|
ຈີນຈະຕັ້ງໜ້າເຂົ້າຮ່ວມການກູ້ໄພແລະວຽກງານສ້າງສາຄືນໃໝ່ຢູ່ປະເທດປະສົບໄພຄື້ນທະເລຊູນາມີຢູ່ມະຫາສະໝຸດອິນເດຍ
cri
Author: q
ຕາມຂ່າວCRI, ໃນຕອນຄ່ຳວັນທີ3ມັງກອນ ,ທ່ານຊຸຍທຽນຄາຍ ຫົວໜ້າກົມອາຊີກະຊວງການຕ່າງປະເທດຈີນຕ້ອນຮັບການເຂົ້າສຳພາດໂດຍຈຳເພາະຂອງນັກຂ່າວວິທະຍຸພວກເຮົາ,ທ່ານກ່າວວ່າ,ເງິນຊ່ອຍເຫຼືອຈຳນວນ500ລ້ານຢວນທີ່ລັດຖະບານຈີນສະໜອງໃຫ້ປະເທດປະສົບໄພຄື້ນທະເລຊູນາມີຢູ່ມະຫາສະໝຸດນັ້ນບໍ່ພຽງແຕ່ໃຊ້ໃນການກູ້ໄພຂອງປະເທດເຫຼົ່ານີ້,ຫາກຍັງຈະໃຊ້ໃນການສ້າງບ້ານແປງເມືອງຄືນໃໝ່ຫຼັງໄພພິບັດ.ປະຈຸບັນ,ລັດຖະບານຈີນພວມຫາລືກັບລັດຖະບານ ປະເທດປະສົບໄພກ່ຽວກັບ ການປະຕິບັດການຊ່ອຍເຫຼືອ.
ທ່ານຊຸຍທຽນຄາຍສະເໜີໃຫ້ຮູ້ວ່າ,ພາຍຫຼັງຢູ່ມະຫາສະໝຸດອິນເດຍເກີດແຜ່ນດິນໄຫວແລະຄື້ນທະເລຊູນາມີແລ້ວ,ລັດຖະບານຈີນໄດ້ຫ້າງຫາພັດສະດຸຢ່າງໄວວາ,ໃຫ້ການຊ່ອຍເຫຼືອຢ່າງທັນການ,ອັນໄດ້ຮັບຄວາມຂອບອົກຂອບໃຈຈາກລັດຖະບານແລະປະຊາຊົນ ບັນດາປະເທດປະສົບໄພແລະຄວາມຍ້ອງຍໍຂອງປະຊາຄົມໂລກ.
|
|
