(ຫນ່ວຍຊ່ຽວຊານກວດ DNA ຂອງຈີນເຮັດວຽກຢູ່ເຂດປະສົບໄພຂອງໄທ)
ຕາມຂ່າວສານຊີນຮວາ: ວັນທີ 1 ມັງກອນຢູ່ເຂດປະສົບໄພຂອງປະເທດໄທ, ຫນ່ວຍຊ່ຽວຊານກວດ DNA ຂອງຈີນໄດ້ກັບພະນັກງານຝ່າຍໄທພ້ອມກັນບັນທຶກຂໍ້ມູນກ່ຽວກັບຜູ່ຕາຍໃນໄພແຜ່ນດິນໄຫວແລະຄື້ນທະເລຊູນາມີ,ເພື່ອເປັນຫລັກອ້າງອີງໃຫ້ການຈຳແນກສົບ.
ນີ້ແມ່ນວຽກງານມື້ທຳອິດຢູ່ໄທຂອງຫນ່ວຍຊ່ຽວຊານຈີນ.ທ່ານລີລີ ສະມາຊິກຫນ່ວຍຊ່ຽວຊານບອກນັກຂ່າວວ່າ, ປະຈຸບັນ ຜູ່ຊ່ຽວຊານສີ່ທ່ານທີ່ເຂົ້າຮ່ວມການຈຳແນກສົບຕົ້ນຕໍແມ່ນຊ່ອຍຝ່າຍໄທເຮັດວຽກໄລຍະຕົ້ນ, ຄື ຖ່າຍຮູບສົບ ບັນທຶກຈຸດພິເສດຫນ້າຕາຂອງສົບແລະເກັບໂຮມເຄື່ອງເອ້ຂອງຜູ່ຕາຍ.
(ຫນ່ວຍຊ່ຽວຊານຈີນເຮັດວຽກຢູ່ເຂດປະສົບໄພຂອງໄທ)
ໄພແຜ່ນດິນໄຫວແລະຄື້ນທະເລຊູນາມີທີ່ເກີດຂຶ້ນຢູ່ມະຫາສະຫມຸດອິນເດຍເຮັດໃຫ້ໄທມີ 4500 ກວ່າຄົນຕາຍ, 6000 ກວ່າຄົນຫາຍສາບສູນ.ຍ້ອນຜູ່ຕາຍສ່ວນຫລາຍແມ່ນຜູ່ທ່ອງທ່ຽວຕ່າງປະເທດ,ສະນັ້ນ ການຈຳແນກຜູ່ປະສົບໄພເຫລົ່ານີ້ກໍ່ຫຍຸ້ງຍາກທີ່ສຸດ.
(ຜູ່ຊ່ຽວຊານກວດ DNA ຂອງຈີນເຮັດວຽກຢູ່ເຂດປະສົບໄພຂອງໄທ)
ທ່ານພົງເທບ.ເທບການຈະນາ ລັດຖະມົນຕີກະຊວງຍຸດຕິທຳໄທບອກນັກຂ່າວວ່າ, ສືບຕໍ່ຊອກຫາຜູ່ປະສົບໄພແລະຈຳແນກສົບແມ່ນສິ່ງທ້າທາຍຕົ້ນຕໍທີ່ໄທປະເຊີນໃນການກູ້ໄພ,ຂອບໃຈຜູ່ຊ່ຽວຊານຈີນທີ່ໄດ້ປະກອບສ່ວນເຂົ້າໃນການກູ້ໄພ.
|