|
|
 |
| (GMT+08:00)
2005-01-05 09:57:13
|
 |
|
ອາເມລິກາກ່າວລື້ມວ່າຈະອອກແຮງສຸດຂີດສະໜັບສະໜູນອີຣັກຈັດການເລືອກຕັ້ງທົ່ວໄປຕາມເວລາກຳນົດ
cri
Author: li
ຕາມຂ່າວ CRI: ວັນທີ 4 ມັງກອນ ທ່ານ ສະກັອດ ແມັກເຄຼເລິນ ໂຄສົກທຳນຽບຂາວອາເມລິກາກ່າວເນັ້ນວ່າ,ອາເມລິກາສະໜັບສະໜູນຕາລາງເວລາເລືອກຕັ້ງທົ່ວໄປທີ່ລັດຖະບານຊົ່ວຄາວແລະຄະນະກຳມະການເລືອກຕັ້ງທີ່ເປັນອິດສະຫຼະຂອງອີຣັກກຳນົດ,ແລະພວມອອກແຮງສຸດຂີດຊ່ອຍອີຣັກປົວແປງສະຖານະການຄວາມປອດໄພ,ເພື່ອຊຸກຍູ້ໃຫ້ທົ່ວສັງຄົມອີຣັກເຂົ້າຮ່ວມການເລືອກຕັ້ງທົ່ວໄປ.
ວັນທີ 4 ມັງກອນ ຢູ່ແບກແດັດ ໄດ້ເກີດເຫດການຫຼອນໂຈມຕີກໍ່ການຮ້າຍອີກສອງລາຍ. ເຈົ້າແຂວງແຂວງແບກແດັດຖືກລອບຂ້າ,ຢູ່ມໍ່ເຂດສີຂຽວໃນເມືອງແບກແດັດໄດ້ເກີດເຫດການລົດຍົນລະເບີດລາຍໜຶ່ງ. ອົງການຈັດຕັ້ງທີ່ນຳໂດຍຈາຄາວີບຸກຄົນນ້ຳເບີສາມຂອງອົງການອານເຄດາໄດ້ອອກຖະແຫຼງ,ກ່າວວ່າຮັບຜິດຊອບຕໍ່ເຫດການສອງລາຍດັ່ງກ່າວ.
ນອກນີ້ ຂ່າວແຈ້ງວ່າ,ວັນທີ 3 ມັງກອນ ທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວຂອງອີຣັກໄດ້ໂທລະສັບລົມກັບທ່ານບຸສ ປະທານາທິບໍດີອາເມລິກາກ່ຽວກັບສະຖານະການຄວາມປອດໄພຂອງອີຣັກໃນປັດຈຸບັນ. ສອງຝ່າຍໄດ້ແລກປ່ຽນຄວາມເຫັນກ່ຽວກັບຄວາມຫຍຸ້ງຍາກຕ່າງໆທີ່ຈະປະເຊີນໃນເວລາອີຣັກຈັດການເລືອກຕັ້ງທົ່ວໄປຕາມເວລາກຳນົດໃນທ້າຍເດືອນນີ້. ສອງຝ່າຍເປັນເອກະສັນກັນເຫັນວ່າ,ອີຣັກຈັດການເລືອກຕັ້ງທົ່ວໄປຕາມເວລາກຳນົດແມ່ນສຳຄັນທີ່ສຸດ.
|
|
|
