|
|
 |
| (GMT+08:00)
2004-12-30 17:51:07
|
 |
|
ອິນເດຍແລະອິນໂດເນເຊຍເກີດແຜ່ນດິນໄຫວອີກ ອິນເດຍປະກາດສັນຍານໄພຄື້ນທະເລຊູນາມີເທື່ອໃໝ່(ພາບ)
cri
Author: q
ຕາມຂ່າວCRI,ແຕ່ພູມທະເລມະຫາສະໝຸດອິນເດຍເກີດແຜ່ນດິນໄຫວແຮງແລະຄື້ນທະເລຊູນາມີໃນວັນທີ26ທັນວາມານີ້,ອິນເດຍແລະອິນໂດເນເຊຍໄດ້ມີປາຍແຜ່ນດິນໄຫວເກີດຂຶ້ນຕາມໆກັນໃນວັນທີ30ທັນວາ.ໃນມື້ດຽວກັນ,ກະຊວງພາຍໃນອິນເດຍໄດ້ແຈ້ງສັນຍານໄພຄື້ນທະເລຊູນາມີເທື່ອໃໝ່,ຮຽກຮ້ອງໃຫ້ໄທເມືອງທ້ອງຖິ່ນໜີໄປຫາເຂດໃນໂດຍໄວເທົ່າທີ່ຈະໄວໄດ້.
ອີງຕາມການພະຍາກອນຂອງກົມອຸຕຸນິຍົມອິນເດຍໃນວັນທີ30ທັນວາ,ພວກເຂົາເຈົ້າໄດ້ປະກົດເຫັນວ່າຢູ່ໜ້ານ້ຳທະເລທີ່ຫ່າງຈາກລັດທາມິນນາດູ150ກິໂລແມັດໄດ້ມີຟອງໃຫຍ່ອີກ,ຄື້ນທະເລເທື່ອນີ້ອາດຈະເກີດຂຶ້ນຍ້ອນປາຍແຜ່ນດິນໄຫວຢູ່ມໍ່ໝູ່ເກາະອານດາມານ.ກະວ່າຄື້ນທະເລດັ່ງກ່າວອາດຈະໄປຮອດລັດທາມິນນາດູໃນຕອນບ່າຍວັນທີ30ທັນວາ, ເຮັດໃຫ້ລັດດັ່ງກ່າວຕົກຢູ່ໃນສະພາບເຄັ່ງຕຶງອີກເທື່ອໜຶ່ງ.
ໃນມື້ດຽວກັນ,ຢູ່ ພູມທະເລມໍ່ແຂວງອາເຊທາງພາກຕາເວັນຕົກຂອງອິນໂດເນເຊຍໄດ້ມີປາຍແຜ່ນດິນໄຫວເກີດຂຶ້ນຢ່າງເດັ່ນຊັດອີກ3ເທື່ອ.ຜູ້ປະສົບໄພຫຼາຍພັນຄົນໃນເມືອງບັນດາອາເຊເທສະບານແຂວງອາເຊໄດ້ພາກັນໜີອອກຈາກຜາມຫຼົບໄພເພາະຢ້ານຖືກຄື້ນທະເລຊູນາມີ .ແຕ່ຜູ້ຊ່ຽວຊານຜູ້ໜຶ່ງຂອງອົງການຕິດຕາມຢັ່ງແທກແຜ່ນດິນໄຫວອິນໂດເນເຊຍກ່າວວ່າ,ປາຍແຜ່ນດິນໄຫວທີ່ເກີດຂຶ້ນ ຢູ່ພູມທະເລມໍ່ແຂວງອາເຊຈະບໍ່ພາໃຫ້ເກີດຄື້ນທະເລຊູນາມີອີກ.
ທະຫານອິນເດຍເຝົ້າຢູ່ແຄມທະເລ
ປະຊາຊົນອິນເດຍພາກັນໜີອອກຈາກຜາມຫຼົບໄພເພາະຢ້ານຖືກຄື້ນທະເລຊູນາມີ
|
|
|
