|
ນັກທ່ອງທ່ຽວຝ່າຍຕາເວັນຕົກເສຍຊີວິດແລະບາດເຈັບຫນັກຫນ່ວງໃນຄື້ນທະເລຊູນາມີມະຫາສະຫມຸດອິນເດຍ
cri
Author: zl
CRI ລາຍງານວ່າ,ນັບມາຮອດຕອນຄ່ຳວັນທີ 29 ທັນວາ,ຈຳນວນຜູ່ເສຍຊີວິດຢູ່ພາກພື້ນອາຊີໃຕ້ແລະອາຊີອາຄະເນຍ້ອນແຜ່ນດິນໄຫວແລະຄື້ນທະເລຊູນາມີມະຫາສະຫມຸດອິນເດຍໄດ້ລື່ນກາຍ 8 ຫມື່ນຄົນແລ້ວ, ຜູ່ເສຍຊີວິດນັ້ນ,ນອກຈາກຄົນທ້ອງຖິ່ນແລ້ວ,ຍັງມີຊາວຕ່າງປະເທດຈຳນວນຫຼວງຫຼາຍທີ່ມາທ່ອງທ່ຽວ,ດຽວນີ້,ໄດ້ຮູ້ຄັກແນ່ແລ້ວວ່າ,ໃນໄພພິບັດບັ້ນນີ້,ຊາວຕ່າງປະເທດທີ່ເສຍຊີວິດຫຼືຫາຍສາບສູນມີຮອດຫຼາຍພັນຄົນແລ້ວ.ໃນນັ້ນມີຈຳນວນບໍ່ຫນ້ອຍແມ່ນຜູ້ມາທ່ອງທ່ຽວ.
ຕາມສະຖິຕິຂອງປະເທດກ່ຽວຂ້ອງນັກທ່ອງທ່ຽວຕ່າງປະເທດເຫຼົ່ານີ້ສ່ວນຫຼາຍປະສົບເຄາະຮ້າຍຫຼືຫາຍສາບສູນຢູ່ 3 ປະເທດຄືໄທ ມານດາຍແລະສີລັງກາ,ໃນນັ້ນ,ຜູ້ເສຍຊີວິດແລະຫາຍສາບສູນຫຼາຍກວ່າໝູ່ແມ່ນຢູ່ໄທ,ຕາມຂໍ້ມູນຕົວເລກທີ່ສູນປ້ອງກັນໄພພິບັດຂອງກະຊວງມະຫາດໄທຂອງໄທປະກາດໃນວັນທີ 29 ທັນວາ,ສະແດງໃຫ້ເຫັນວ່າ,ຄື້ນທະເລຊູນາມີໄດ້ເຮັດໃຫ້ໄທມີຜູ້ເສຍຊີວິດ 1800 ຄົນແລ້ວ,ໃນນັ້ນ,ລວມທັງນັກທ່ອງທ່ຽວຕ່າງປະເທດ 473 ຄົນ,ໃນຜູ້ປະສົບເຄາະຮ້າຍເຫຼົ່ານີ້,ບາງຄົນຍັງບໍ່ຮູ້ສັນຊາດແລະຖານະ.
ຕາມສະຖິຕິ,ນັກທ່ອງທ່ຽວທີ່ເສຍຊີວິດ ບາດເຈັບແລະຫາຍສາບສູນໄປນັ້ນ,ມາຈາກ 30 ກວ່າປະເທດແລະເຂດແຄວ້ນເຊັ່ນ:ອາເມລິກາ ອັງກິດ ອົສຕຼາລີ ເຢຍລະມັນ ຊູແອັດ ດານມາກ ນອກແວ ນູແວເຊລັງແລະການາດາເປັນຕົ້ນ,ສ່ວນຫຼາຍມາຈາກຊູແອັດ,ນອກແວແລະເຢຍລະມັນ,ໃນນັ້ນ,ຊູແອັດຫນັກກວ່າຫມູ່, ວັນທີ 29,ກະຊວງການຕ່າງປະເທດຊູແອັດຢືນຢັນວ່າ,ປະຈຸບັນນີ້,ມີຄົນຊູແອັດ 1500 ຄົນຫາຍສາບສູນຢູ່ໄທ,ທ່ານເພຮ໌ຊົງ ນາຍົກລັດຖະມົນຕີຊູແອັດໄດ້ປະກາດຖືວັນທີ 1 ມັງກອນ ປີ 2005 ເປັນວັນໄວ້ທຸກໃນທົ່ວປະເທດ.ຮອບມື້ນັ້ນ,ທົ່ວປະເທດຊູແອັດລົດທຸງລົງເຄີ່ງເສົາ,ໄວ້ອາໄລເຖິງດວງວິນຍານຂອງຜູ້ປະສົບເຄາະຮ້າຍໃນແຜ່ນດິນໄຫວແລະຄື້ນທະເລຊູນາມີມະຫາສະຫມຸດອິນເດຍ.
