|
|
(GMT+08:00)
2004-12-30 20:46:26
|
ຢູ່ແຖບກາຊາ ທະຫານອິສຣາແອນໄດ້ຍິງສະມາຊິກອົງການຮາມັສຕາຍ 3 ຄົນ
cri
Author: li
ຕາມຂ່າວສານຊິນຮວາ: ວັນທີ 30 ທັນວາ ຢູ່ທີ່ກາຊາ ໂຄສົກອົງການຮາມັສເວົ້າວ່າ,ຕອນກາງຄືນວັນທີ 29 ທັນວາ ຢູ່ແຖບກາຊາ ສະມາຊິກຝ່າຍການທະຫານ 3 ຄົນສັງກັດອົງການດັ່ງກ່າວໄດ້ຖືກກອງທະຫານປ້ອງກັນປະເທດອິສຣາແອນຍິງຕາຍ,ອີກຄົນໜຶ່ງບາດເຈັບໜັກ.
ນອກນີ້ ບຸກຄົນຂອງຝ່າຍໂຮງໝໍປາເລັສຕີນເວົ້າວ່າ,ໃນມື້ດຽວກັນ ລູກປືນໃຫຍ່ຂອງທະຫານອິສຣາແອນຍັງໄດ້ຍິງປືນໃຫຍ່ໄປໃສ່ພາກຕາເວັນຕົກຂອງສູນອົບພະຍົບຄານຢູນິສແຖບກາຊາ,ຊາວປາເລັສຕີນ 2 ຄົນຖືກຍິງຕາຍ.
ບຸກຄົນຝ່າຍທະຫານອິສຣາແອນກ່າວວ່າ,ຈຸດປະສົງຂອງກອງທະຫານອິສຣາແອນທີ່ເຂົ້າໄປສູນອົບພະຍົບຄານຢູນິສແມ່ນຂັດຂວາງຜູ້ປະກອບອາວຸດຂອງປາເລັສຕີນຍິງລອກແກັດແລະປືນໃຫຍ່ໄປໃສ່ເປົ້າໝາຍຈຸດຕັ້ງຖິ່ນຖານຂອງອິສຣາແອນແຫ່ງໜຶ່ງຢູ່ແຖບກາຊາ,ແລະກ່າວວ່າ,ເຂດດັ່ງກ່າວແມ່ນເຂດທີ່ໝັ້ນຂອງອົງການຮາມັສ.
|
|
|