|
ວັນທີ 26 ທັນວາ,ຢູ່ເຂດທະເລມໍ່ເກາະຊູມັດຕຼາອິນໂດເນເຊຍໄດ້ເກີດແຜ່ນດິນໄຫວແຮງທີ່ສຸດໃນຮອບ 40 ປີມານີ້ແລະເກີດຄື້ນທະເລຊູນາມີຍ້ອນແຜ່ນດິນໄຫວ,ເຮັດໃຫ້8 ຫມື່ນຄົນເສຍຊີວິດເປັນຢ່າງຫນ້ອຍ,ສະນັ້ນ,ໄພພິບັດເທື່ອນີ້ແມ່ນຈໍ່ຕົວຂຶ້ນເປັນແນວໃດ?
ຜູ່ຊ່ຽວຊານເຊື່ອວ່າ,ແມ່ນແຜ່ນທໍລະນີຢູ່ພື້ນທະເລນອກເລິກ 6 ໄມຂອງເກາະຊູມັດຕຼາອິນໂດເນເຊຍໄດ້ເຈື່ອນຢ່າງຮຸນແຮງ,ແມ່ນມູນເຫດຕົ້ນຕໍທີ່ພາໃຫ້ເກີດຄື້ນທະເລຂູນາມີໃນວັນທີ 26 ທັນວາ,ແຜ່ນທໍລະນີທີ່ແຫຍ້ກັນໄດ້ເກີດການເຈື່ອນຢ່າງຮຸນແຮງ,ນີ້ເຮັດໃຫ້ພື້ນທະເລເກີດມີບ່ອນພົ້ນອອກຕອນຫນຶ່ງທີ່ສູງເຖິງ 10 ຫຼາແລະຍາວເຖິງຫຼາຍຮ້ອຍໄມ.ນີ້ກໍເຫມືອນດັ່ງໄດ້ພາຍໄມ້ພາຍອັນບັກໃຫຍ່ຢູ່ພື້ນທະເລ,ນ້ຳທະເລຫຼາຍຕື້ໂຕນໄດ້ໄຫຼໄປມາຢ່າງຮ້າຍແຮງ.ແຜ່ນດິນໄຫວເກີດຂຶ້ນຢູ່ບ່ອນຕໍ່ລະຫວ່າງແຜ່ນທໍລະນີມະຫາສະຫມຸດອິນໂດຍກັບແຜ່ນທໍລະນີມະຫາສະຫມຸດອາຊີເອີລົບ.ການເຈື່ອນຂອງແຜ່ນທໍລະນີບໍ່ໄດ້ເກີດຂຶ້ນຢ່າງຫມັ້ນທ່ຽງ.ມັນກໍເຫມືອນດັ່ງດຶງສາຍທີ່ມີຄວາມຫົດຍືດ,ເມື່ອແຜ່ນທໍລະນີທົນບໍ່ໄຫວຕໍ່ກຳລັງຫນີບແລ້ວ,ແຜ່ນທໍລະນີກໍຫັກແຕກ
ພະລັງງານຂອງແຜ່ນດິນໄຫວທີ່ເກີດຂຶ້ນຢູ່ອິນໂດເນເຊຍທໍ່ກັບຂະຫນາດແຮງຂອງລູກລະເບີດປະລະມານູ 1 ລ້ານຫນ່ວຍທີ່ຖິ້ມລະເບີດໃສ່ຣີໂລຊີມາຂອງຍີ່ປຸ່ນ.ການສະເທືອນຂອງແຜ່ນດິນໄຫວເທື່ອນີ້ແມ່ນຮຸນແຮງທີ່ສຸດຈົນເຮັດໃຫ້ການຫມູນຮອບຕົນເອງຂອງຫນ່ວຍໂລກກໍ່ຖືກກະກົບກະເທືອນ,ຄວາມໄວຂອງຄື້ນທະເລຊູນາມີທີ່ເກີດຂື້ນຍ້ອນແຜ່ນດິນໄຫວໄດ້ບັນລຸເຖິງ 500 ໄມຕໍ່ຊົ່ວໂມງ,ມນໃຊ້ເວລາ 2 ຊົ່ວໂມງປາຍຈຶ່ງໄປຮອດສີລັງກາ,ເຮັດໃຫ້ສີລັງກາມີຄົນເສຍຊີວິດແລະບາດເຈັບຢ່າງຫຼວງຫຼາຍພາຍມາກ.ພາຍຫຼັງມາ,ຄື້ນທະເລຊູນາມີໄດ້ກະຫນ່ຳອິນເດຍແລະຝັ່ງຕາເວັນອອກຂອງອາຟຼິກາ.
