|
ສາສະຫນາພຸດ ສາສະຫນາອິສລາມ ສາສະຫນາໂລມັງກະໂຕລິກ ແລະສາສະຫນາຄຼິສຕຽນຂອງຈີນລ້ວນແຕ່ແມ່ນເຜີຍແຜ່ມາຈາກຕ່າງປະເທດ,ສາສະຫນາເຫຼ່ົານີ້ລ້ວນແຕ່ແມ່ນສາສະຫນາຂອງໂລກ,ມີຖານະສຳຄັນໃນໂລກ,ມີສາສະນິກກະຊົນຢ່າງຫຼວງຫຼາຍໃນຫຼາຍປະເທດແລະເຂດແຄວ້ນ,ໃນນັ້ນ,ມີບາງສາສະຫນາຖືກບາງປະເທດເຊື່ອຖືເປັນສາສະຫນາແຫ່ງຊາດ.
ຫລັງຈາກປະເທດຈີນໃຫມ່ສ້າງຕັ້ງຂຶ້ນແລ້ວ,ການໄປມາຫາສູ່ກັນກັບຕ່າງປະເທດຂອງວົງການສາສະຫນາາຂອງຈີນຂະຫຍາຍຕົວອອກຢ່າງບໍ່ຢຸດຢັ້ງ,ການໄປມາຫາສູ່ກັນລະຫວ່າງສາສະຫນາຕ່າງໆຂອງຈີນກັບສາສະຫນາສົມຄູ່ກັນຂອງຕ່າງປະເທດກວ້າງຂວາງທີ່ສຸດ,ຕົວຢ່າງຄື:ວົງການສາສະຫນາພຸດຈີນກັບປະເທດອ້ອມຂ້າງຄື:ໄທ ສາທາລະນະລັດເກົ່າຫລີ ຍ່ີປຸ່ນ ມຽນມາ ສີລັງກາແລະຫວຽດນາມເປັນຕົ້ນ,ໄດ້ດຳເນີນການໄປມາຫາສູ່ກັນດ້ານສາສະຫນາພົນລະເມືອງດ້ວຍຮູບການຫຼາຍຢ່າງເລື້ອຍໆ,ໃນຫຼາຍປີມານີ້,ພະທັນຕາສາລີລິກກະທາດຂອງຈີນໄດ້ແຫ່ໄປປະດິດສະຖານຢູ່ໄທ ມຽນມາ ສີລັງກາແລະປະເທດອື່ນໆ,ວົງການສາສະຫນາຂອງໄທແລະວົງການສາສະຫນາຕິເບດຂອງຈີນໄດ້ສ້າງກົນໄກແລກປ່ຽນສາສະຫນາຕາມເວລາກຳນົດ.
ນອກນີ້,ໂດຍຕອບສະຫນອງຄຳເຊີນຂອງ ປະເທດຈຳນວນຫນ່ຶງທີ່ຢູ່ເອີລົບຝ່າຍຕາເວັນຕົກແລະອາເມລິກາເຫນືອ,ອົງການຈັດຕັ້ງສາສະຫນາໃຫຍ່ຕ່າງໆຂອງຈີນຍັງໄດ້ໄປຢ້ຽມຢາມປະເທດເຫຼ່ົານີ້ຫຼາຍເທື່ອ,ທັງໄດ້ຊອກຮູ້ສາສະຫນາຂອງປະເທດນັ້ນ, ທັງເຮັດໃຫ້ປະຊາຊົນແຫ່ງນັ້ນ,ຊອກຮູ້ສາສະຫນາຂອງຈີນອີກດ້ວຍ.
|
