|
ກິນໝີ່ຫໍ່ແນວໃດຈຶ່ງມີສຸຂະພາບແຂງແຮງ
cri
Author: zl
ປະຈຸບັນ, ໝີ່ຫໍ່ໄດ້ມີຢູ່ທົ່ວໂລກແລ້ວ,ໄດ້ກາຍເປັນອາຫານທີ່ຂາດເຂີນບໍ່ໄດ້ໃນຊີວິດການເປັນຢູ່ຂອງປະຊາຊົນ.ເວົ້າສຳລັບຄົນໃນຍຸກປະຈຸບັນທີ່ຂຸ້ນນຳວຽກແລ້ວ,ການກິນໝີ່ຫໍ່ອາດຈະແມ່ນເລື່ອງທີ່ຫຼີກເວັ້ນໄດ້ຍາກ.
ຕາມເລົ່າລືກັນວ່າ, ຜູ້ທີ່ເຮັດໝີ່ຫໍ່ກ່ອນໝູ່ແມ່ນພໍ່ຄົວຢູ່ເຮືອນຜູ້ວ່າການກິ່ງແຂວງຢາງໂຈວທີ່ມີນາມສະກົນອີ່ຂອງປະເທດຈີນ.ພໍ່ຄົວຜູ້ນີ້ເອົາໄຂ່ໄກ່ປົນໃສ່ແປ້ງ,ເຮັດເປັນແຜ່ນບາງໆ,ແລ້ວຊອຍເປັນເສັ້ນ,ຕົ້ມໃຫ້ສຸກ,ແລ້ວເອົາລົງຈືນໃສ່ນ້ຳມັນໃນທັນທີແລະຕາກແຫ້ງ.ໝີ່ແບບນີ້ ຖ້າວ່າແຊ່ໃສ່ນ້ຳຮ້ອນ ກໍຈະອ່ອນ ຈະກິນເວລາໃດກໍໄດ້,ມັນສະດວກທີ່ສຸດ.
ການປະກົດມີໝີ່ຫໍ່,ໄດ້ເຮັດໃຫ້ເກີດມີກະແສຮ້ອນໃນຂະແໜງການອາຫານການກິນ,ມັນສອດຄ່ອງກັບຈັງຫວະໄວແຫ່ງຊີວິດການເປັນຢູ່ຂອງຄົນຍຸກປະຈຸບັນ,ທັງປະຢັດເວລາ,ສະນັ້ນ,ໝີ່ຫໍ່ໄດ້ປະກອບສ່ວນທີ່ປະໝາດບໍ່ໄດ້.ການກິນໝີ່ຫໍ່ ຕ້ອງເອົາໃຈໃສ່ນຳການມີຜົນດີຕໍ່ສຸຂະພາບ,ເພາະວ່າ,ເຖິງວ່າຂະແໜງການອາຫານການກິນໄດ້ມີຄວາມກ້າວໜ້າ, ໝີ່ຫໍ່ກໍນັບມື້ນັບແຊບຂຶ້ນກໍຕາມ,ແຕ່ຍັງເຮັດໃຫ້ຄົນເຮົາຮູ້ສຶກວ່າ,ມັນບໍ່ສອດຄ່ອງກັບຫຼັກການສຸຂະພາບ,ແຕ່ຄັນປຸງແຕ່ງແລ້ວ,ແລະໃສ່ເຄື່ອງປຸງແຕ່ງອີກ,ກໍຈະມີຜົນດີຕໍ່ສຸຂະພາບໄດ້.
ຕໍ່ໄປ ແມ່ນວິທີກິນໝີ່ຫໍ່:
1, ດີທີ່ສຸດແມ່ນຕົ້ມ,ແລ້ວໃສ່ຊີ້ນໃສ່ຜັກທີ່ຕົນມັກ,ເພື່ອເພີ່ມຕື່ມວິຕາມີນ,ໂປຼຕີນແລະໃຍອາຫານເປັນຕົ້ນ.ນອກນີ້,ກໍສາມາດໃສ່ເຄື່ອງປຸງແຕ່ງຈຳນວນໜຶ່ງຕາມໃຈມັກ,ສຸດທ້າຍໃສ່ໄຂໄກ່ໜ່ວຍໜຶ່ງ,ທາດບຳລຸງກໍພຽງພໍສົມບູນແລ້ວ.
