ຕາມ​ຂ່າວສານ​ຊິນ​ຮວາ: ຕາມ​ສະຖິຕິຫຼ້າສຸດ​ຂອງ​ວັນ​ທີ 4 ມັງກອນ, ນອກຈາກ​ປະ​ເທດ​ທີ່​ປະສົບ​ໄພ​ອັນ​ໜັກໜ່ວງ​ແລ້ວ, ຊາວ​ຕ່າງປະ​ເທດ​ທີ່ຮັບເຄາະ​ຮ້າຍໃນ​ແຜ່ນດິນ​ໄຫວ​ແລະ​ຄື້ນທະ​ເລ​ຊູ​ນາ​ມີ​ມະຫາ​ສະໝຸ​ດອິນ​ເດຍ​ໄດ້​ລື່ນ​ກາຍ 300 ຄົນ, ຍັງ​ມີ 9000 ກວ່າ​ຄົນ​ຫາຍ​ສາບ​ສູນ.

ຕາມຕົວ​ເລກ​ສະຖິຕິຫຼ້າສຸດ, ​ໃນ​ຄື້ນທະ​ເລ​ຊູ​ນາ​ມີ​ເທື່ອ​ນີ້ ຊາວ​ເຢຍລະ​ມັນ​ເສຍ​ຊີວິດ​ຫຼາຍ​ກວ່າ​ໝູ່ ມີ 60 ຄົນ, ຍັງ​ມີ 1000 ຄົນ​ຫາຍ​ສາບ​ສູນ; ຊູ​ແອດ​ມີ 59 ຄົນ​ເສຍ​ຊີ​ວິດ, 3559 ຄົນ​ຫາຍ​ສາບ​ສູນ. ນອກ​ນີ້ ​ອັງກິດ ​ຝຣັ່ງ ​ຍີ່​ປຸ່ນ ​ອີ​ຕາ​ລີ ​ສະວິສ ​ນອກ​ແວ ​ອາ​ເມ​ລິ​ກາ ​ອົສ​ຕຼາ​ລີ ສິງ​ກະ​ໂປ ​ອາ​ຝຼິກາ​ໃຕ້ ດານ​ມາກ​ແລະ​​ໂອ​ຕຼິສ​ກໍ​ມີ​ຄົນ​ຮັບ​ເຄາະ​ຮ້າຍ​ແລະ​ຫາຍ​ສາບ​ສູນ.

ຕາມຕົວ​ເລກ​ທີ່​ສະຖານທູດ​ຈີນ​ປະຈຳ​ໄທ​ປະກາດ​ໃນ​ວັນ​ທີ 3 ມັງກອນ, ຈີນ​ມີ 12 ຄົນ​ຮັບ​ເຄາະ​ຮ້າຍ, ​ໃນ​ນັ້ນ ​ເຂດ​ໃນ​ຈີນ​ມີ 3 ຄົນ, ຮົງ​ກົງ 6 ຄົນ, ​ແຂວງ​ໄຕ້​ຫວັນ 3 ຄົນ.