|
|
 |
| (GMT+08:00)
2005-01-06 10:29:59
|
 |
|
ປະຊາຄົມໂລກສືບຕໍ່ໃຫ້ການຊ່ອຍເຫຼືອແກ່ເຂດປະສົບໄພແຜ່ນດິນໄຫວແລະຄື້ນທະເລຊູນາມີ
cri
Author: li
ຕາມຂ່າວ CRI: ວັນທີ 5 ມັງກອນ ປະຊາຄົມໂລກໄດ້ສືບຕໍ່ຊ່ອຍເຫຼືອປະຊາຊົນຜູ້ປະສົບໄພຂອງບັນດາປະເທດໃນແຜ່ນດິນໄຫວແລະຄື້ນທະເລຊູນາມີມະຫາສະໝຸດອິນເດຍດ້ວຍຮູບການຕ່າງໆ.
ລັດຖະບານເຢຍລະມັນຕົກລົງສະໜອງພັດສະດຸກູ້ໄພໃຫ້ເຂດປະສົບໄພເພີ່ມຂຶ້ນຮອດ 500 ລ້ານເອີໂຣ. ອົສຕຼາລີແລະເກັຼກເປັນຕົ້ນຕົກລົງເພີ່ມຊ່ອຍເຫຼືອພັດສະດຸກູ້ໄພ.
ວັນທີ 5 ມັງກອນ ທ່ານເອເກີແລນຮອງເລຂາທິການໃຫຍ່ສະຫະປະຊາຊາດກ່າວວ່າ,ປັດຈຸບັນ ເງິນບໍລິຈາກທີ່ປະຊາຄົມໂລກໃຫ້ຄຳໝັ້ນສັນຍາຈະໃຫ້ປະເທດປະສົບໄພນັ້ນໄດ້ເພີ່ມຂຶ້ນຮອດເກືອບ 4 ຕື້ໂດລາສະຫະລັດ.
ໃນມື້ດຽວກັນ ພັດສະດຸຊ່ອຍເຫຼືອງວດທີສາມ 20 ໂຕນຂອງຣັດເຊຍແລະເຄື່ອງສົງເຄາະຂອງມາເລເຊຍກໍໄດ້ຂົນສົ່ງໄປຮອດອິນໂດເນເຊຍຕໍ່ເນື່ອງກັນແລ້ວ. ຕວກກີຍັງແຕ່ງໜ່ວຍຊ່ອຍເຫຼືອໄປປະເທດທີ່ປະສົບໄພເຊັ່ນໄທ,ອິນໂດເນເຊຍແລະສີລັງກາຕໍ່ມາ. ອັຟການີສະຖານກໍຕົກລົງແຕ່ງນາຍໝໍ 12 ຄົນໄປອິນເດຍແລະສີລັງກາ,ແລະສະໜອງຢຸກຢາແລະພັດສະດຸທີ່ສາມາດຊ່ອຍເຫຼືອຜູ້ປະສົບໄພໄດ້ 5 ພັນຄົນ.
ມາເລເຊຍບໍ່ພຽງແຕ່ເຫັນດີເຂົ້າຮ່ວມແຜນການສົງເຄາະທັນຍາຫານຂອງສະຫະປະຊາຊາດໃຫ້ອາເຊເຂດປະສົບໄພໜັກຂອງອິນໂດເນເຊຍທໍ່ນັ້ນ ແລະອະນຸຍາດໃນດ້ານຫຼັກການໃຫ້ປະເທດຊ່ອຍເຫຼືອເຊັ່ນອາເມລິກາເປັນຕົ້ນບິນຜ່ານນ່ານຟ້າແລະໃຊ້ເດີ່ນຍົນຂອງເຂົາໃນເວລາຂົນສົ່ງພັດສະດຸກູ້ໄພ.
|
|
|
