|
ຄຽງຄູ່ກັບຊີວິດຍຸກປະຈຸບັນໄດ້ມີຄວາມກ້າວຫນ້າ,ຫລາຍໆຄົນຜ່ານຈາກການອອກກຳລັງກາຍເພື່ອເຮັດໃຫ້ຮ່າງກາຍຂອງຕົນຢູ່ໃນສະພາບປົກກະຕິດີ.ແຕ່ຍັງມີຄົນສ່ວນຫນ້ອຍທີ່ມັກອອກກຳລັງກາຍພັດບໍ່ໄດ້ຮັບຜົນປະໂຫຍດຈາກການອອກກຳລັງກາຍ,ສາເຫດຂອງມັນຕົ້ນຕໍແມ່ນຍ້ອນຄົນເຫົ່ຼານີ້ບໍ່ໄດ້ພັກຜ່ອນຢ່ອນໃຈຢ່າງບັງເກີດຜົນຕາມຫລັກວິທະຍາສາດຫລັງອອກກຳລັງກາຍ.
ຫລັງອອກກຳລັງກາຍແລ້ວ,ກ່ອນອື່ນບໍ່ຄວນກິນເຂົ້າໃນທັນທີ.ໃນເວລາອອກກຳລັງກາຍ,ເສັ້ນປະສາດກາງຢູ່ໃນສະພາບຕື່ນເຕັ້ນຢ່າງສູງ.ໃຕ້ຜົນສະທ້ອນຂອງມັນ,ລະບົບເສັ້ນປະສາດສຳຜັດສຳຮອງຂອງຕັບໄຕໄສ້ພຸງໄດ້ເພີ່ມທະວີການລະງັບການເຄື່ອນໄຫວຂອງລະບົບຍ່ອຍອາຫານ.ພ້ອມກັນນັ້ນ,ໃນເວລາອອກກຳລັງກາຍ,ເລືອດໃນທົ່ວຮ່າງກາຍໄດ້ສະຫນອງຄວາມຕ້ອງການຂອງອະໄວຍະວະອອກກຳລັງກາຍຢ່າງຂ້ອນຂ້າງໂຮມສູນ,ສ່ວນການສະຫນອງເລືອດໃຫ້ອະໄວຍະວະຕ່າງໆໃນທ້ອງນັ້ນພັດຫນ້ອຍລົງໂດຍທຽບຖານ.ປັດໄຈດັ່ງກ່າວໄດ້ເຮັດໃຫ້ການເຄື່ອນເຫນັງຂອງກະເພາະອາຫານແລະລຳໄສ້ອ່ອນລົງ,ການຂັບຍ່ອຍຂອງຕ່ອມຍ່ອຍອາຫານຊະນິດຕ່າງໆກໍ່ຫລຸດຫນ້ອຍລົງຢ່າງຫລວງຫລາຍ.ຖ້າພັກກິນເຂົ້າໂລດ,ກໍ່ຈະເພີ່ມພາລະໃຫ້ແກ່ອະໄວຍະວະຍ່ອຍອາຫານ, ພາໃຫ້ສັບພະຄຸນສັບສົນ,ຈົນກະທັ້ງພາໃຫ້ເປັນພະຍາດຕ່າງໆໄດ້.
ຫລັງອອກກຳລັງກາຍແລ້ວກໍ່ຕ້ອງລະວັງຢ່ານັ່ງພັກຜ່ອນ.ຫລັງອອກກຳລັງກາຍ ຖ້ານັ່ງພັກຜ່ອນໃນທັນທີ,ຈະກີດຂວາງການໄຫລຄືນຂອງເລືອດໃນຂາ.ກະທົບກະເທືອນເຖິງການໄຫວວຽນຂອງເລືອດ,ເຮັດໃຫ້ຮ່າງກາຍອິດເມື່ອຍຫນັກເຂົ້າ.ຮ້າຍແຮງກວ່ານັ້ນຈະພາໃຫ້ມີອາການສະຫຼົບໄປ.ສະນັ້ນ,ຫລັງອອກກຳລັງກາຍທຸກຄັ້ງຄວນປັບປຸງຈັງຫວະຫາຍໃຈ,ຍ່າງແກວ່ງແຂນ,ແລະທຳການເຄື່ອນໄຫວພັກຜ່ອນຢ່ອນໃຈບາງຢ່າງ,ຊຸກຍູ້ໃຫ້ເລືອດໃນແຂນຂາໄຫລຄືນສູ່ຫມາກຫົວໃຈ,ເພື່ອເພີ່ມອັອກຊີແຊນ,ເລັ່ງການຟື້ນປູກຳລັງກາຍໃຫ້ໄວເຂົ້າແລະຫາຍເມື່ອຍ.
ສາມ,ການອອກກຳລັງກາຍມັກເຮັດໃຫ້ຄົນເຮົາເຫື່ອໄຫລໄຄຍ້ອຍ,ຄຽງຄູ່ກັບການ ສິ້ນເປືອງນ້ຳເປັນຈຳນວນຫລວງຫລາຍ,ຫລັງອອກກຳລັງກາຍແລ້ວມັກຮູ້ສຶກຄໍແຫ້ງ ຢາກກິນນ້ຳຫລາຍ,ໃນເວລານີ້ຕ້ອງລະວັງຢ່າຟ້າວກິນຂອງເຢັນໃນທັນທີ.ນີ້ແມ່ນຍ້ອນວ່າ,ໃນເວລານັ້ນ,ລະບົບຍ່ອຍອາຫານຂອງຄົນເຮົາຍັງຢູ່ໃນສະພາບລະງັບ,ມີສັບພະຄຸນອ່ອນ.ຖ້າກິນຂອງເຢັນເປັນຈຳນວນຫລວງຫລາຍເພື່ອສະບາຍແລະແກ້ຄໍແຫ້ງ,ມັກພາໃຫ້ກະເພາະອາຫານແລະລຳໄສ້ບິດ,ເຈັບທ້ອງ ທ້ອງຊຸ,ແລະພາໃຫ້ເປັນພະຍາດກະເພາະອາຫານແລະລຳໄສ້.
|