ຜູ່ຊ່ຽວຊານກ່າວວ່າ,ແຜ່ນດິນໄຫວທີ່ພາໃຫ້ເກີດຂຶ້ນຄື້ນທະເລຊູນາມີຢູ່ອາຊີແມ່ນແຮງທີ່ສຸດ,ແຜ່ນດິນໄຫວເທື່ອນີ້ໄດ້ປ່ຽນແປງອານາເຂດອາຊີຈົນເທົ່າໃດໆ.ຕາມເບົ້າແບບແຜ່ນດິນໄຫວ,ເກາະດອນນ້ອຍຈຳນວນຫນຶ່ງທີ່ຢູພາກຕາເວັນຕົກສຽງໃຕ້ຂອງເກາະຊູມັດຕຼາອາດຈະຍ້າຍໄປສູ່ທິດຕາເວັນຕົກສຽງເຫນືອ 20 ແມັດ.ນີ້ແມ່ນການປ່ຽນແປງຢ່າງໃຫຍ່ຫຼວງ.ນອກນີ້,ສົ້ນຕາເວັນຕົກສຽງເຫນືອຂອງເກາະຊູມັດຕຼາອາດຈະຍ້າຍໄປສູ່ທິດຕາເວັນຕົກສຽງໃຕ້ 36 ແມັດ.ພ້ອມກັນນັ້ນ,ພະລັງງານທີ່ປ່ອຍຕົວຍ້ອນແຜ່ນດິນໄຫວໄດ້ເຮັດໃຫ້ຫນ່ວຍໂລກເກີດການສະເທືອນຕາມແກນຂອງຫນ່ວຍໂລກ.
ຕາມສະຖິຕິບໍ່ຄົວຖ້ວນ,ແຜ່ນດິນໄຫວແຮງແລະຄື້ນທະເລຊູນາມີທີ່ເກີດຂຶ້ນຢູ່ມະຫາສະຫມຸດອິນເດຍໄດ້ເຮັດໃຫ້ 8 ຫມື່ນກວ່າຄົນເສຍຊີວິດ,ນີ້ອາດຈະເປັນໄພຄື້ນທະເລຊູນາມີທີ່ມີຈຳນວນຄົນຕາຍແລະບາດເຈັບຢ່າງຫຼວງຫຼາຍກວ່າຫມູ່ທີ່ເກີດຂຶ້ນໃນທົ່ວໂລກໃນ 200 ກວ່າປີມານີ້.ຍ້ອນມະຫາສະຫມຸດອິນເດຍເກີດຄື້ນທະເລຊູນາມີຫນ້ອຍທີ່ສຸດ,ສະນັ້ນ,ໃນເຂດປະສົບໄພບໍ່ມີລະບົບເຕືອນໄພຄື້ນທະເລຊູນາມີຄືເຂດມະຫາສະຫມຸດປາຊີຟິກ,ສະນັ້ນຈຶ່ງເກີດມີຄວາມເສຍຫາຍຫຼາຍປານນີ້.ພວກນັກວິທະ ຍາ ສາດຊີ້ອອກວ່າ,ກ່ອນຫນ້ານີ້,ຖ້າວ່າປະເທດອາຊີອາຄະເນແລະອາຊີໃຕ້ຈຳນວນຫນຶ່ງເຂົ້າຮ່ວມລະບົບເຕືອນໄພຄື້ນທະເລຊູນາມີສາກົນ,ຈຳນວນຜູ່ເສຍຊີວິດອາດຈະຫຼຸດລົງຢ່າງຫຼວງຫຼາຍ.ຍ້ອນປະເທດທີ່ປະສົບໄພຢ່າງຫນັກຫນ່ວງເທື່ອນີ້ລ້ວນແຕ່ແມ່ນປະເທດພວມພັດທະນາ,ປະເທດເຫຼົ່ານີ້ສ່ວນຫຼາຍບໍ່ມີເງິນທຶນພຽງພໍເພື່ອສ້າງລະບົບເຕືອນໄພ,ສະນັ້ນ,ປະຊາຄົມໂລກຄວນພ້ອມກັນທຳຄວາມພະຍາຍາມ,ເພື່ມທະວີວຽກງານປ້ອງກັນແລະຫຼຸດໄພ.ສາມາດເວົ້າໄດ້ວ່າ,ຖ້າໄດ້ຮັບຄຳເຕືອນໄພຂອງລະບົບເຕືອນໄພຄື້ນທະເລນາມີນີສາກົນກ່ອນແລ້ວ,ປະເທດທີ່ກ່ຽວຂ້ອງແມ່ນມີເວລາອ່າວພຽງພໍເພື່ອໃຊ້ມາດຕະການດ່ວນມາຫຼຸດຄວາມເສຍຫາຍໃຫ້ຫນ້ອຍລົງ.
ພວກເຮົາຫວັງວ່າໃນພາຍຫນ້າບໍ່ດົນນີ້,ບັນດາປະເທດໃນໂລກລ້ວນແຕ່ໄດ້ເຂົ້າຮ່ວມລະບົບເຕືອນໄພຄື້ນທະເລຊູນາມີສາກົນໄດ້,ຖ້າເຮັດແນວນີ້ ພວກເຮົາກໍ່ສາມາດຫຼຸດຈຳນວນຄົນຕາຍແລະບາດເຈັບໃຫ້ຫນ້ອຍລົງ,ເຮັດໃຫ້ຄົນທັງຫຼາຍໃນໂລກສາມາດຫຼີກໄພຕາມຄວາມສາມາດຢ່າງທັນການ,ແລະດຳລົງຊີວິດຢູ່ບ້ານເກີດອັນສວຍງາມຂອງພວກເຮົາ
|
