|
ໃນການກິນດື່ມທີ່ຄົນທັງຫລາຍຊິນເຄີຍແລ້ວນັ້ນມີບາງວິທີແມ່ນມີຜົນຮ້າຍຕໍ່ສຸຂະພາບ. ທ່ານຫມໍນາມສະກຸນຊ້າວຂອງໂຮງຫມໍຫລັງຫນຶ່ງໃນນະຄອນກຸ້ຍຢາງແຂວງກຸ້ຍໂຈ່ວຂອງຈີນຊີ້ອອກວ່າ,ມີວິທີກິນດື່ມ 7 ຢ່າງມີຜົນຮ້າຍຕໍ່ສຸຂະພາບ.
ຫນຶ່ງແມ່ນເອົານ້ຳເຕົ້າຮູ້ຊົງໄຂ່ໄກ່ກິນ:ທາດໂປຼຕິນທີ່ເປັນນ້ຳເມືອກໃນໄຂ່ໄກ່ເມື່ອປະສົມກັບທາດຕຼິບຊິນໃນນ້ຳເຕົ້າຮູ້,ກໍ່ຈະເຮັດໃຫ້ສູນເສຍທາດບຳລຸງໃນອາຫານ.
ສອງແມ່ນເອົາໃບຊາຕົ້ມກັບໄຂ່ໄກ່:ໃນໃບຊາ,ນອກຈາກມີທາດດັ່ງຊີວະຊາດແລ້ວ,ຍັງມີວັດຖຸອາສິດ.ວັດຖຸສັງເຄາະເຫົ່ຼານີ້ປະສົມກັບທາດເຫັຼກໃນໄຂ່ໄກ່,ຈະເກີດມີບົດບາດກະຕຸກກະເພາະອາຫານ,ທັງບໍ່ຍ່ອຍງ່າຍແລະຮ່າງກາຍດູດຮັບເອົາບໍ່ສະດວກ.
ສາມແມ່ນເອົາມັນຝຣັ່ງຕົ້ມໃສ່ຊີ້ນງົວກໍ່ບໍ່ເຫມາະສົມ,ເພາະອາຫານສອງຊະນິດນີ້ຕ້ອງການຄວາມເຂັ້ມຂຸ້ນຂອງນ້ຳກົດກະເພາະນັ້ນບໍ່ຄືກັນ,ເຊິ່ງຍ່ອມຈະເຮັດໃຫ້ອາຫານຄ້າງຢູ່ໃນກະເພາະດົນເຂົ້າ,ແລ້ວພາໃຫ້ກະເພາະອາຫານໃຊ້ເວລາຍ່ອຍແລະດູດຮັບເອົາດົນເຂົ້າ,ຕື່ມພາລະໃຫ້ແກ່ກະເພາະແລະລຳໄສ້.
ສີ່ແມ່ນອາຫານທີ່ມີທາດໂປຼຕິນສູງປະສົມກັບຊາປຸກຈະເກີດເປັນທາດທີ່ມີຜົນຮ້າຍ:ຕານນິກອາສິດໃນນ້ຳຊາເມື່ອປະສົມກັບທາດໂປຼຕິນ,ມັນຈະກາຍເປັນທາດອານບູຕານນິນທີ່ເຮັດໃຫ້ວັດຖຸຫົດເຂົ້າເປັນກ້ອນ.ເຮັດໃຫ້ລະບົບຍ່ອຍອາຫານແລະຊ່ອງຂັບຖ່າຍບໍ່ສະດວກ,ເຮັດໃຫ້ລຳໄສ້ຄັ້ນຮູດຊ້າລົງ,ອາຈົມຈະຄ້າງຢູ່ໃນລຳໄສ້ດົນເຂົ້າ,ນີ້ແມ່ນປັດໄຈຫນຶ່ງທີ່ພາໃຫ້ເປັນທ້ອງຜູກ,ແລະກໍ່ຈະເພີ່ມຄວາມອັນຕະລາຍທີ່ທາດເບື່ອແລະວັດຖຸທີ່ພາໃຫ້ເປັນມະເຮັງຖືກຮ່າງກາຍດູດຮັບເອົາ.
ຫ້າແມ່ນກິນນ້ຳນົມກັບຫມາກກ້ຽງພ້ອມກັນ:ກິນນ້ຳນົມກັບຫມາກໄມ້ລົດສົ້ມເຊັ່ນຫມາກກ້ຽງນຳກັນຫລືຫາກໍ່ກິນນ້ຳນົມແລ້ວກິນຫມາກກ້ຽງໂລດ,ທາດໂປຼຕິນໃນນ້ຳນົມເມື່ອປະສົມກັບວິຕະມິນ C ໃນຫມາກກ້ຽງ,ກໍ່ຈະແຂ້ນເຂົ້າເປັນກ້ອນ,ຈະຍ່ອຍຍາກແລະດູດຮັບເອົາຍາກ,ແລະຈະພາໃຫ້ຍື່ງທ້ອງຫລືເຈັບທ້ອງ.
ຫົກແມ່ນກິນເຫົ້ຼາກັບກະລົດ:ມີຜູ້ຊ່ຽວຊານຄົ້ນຄ້ວາແລ້ວເຫັນວ່າ,ທາດກາໂລຕິນໃນກາລົດກັບອັງໂກນໃນເຫົ້ຼາ ຖ້າຖືກກິນລົງທ້ອງພ້ອມກັນ,ມັກເກີດເປັນສານເບື່ອໃນຕັບເຊິ່ງເປັນປັດໄຈອັນຕະລາຍທີ່ພາໃຫ້ເປັນໂຣກຊະນິດຕ່າງໆ.ໃນຕັບ,ມີຜົນຮ້າຍຕໍ່ສຸຂະພາບຂອງຄົນເຮົາ.
ເຈັດແມ່ນມັກໃຊ້ແຕ່ນ້ຳມັນພືດປຸງແຕ່ງອາຫານເປັນເວລາດົນນານ:ເມື່ອຜູ້ຊ່ຽວຊານທີ່ກ່ຽວຂ້ອງໄດ້ຄົ້ນຄ້ວາແລ້ວເຫັນວ່າ,ໃນນ້ຳມັນຖົ່ວດິນແລະນ້ຳມັນເຂົ້າສາລີມັກມີເຊື້ອຮາ
ເຊິ່ງເປັນທາດເບື່ອແຮງທີ່ພາໃຫ້ເປັນມະເຮັງນັ້ນເຈືອປົນຢູ່.ໃນນ້ຳມັນແກ່ນຝ້າຍມີວັດຖຸທີ່ພາໃຫ້ຄົນເບື່ອແບບຊຳເຮື້ອ,ສ່ວນທາດມຸສຕາອາສິດໃນນ້ຳມັນຜັກກາດກໍ່ມີຜົນຮ້າຍຕໍ່ຜູ້ເປັນເລືອດດັນສູງຫລືຜູ້ເປັນໂຣກຫົວໃຈ.ສະນັ້ນ,ຄວນປ່ຽນແປງຄວາມຊິນເຄີຍທີ່ມັກໃຊ້ແຕ່ນ້ຳມັນພືດຄົວກິນ.ໃນເວລາແຕ່ງອາຫານນັ້ນບາງທີກໍ່ໃຊ້ນ້ຳມັນສັດປົນກັນກໍ່ໄດ້.ທຳມະດາແລ້ວ,ເອົານ້ຳມັນພືດສ່ວນຫນຶ່ງປະສົມກັບນ້ຳມັນສັດ 0,7 ສ່ວນແມ່ນເຫມາະທີ່ສຸດ.
|
