|
ກອງທະຫານອາເມລິກາປະຈຳອີຣັກແລະກອງປະກອບອາວຸດຕ້ານອາເມລິກາໄດ້ຍິງສູ້ກັນຢ່າງດຸເດືອດຢູ່ໂມຊຸນ
cri
Author: q
ຕາມຂ່າວສານຊິນຮວາ,ວັນທີ29ທັນວາ,ຢູ່ໂມຊຸນ ເມືອງພາກເໜືອຂອງອີຣັກ,ກອງທະຫານອາເມລິກາປະຈຳອີຣັກກັບກອງປະກອບອາວຸດຕ້ານອາເມລິກາໄດ້ຍິງສູ້ກັນຢ່າງດຸເດືອດ,ຍິງສະມາຊິກກອງປະກອບອາວຸດຕ້ານອາເມລິກາຕາຍປະມານ25ຄົນ,ກອງທະຫານອາເມລິກາກໍມີທະຫານ15ຄົນບາດເຈັບ.
ຕາມຜູ້ເຫັນກັບຕາເວົ້າວ່າ,ໃນມື້ດຽວກັນ,ຢູ່ໂມຊຸນ,ມີຄົນໄດ້ຈູດລົດຖັງນ້ຳມັນຄັນໜຶ່ງລະເບີດຢູ່ນອກເຮືອນຫຼັງໜຶ່ງທີ່ກອງທະຫານອາເມລິກາຍຶດຄອງ.ກອງລາດຕະເວນຂອງອາເມລິກາທີ່ຂ້ຽວມາໜູນຊ່ອຍໄດ້ຖືກຫຼອນໂຈມຕີດ້ວຍລົດຍົນລະເບີດແບບສະຫຼະຊີບລາຍທີສອງ.ຕໍ່ຈາກນັ້ນ,ມີຜູ້ປະກອບອາວຸດຕ້ານອາເມລິກາປະມານ50ຄົນໄດ້ຫຼອນໂຈມຕີກອງທະຫານອາເມລິກາດ້ວຍປືນກົນມື,ປືນຄົກແລະລອກແກັດ.ກອງທະຫານອາເມລິກາໄດ້ຢອນເອົາກຳລັງອາກາດມາໜູນໃນທັນທີ,ຍິງຜູ້ປະກອບອາວຸດຕ້ານອາເມລິກາຕາຍປະມານ25ຄົນ,ນອກນີ້,ມີທະຫານອາເມລິກາ15ຄົນຖືກບາດເຈັບໃນການປະທະກັນ.
ກອງທະຫານອາເມລິກາກ່າວວ່າ,ກຽມຈະສົ່ງທະຫານໄປເພີ່ມຢູ່ໂມຊຸນກ່ອນການເລືອກຕັ້ງທົ່ວໄປຂອງອີຣັກທີ່ຈະຈັດຂຶ້ນໃນວັນທີ30ມັງກອນປີໜ້າ.ກ່ອນໜ້ານີ້,ກອງທະຫານອາເມລິກາໄດ້ສົ່ງທະຫານ5ພັນຄົນໄປເພີ່ມຢູ່ແບກແດດແລ້ວ.
|
|
