|
ນິທານຢູກົງອີຊານບໍ່ແມ່ນເລື່ອງຈິງ,ແຕ່ພັດແມ່ນນິທານທີ່ຢູ່ຈີນຜູ່ໃດກໍ່ຮູ້ຫມົດສູ່ຜູ່ສູ່ຄົນ,ເພິ່ນໄດ້ບັນທຶກນິທານເລື່ອງນີ້ໄວ້ໃນປື້ມລ້ຽນຈີ ປຶ້ມລ້ຽນຈີແມ່ນປຶ້ມທີ່ຂຽນໂດຍນັກປັດຊະຍາຊື່ວ່າຢູ້ໂຄ້ ໃນສະໄຫມ4 ຮອດ 5 ສະຕະວັດກ່ອນ ຄ ສ
ນິທານເລື່ອງນີ້ຂຽນວ່າ,ມີພໍ່ເຖົ້າຜູ່ຫນຶ່ງຊື່ວ່າຢູກົງແປວ່າພໍ່ເຖົ້າໂງ່ ອາຍຸມໍ່ຈະຮອດ 90 ແລ້ວ,ຢູ່ຕໍ່ຫນ້າເຮືອນ,ເພິ່ນມີພູໃຫຍ່ສອງຫນ່ວຍຕັ້ງອຶ້ຄືຢູ່,ຫນ່ວຍຫນຶ່ງຊື່ພູໄທຮາງ,ຫນ່ວຍຫນຶ່ງຊື່ພູວາງອູ,ຈະເຂົ້າຈະອອກເຮືອນກໍ່ບໍ່ສະດວກທີ່ສຸດ.
ມື້ຫນຶ່ງ,ພໍ່ເຖົ້ຢູກົງຈຶ່ງຮຽກຄົນຫມົດຄອບຄົວມາໂຣມກັນ,ພໍ່ເຖົ້າເວົ້າວ່າ:ພູໃຫຍ່ສອງຫນ່ວຍນີ້ຕັ້ງຂວາງຫນ້າບ້ານພວກເຮົາ,ພວກເຮົາອອກໄປນອກກໍ່ຕ້ອງຍ່າງໂຄ້ງໄປທາງອື່ນເສຍເວລາຫຼາຍຢ່າງດີ,ຄົນຫມົດຄອບຄົວເຮົາຕ້ອງພາກັນອອກເຫື່ອເທແຮງ,ຍ້າຍພູໃຫຍ່ສອງຫນ່ວຍນີ້ອອກເຫນີຊິດີບໍ່?
ພໍຟັງແລ້ວ,ພວກລູກຊາຍແລະຫຼານຊາຍຂອງພໍ່ເຖົ້າຢູກົງໃຜກໍ່ເວົ້າເປັນສຽງດຽວກັນວ່າ:ພໍ່ປູ່ເວົ້າຖືກແທ້,ມື້ອື່ນພວກເຮົາພາກັນລົງມືຍ້າຍໂລກດີບໍ່? ແຕ່ວ່າ,ເມຍຂອງພໍ່ເຖົ້າຢູກົງຮູ້ສຶກວ່າຈະຍ່າຍພູໃຫຍ່ສອງຫນ່ວຍນີ້ແມ່ນຍາກທີ່ສຸດ,ຈຶ່ງສະເຫນີຄວາເມຫັນຄັດຄ້ານວ່າ:ພວກເຮົາມາຕັ້ງຫຼັກປັກຖານຢູ່ນີ້ກໍ່ຫຼາຍຟ້າຫຼາຍປີແລ້ວ,ເປັນຫຍັງຈຶ່ງຢູ່ແນວນີ້ຕໍ່ໄປບໍ່ໄດ້ອີກ? ພູສອງຫນ່ວຍໃຫຍ່ປານນີ້,:ເຖິງວ່າຈະຍ້າຍຫນີເທື່ອລະເລັກລະຫນ້ອຍ,ແລ້ວຈະເອົາກ້ອນຫິນກ້ອນດິນຫຼາຍປານນີ້ໄປໄວ້ຢູ່ໃສ?
ຄວາມເວົ້າຂອງເມຍພໍ່ເຖົ້າຢູກົງໄດ້ເຮັດໃຫ້ຄົນທັງຫຼາຍເຈຕະນາກັນໃນທັນທີ,ອັນນີ້ກໍ່ແມ່ນບັນຫາຫນຶ່ງແທ້,ໃນທີ່ສຸດ,ພວກເຂົາເຈົ້າກໍ່ເປັນເອກະສັນກັນຕົກລົງວ່າ:ຈະຂົນຫິນແລະດິນຢູ່ເທິງພູໄປຖິ້ມລົງທະເລພຸ້ນ.
