ຕາມ​ຂ່າວCRI: ວັນ​ທີ 4 ມັງກອນ ພັດສະດຸ​ຊ່ອຍ​ເຫຼືອງວດ​ທີ 5 ທີ່​ຈີນ​ສະໜອງ​ໃຫ້ປະ​ເທດ​ປະສົບ​ໄພ​ແຜ່ນດິນ​ໄຫວ​ແລະ​ຄື້ນທະ​ເລ​ຊູ​ນາ​ມີ​ມະຫາ​ສະໝຸດ​ອິນ​ເດຍ​ໄດ້​​ຂົນ​ສົ່ງ​ໄປ​ຮອດ​ບາງກອກ ນະຄອນຫຼວງ​ແຫ່ງ​ປະ​ເທດ​ໄທ.

ພັດສະດຸ​ຊ່ອຍ​ເຫຼືອງວດນີ້​ໄດ້​ຂົນ​ສົ່ງ​ຈາກນະຄອນ​ທຽນ​ສິນ​ຂອງ​ຈີນ, ​ໃນ​ນັ້ນມີ​ອາຫານ ຢຸກຢາ ອຸປະກອນ​​ໂທລະຄົມມະນາຄົມ​ແລະ​ຈັກ​ໄຟຟ້າ​ເປັນຕົ້ນ, ຕົກ​ເປັນ​ເງິນ 9 ​ແສນ 5 ໝື່ນ​ໂດ​ລາ​ສະຫະລັດ. ກ່ອນ​ໜ້ານີ້ ລັດຖະບານ​ຈີນ​ໄດ້​ບໍລິຈາກ​ໃຫ້​ລັດຖະບານ​ໄທ 3 ​ແສນ​ໂດ​ລາ​ສະຫະລັດ​ແລ້ວ.

ຢູ່​ເດີ່ນຍົນ​ສາກົນ​ບາງກອກ, ທ່ານ​ຈາງ​ຈິ​ວ​ເຫີ​ງ ​ເອກ​ອັກຄະ​ລັດຖະທູດ​ຈີນ​ປະຈຳ​ໄທ​​ຕາງ​ໜ້າລັດຖະບານ​ຈີນ​ມອບ​ພັດສະດຸ​ຊ່ອຍ​ເຫຼືອ​ໃຫ້​ກະຊວງ​ການ​ຕ່າງປະ​ເທດ​ໄທ.