2, ໃນເວລາກິນໝີ່ຫໍ່,ດີທີ່ສຸດແມ່ນຖອກນ້ຳແຊ່ໝີ່ເທື່ອທຳອິດຖິ້ມ,ແລ້ວໃສ່ນ້ຳຟົດຫຼືແກງອື່ນ; ດີທີ່ສຸດຢ່າໃສ່ເຄື່ອງປຸງໝົດ,ເອົາແຕ່ເຄິ່ງໜຶ່ງກໍພໍແລ້ວ,ແລ້ວໃສ່ເຄື່ອງປຸງອື່ນໆທີ່ມີຜົນດີຕໍ່ຮ່າງກາຍ,ເຮັດແນວນີ້ບໍ່ພຽງແຕ່ມີລົດແຊບນົວ,ທັງບໍ່ຕ້ອງເປັນຫ່ວງນຳການທີ່ມີຜົນບໍ່ດີຕໍ່ສຸຂະພາບ.
3, ການກິນໝີ່ຫໍ່ທຸກມື້ໄດ້ບໍ່?ນັກໂພສະນາການບອກພວກເຮົາວ່າ,ເວົ້າໃນດ້ານໂພສະນາການແລ້ວ,ບໍ່ຄວນກິນໝີ່ຫໍ່ເລື້ອຍໆ,ເພາະວ່າໝີ່ຫໍ່ມີຜົນຮ້າຍຢ່າງຫຼວງຫຼາຍຕໍ່ສຸຂະພາບ.ຄັນຊັ້ນ,ຈະກິນໝີ່ຫໍ່ແນວໃດ ຈຶ່ງມີສຸຂະພາບແຂງແຮງໄດ້?ທຳມະດາແລ້ວ,ອາທິດໜຶ່ງ,ຜູ້ໃຫຍ່ກິນໝີ່ຫໍ່ສອງສາມຫໍ່ບໍ່ເປັນຫຍັງດອກ,ແຕ່ກິນໝີ່ຫໍ່ແມ່ນຍ້ອນບໍ່ມີເວລາແຕ່ງອາຫານ, ຢ່າງຫຼາຍມື້ໜຶ່ງກິນຫໍ່ໜຶ່ງໄດ້,ແຕ່ບໍ່ຄວນກິນທຸກມື້,ໂດຍສະເພາະແມ່ນ ບໍ່ຄວນກິນໝີ່ຫໍ່ແທນເຂົ້າເຊົ້າ.
4, ຜູ້ທີ່ກິນໝີ່ຫໍ່ເລື້ອຍໆນັ້ນ,ໃນຍາມທຳມະດາ,ມື້ໜຶ່ງຕ້ອງກິນໄຂ່ໄກ່ໜ່ວຍໜຶ່ງຫຼືສອງໜ່ວຍ,ຫຼືກິນຂະໜົມເຄັກ 2 ຫາ 4 ກ້ອນ,ໝາກໄມ້ສົດເຊັ່ນ ໝາກໂປມ,ໝາກຈອງ,ໝາກເຫຼ່ນແລະໝາກແຕງເປັນຕົ້ນ 1 ຫາ 4 ໜ່ວຍ,ໂຊໂກລາສອງແຜ່ນ,ນົມງົວໜຶ່ງຈອກຫຼືຊີ້ນງົວແຫ້ງ,ຊີ້ນໝູແຫ້ງ 100 ກຼາມ.ການເຮັດແນວນີ້ຈຶ່ງສາມາດຕອບສະໜອງຄວາມຕ້ອງການດ້ານທາດບຳລຸງຂອງຮ່າງກາຍຄົນເຮົາໄດ້.
|
|