ມື້ລຸນມາ,ພໍ່ເຖົ້າຢູກົງກໍນຳພາຄົນຫມົດຄອບຄົວ,ເລີ່ມຍ້າຍພູ,ໄທເຮືອນຢູ່ຂ້າງຫັ້ນແມ່ນແມ່ຫມ້າຍຜູ່ຫນຶ່ງ,ລາວມີລູກຊາຍດຽວອາຍຸຫາກໍ່ 7 -8 ຂວບ,ພໍໄດ້ຍິນວ່າຈະຍ້າຍພູ,ກໍ່ມາຊ່ອຍດ້ວຍຄວາມດີອົກດີໃຈ,ແຕ່ວ່າເຄື່ອງມືໃນເຮືອນພໍ່ເຖົ້າຢູກົງນັ້ນກໍ່ມີແຕ່ຈົກແລະກອຍເປ້,ເຮັດໃຫມົດເດືອນຫນຶ່ງກໍ່ບໍເຫັນວ່າພູໃຫຍ່ການປ່ຽນແປງຫຍັງ.
ມີພໍ່ເຖົ້າຊື່ວ່າຈີ້ໂສ ແປວ່າປະຫຼາດ ເປັນຄົນສະຫຼາດຫຼັກແຫຼມ,ເມື່ອເຫັນຄົນໃນຄອບຄົວພໍ່ເຖົ້າຢູກົງຍ້າຍພູ,ເພິ່ນກໍຣູ້ສຶກເປັນຕາຢາກຫົວ,ມີມື້ຫນຶ່ງ,ເພິ່ນເວົ້າຕໍ່ພໍ່ເຖົ້າຢູກົງວ່າ:ພໍ່ຕູ້ເອີຍ,ເຈົ້າເຖົ້າປານນີ້ແລ້ວ,ຍ່າງຕາມທາງກໍຍັງບໍ່ສະດວກ,ເຮັດແນວນີ້ໃດຈຶ່ງຈະຍ້າຍພູໃຫຍ່ສອງຫນ່ວຍນີ້ໄດ້?
ພໍ່ເຖົ້າຢູກົງຕອບວ່າ:ເຈົ້າຊື່ວ່າສະຫຼາດ,ແຕ່ຂ້ອຍຮູ້ສຶກວ່າເຈົ້າຍັງບໍ່ສະຫຼາດທໍ່ເດັກນ້ອຍຊ້ຳ,ເຖິງວ່າຂ້ອຍມໍ່ຈະຫມົດບຸນແລ້ວກໍຕາມ,ແຕ່ຂ້ອຍຍັງມີລູກຊາຍ,ເມື່ອລູກຊາຍຂ້ອຍຫມົດບຸນແລ້ວ,ກໍຍັງມີຫຼາຍ,ມີເຫຼັນມີຫຼ້ອນສືບຕໍ່ກັນໄປຢ່າງບໍ່ມີວັນສຽງສຸດ.ຫິນພູພັດຖືກຍ້າຍໄປເທື່ອລະເລັກລະຫນ້ອຍ,ດິນແລະຫີນກໍບໍ່ຫ່ອນຈະເກີດຂຶ້ນອີກ,ຖ້າພວກເຮົາຫາກຍ້າຍໄປຄູ່ເດືອນ,ຄູ່ປີຄືແນວນີ້ແລ້ວ,ເປັນຫຍັງຈຶ່ງຈະຍ້າຍໄປບໍ່ຫມົດ?ພໍພໍ່ເຖົ້າສະຫຼາດ ຜູ່ຖກຕົນເປັນຄົນສະຫຼາດຟັງແລ້ວ,ກໍປານແປ້ນອັດປາກ.
ພໍ່ເຖົ້າຢູກົງໄດ້ພາຄົນຫມົດຄອບຄົວຂຸດພູຫມົດມື້ເວັນແຕ່ເຊົ້າເທົ້າຄ່ຳໂດຍບໍ່ຈຳແນກຍາມຮ້ອນຫຼືຍາມຫນາວ,ໃນທີ່ສຸດ,ການກະທຳຂອງພວກເພິ່ນເລີຍສະດຸ້ງເຖິງພະຜູ່ເປັນເຈົ້າ,ຈາກນັ້ນ,ພະຜູ່ເປັນເຈົ້າກໍ່ແຕ່ງເທວະດາສອງອົງລົງມາເມືອງຄົນ,ຍ້າຍເອົາພູໃຫຍ່ສອງຫນ່ວຍນີ້ຫນີ.
ນິທານພໍ່ເຖົ້າໂງ່ຍ້າຍພູກໍ່ໄດ້ເລົ່າຕໍ່ປາກກັນມາຈົນຮອດດຽວນີ້,ນິທານເລື່ອງນີ້ບອກໃຫ້ຄົນທັງຫຼາຍຮູ້ວ່າ,ຈະແມ່ນວຽກມີຄວາມຫຍຸ້ງຍາກຫຼາຍປານໃດກໍຕາມ,ທະແນມແຕ່ມີຈິດໃຈຫມັ້ນຫນຽວ,ເຮັດຕໍ່ໄປບໍ່ເຊົາກໍອາດຈະສຳເລັດຜົນໄດ້
|
