|
ຕາມຂ່າວCRI: ວັນທີ 4 ມັງກອນ ທ່ານຖາງເຈຍສວນ ທີ່ປຶກສາແຫ່ງລັດຈີນໄດ້ໄປສະຖານທູດອິນໂດເນເຊຍແລະສະຖານທູດສີລັງກາປະຈຳຈີນ, ຕາງໜ້າລັດຖະບານແລະປະຊາຊົນຈີນໄວ້ອາໄລຜູ່ຮັບເຄາະຮ້າຍຂອງສອງປະເທດດັ່ງກ່າວຈາກແຜ່ນດິນໄຫວແລະຄື້ທະເລຊູນາມີມະຫາສະໝຸດອິນເດຍດ້ວຍຄວາມເສົ້າສະຫຼົດໃຈທີ່ສຸດ, ສະແດງຄວາມຖາມຂ່າວຢ່າງສຸດເຊິ້ງຕໍ່ສອງປະເທດທີ່ໄດ້ປະສົບຄວາມເສຍຫາຍທັງຊີວິດຂອງຄົນແລະຊັບສິນຢ່າງມະຫາສານໃນໄພພິບັດເທື່ອນີ້.
ທ່ານຖາງເຈຍສວນກ່າວວ່າ, ໃນຖານເປັນປະເທດບ້ານໃກ້ເຮືອນຄຽງທີ່ມີໄມຕີຈິດ, ລັດຖະບານແລະປະຊາຊົນຈີນຖືການປະສົບໄພຂອງປະເທດອ້ອມຂ້າງເປັນການປະສົບຂອງຕົນ, ຈະຕັ້ງໜ້າເຂົ້າຮ່ວມວຽກງານປ້ອງກັນພະຍາດລະບາດແລະການສ້າງສາຄືນໃໝ່ຫຼັງໄພພິບັດ. ເຊື່ອວ່າ ພາຍໃຕ້ການນຳພາຂອງລັດຖະບານສອງປະເທດແລະພາຍໃຕ້ການຊ່ອຍເຫຼືອຂອງປະຊາຄົມໂລກ, ປະຊາຊົນອິນໂດນເຊຍແລະປະຊາຊົນສີລັງກາຄົງຈະເອົາຊະນະໄພພິບັດ, ສ້າງບ້ານແປງເມືອງຄືນໃໝ່.
ເອກອັກຄະລັດຖະທູດຂອງອິນໂດເນເຊຍແລະຂອງສີລັງກາປະຈຳຈີນຕ່າງກໍສະແດງຄວາມຂອບອົກຂອບໃຈນຳຈີນທີ່ໄດ້ໃຫ້ການຊ່ອຍເຫຼືອຢ່າງວ່ອງໄວ ບັງເກີດຜົນແລະບໍ່ເຫັນແກ່ຕົວ, ກ່າວວ່າລັດຖະບານແລະປະຊາຊົນທັງສອງປະເທດຈະຍິ່ງທະໜຸຖະໜອມແລະເອົາໃຈໃສ່ນຳການຂະຫຍາຍການພົວພັນຮ່ວມມືຮອບດ້ານຖານອ້າຍນ້ອງກັບຈີນ.
|
