ່ານໄປ,ຈຳນວນຄົນຕາຍຍັງອາດຈະເພີ່ມຂຶ້ນຕໍ່ໄປ.
|
|
