|
ຕາມຂ່າວCRI: ວັນທີ 1 ມັງກອນ ຢູ່ເຊີແນວ, ທ່ານດາວິດ ນາບາໂຣ ຜູ່ອຳນວຍການຂອງອົງການອະນາໄມໂລກທີ່ຮັບຜິດຊອບການພັດທະນາແບບຍືນຍົງແລະບັນຫາສິ່ງແວດລ້ອມໄດ້ໃຫ້ສຳພາດຕໍ່ວົງການໜັງສືພິມວ່າ, ຢູ່ເຂດປະສົບໄພແຜ່ນດິນໄຫວແລະຄື້ນທະເລຊູນາມີໄດ້ພົບເຫັນຄົນເປັນໂຣກທ້ອງບິດງວດທຳອິດ.
ທ່ານນາບາໂຣກ່າວວ່າ, ອົງການອະນາໄມໂລກພວມໃຊ້ມາດຕະການດ່ວນ ປິ່ນປົວຜູ່ເປັນໂຣກດັ່ງກ່າວ, ແລະແຈກຢາຍຢາທີ່ເຮັດໃຫ້ນ້ຳສະອາດແລະຢາປົວທ້ອງບິດໃຫ້ຜູ່ປະສົບໄພ, ປ້ອງກັນບໍ່ໃຫ້ໂຣກດັ່ງກ່າວແຜ່ລາມອອກ.
|