ວັນທີ 29 ທັນວາ,ທ່ານສະໂລເດີ ນາຍົກລັດຖະມົນຕີເຢຍລະມັນໄດ້ປະກາດວ່າ,ປະຈຸບັນນີ້,ໄດ້ຮູ້ແຈ້ງແລ້ວວ່າ,ຢ່າງຫນ້ອຍມີຊາວເຢຍລະມັນ 26 ຄົນທີ່ມາທ່ອງທ່ຽວເສຍຊີວິດໃນຄື້ນທະເລຊູນາມີ,ນັກທ່ອງທ່ຽວຂອງເຢຍລະມັນອີກ 1000 ກວ່າຄົນຫາຍສາບສູນ,ນອກນີ້,ນອກແວກໍມີນັກທ່ອງທ່ຽວໄທ 7-800 ຄົນຫາຍສາບສູນ,ນັກທ່ອງທ່ຽວນູແວນຊີລັງທີ່ຫາຍສາບສູນຢູ່ໄທມີ 300 ກວ່າຄົນ,ວັນທີ 29 ທັນວາ,ກະຊວງການຕ່າງປະເທດຝຣັ່ງກໍຢືນຢັນວ່າ,ມີຄົນຝຣັ່ງ 20 ຄົນທີ່ມາທ່ອງທ່ຽວໄດ້ເສຍຊີວິດໃນຄື້ນທະເລຊູນາມີມະຫາສະຫມຸດອິນເດຍ,ຍັງມີຊາວຝຣັ່ງອີກ 90 ຄົນຫາຍສາບສູນ.
ເນື່ອງຈາກໃນເວລາເກີດຄື້ນທະເລຊູນາມີ,ພໍດີແມ່ນບຸນໂນແອນ,ຊາວຝ່າຍຕາເວັນຕົກບໍ່ຫນ້ອຍໄດ້ເລືອກມາພັກຜ່ອນຢູ່ປະເທດອາຊີອາຄະເນແລະອາຊີໃຕ້ທີ່ອາກາດອົບອຸ່ນ,ໄທ ມານດາຍແລະປະເທດອື່ນໆທີ່ມີທິວທັດແຄມທະເລສວຍງາມ ສິ່ງກໍ່ສ້າງການທ່ອງທ່ຽວຄົບຖ້ວນສົມບູນແລະການບໍລິການກໍດີນັ້ນ,ໄດ້ຮັບຄວາມຊົມເຊີຍຈາກນັກທ່ອງທ່ຽວຂອງຝ່າຍຕາເວັນຕົກ,ສະນັ້ນ,ແຕ່ທ້າຍປີເກົ່າຮອດຕົ້ນປີລຸນທຸກປີ,ຢູ່ໄທແລະມານດາຍລ້ວນແຕ່ແມ່ນລະດູການທີ່ມີຄົນມາທ່ອງທ່ຽວຫຼາຍ,ເມື່ອຮອດລະດູນີ້,ນັກທ່ອງທ່ຽວຝ່າຍຕາເວັນຕົກພາກັນມາທ່ຽວຢ່າງຫຼວງຫຼາຍ,ໃນນັ້ນຜູ້ມາທ່ອງທ່ຽວໄທຫຼາຍກວ່າຫມູ່,ໃນມື້ເກີດໄພຄື້ນທະເລຊູນາມີ,ອາກາດປອດໂປ່ງ,ນັກທ່ອງທ່ຽວຈຳນວນຫຼວງຫຼາຍພວມຫຼິ້ນຢູ່ຫາດຊາຍແຄມທະເລຫຼືພວມດຳນ້ຳຢູ່ແລ້ວຖືກຄື້ນທະເລອັນຮ້າຍແຮງມ້ວນໄປ.
ວັນທີ 26 ທັນວາ,ພາຍຫລັງແຜ່ນດິນໄຫວແລະຄື້ນທະເລຊູນາມີແລ້ວ,ລັດຖະບານຫຼາຍປະເທດເອົາໃຈໃສ່ທີ່ສຸດຕໍ່ຄວາມປອດໄພຂອງພົນລະເມືອງປະເທດຕົນ,ສະຖານທູດ 20 ກວ່າປະເທດປະຈຳໄທໄດ້ຂີ່ຍົນພິເສດຂອງກະຊວງການຕ່າງປະເທດໄທບິນໄປເກາະພູເກັດ,ຊ່ອຍຝ່າຍໄທເຮັດວຽກກູ້ໄພ,ຊ່ອຍເຫຼືອພົນລະເມືອງປະເທດຕົນກັບຄືນປະເທດ,ປະເທດຝ່າຍຕາເວັນຕົກບໍ່ຫນ້ອຍຍັງເຕືອນພົນລະເມືອງຂອງປະເທດຕົນຢ່າໄປ ທ່ຽວເຂດເກີດໄພຫນັກຫນ່ວງ.
ຂະແຫນງການກ່ຽວຂ້ອງຂອງປະເທດຝ່າຍຕາເວັນຕົກຈຳນວນໜຶ່ງກ່າວວ່າ,ສັງເກດເບິ່ງການຄືບຫ້ນາຂອງການຊອກຫາຄົນເຫັນວ່າ,ຜູ້ຫາຍສາບສູນອາດຫາຄືນມາໄດ້ຍາກແລ້ວ,ສະນັ້ນ,ຈຳນວນຜູ່ເສຍຊີວິດຍັງຈະເພີ່ມຂຶ້ນຕໍ່ໄປ.
|
|
