|
ແຜ່ນດິນໄຫວແຮງແລະຄື້ນທະເລຊູນາມີທີ່ເກີດຂຶ້ນຢູ່ມະຫາສະຫມຸດອິນເດຍໃນວັນທີ 26 ທັນວາປີ 2004ໄດ້ເຮັດໃຫ້ຫລາຍປະເທດແຄມມະຫາສະຫມຸດອິນເດຍມີຄົນຕາຍແລະບາດເຈັບຫລວງ ຫລາຍແລະຊັບສິນເສຍຫາຍຢ່າງສາຫັດ.ພາຍຫລັງເກີດໄພພິບັດແລ້ວ, ລັດ ຖະບານແລະມວນຊົນໃນວົງການຕ່າງໆຂອງຈີນພາກັນສະຫນອງການຊ່ອຍເຫລືອໃຫ້ແກ່ປະເທດທີ່ປະສົບໄພ.
ໃນມື້ທີສອງທີ່ເກີດແຜ່ນດິນໄຫວແລະຄື້ນທະເລຊູນາມີ,ລັດຖະບານຈີນກໍ່ໄດ້ບໍລິຈາກວັດຖຸ ຄື ອາຫານ ຜ້າຕູບເຕັນ ຜ້າຫົ່ມແລະເງິນສົດລວມທັງຫມົດ 20 ກວ່າລ້ານຢວນໃຫ້ແກ່ປະເທດປະສົບໄພໂດຍດ່ວນ, ເພື່ອຜ່ອນຄາຍຄວາມເສຍຫາຍອັນມະຫາສານ. ວັນທີ 31 ທັນວາ, ລັດຖະບານຈີນໄດ້ສະຫນອງການຊ່ອຍເຫລືອຕົກເປັນເງິນ 500 ລ້ານຢວນໃຫ້ແກ່ປະເທດປະສົບໄພອີກ.ພາກສ່ວນປະຊາສົງເຄາະຂອງຈີນຍັງໄດ້ສ້າງຕັ້ງອົງການຈັດຕັ້ງປະສານງານໂດຍຈຳເພາະ, ເພື່ອອຳນວຍຄວາມສະດວກໃຫ້ເອກະຊົນບໍລິຈາກເງິນ.ໃນຂະນະດຽວກັນນນີ້ ຈີນຍັງໄດ້ສົ່ງກອງກອບກູ້ປິ່ນປົວໄປປະເທດປະສົບໄພສ່ວນຫນຶ່ງ,ເພື່ອຊ່ອຍເຂົາເຈົ້າກອບກູ້ປິ່ນປົວແລະປ້ອງກັນພະຍາດ.
ວັນທີ 1 ມັງກອນ ຢູ່ປັກກິ່ງ ທ່ານຫູຈີນທາວ ປະທານປະເທດຈີນເວົ້າວ່າ:
"ຢູ່ທະເລມໍ່ເກາະຊູມາທຼາຂອງອິນໂດເນເຊຍເກີດແຜ່ນດິນໄຫວແລະຄື້ນທະເລຊູນາມີ,ເຮັດໃຫ້ປະເທດອາຊີອາຄະເນແລະປະເທດອາຊີໃຕ້ສ່ວນຫນຶ່ງມີຄົນຕາຍແລະບາດເຈັບແລະຊັບສິນເສຍຫາຍຢ່າງສາຫັດ, ພວກຂ້າ ພະເຈົ້າຂໍສະແດງຄວາມເຫັນອົກເຫັນໃຈແລະຢື້ຢາມຖາມຂ່າວຢ່າງຈິງໃຈ. ລັດຖະບານແລະປະຊາຊົນຈີນຍິນດີສະຫນອງການຊ່ອຍເຫລືອຕາມຄວາມສາມາດຂອງຕົນແກ່ປະເທດແລະປະຊາຊົນທີ່ປະສົບໄພ,ແລະຫວັງຢ່າງຈິງໃຈໃຫ້ລັດຖະບານແລະປະຊາຊົນປະເທດເຫລົ່ານນີ້ຜ່ານຜ່າຄວາມຫຍຸ້ງຍາກ, ເອົາຊະນະໄພພິບັດແລະສ້າງບ້ານແປງເມືອງຄືນໃຫມ່."
1 2 3 4
|
