|
ຕາມຂ່າວສານຊິນຮວາ: ວັນທີ 5 ມັງກອນຢູ່ທີ່ອຳມານ ນະຄອນຫຼວງຊອກດານີ, ທ່ານແຊອິດ ມູຮາແມັດ ລັດຖະມົນຕີການຕ່າງປະເທດໂກແວັດກ່າວວ່າ, ສະຖານະການອີຣັກໃນສະເພາະໜ້ານີ້ອັນຕະລາຍທີ່ສຸດ, ຖ້າເລື່ອນເວລາຈັດການເລືອກຕັ້ງທົ່ວໄປແລ້ວຈະເຮັດໃຫ້ສະຖານະການຍິ່ງສັບສົນກວ່າເກົ່າ.
ທ່ານມູຮາແມັດແມ່ນກ່າວຄວາມດັ່ງກ່າວໃນເວລາຈະເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຢູ່ອຳມານ. ໂດຍແນໃສ່ຂ່າວທີ່ວ່າມຸສລິມນິກາຍຊຸນນິດອີຣັກອາດຈະຂວ້ຳບາດການເລືອກຕັ້ງທົ່ວໄປ, ທ່ານມູຮາແມັດກ່າວວ່າ, ປະເທດສະມາຊິກຂອງຄະນະກຳມະການຮ່ວມມືອ່າວເປີເຊຍແລະປະເທດອ້ອມຂ້າງອີຣັກລ້ວນແຕ່ຫວັງໃຫ້ກຳລັງແລະພັກຝ່າຍການເມືອງຕ່າງໆຂອງອີຣັກເຂົ້າຮ່ວມການເລືອກຕັ້ງທົ່ວໄປທີ່ຈະຕົກລົງອະນາຄົດອີຣັກ. ທ່ານຍັງກ່າວເນັ້ນວ່າ, ມີແຕ່ສະຫະປະຊາຊາດທໍ່ນັ້ນ ຈຶ່ງມີສິດຕົກລົງການເລື່ອນເວລາຈັດການເລືອກຕັ້ງທົ່ວໄປຫຼືບໍ່.
ປະຈຸບັນ ພາຍໃນປະເທດອີຣັກມີການວິວາດກັນກ່ຽວກັບວັນເວລາຈັດການປ່ອນບັດເລືອກຕັ້ງ. ເນື່ອງຈາກສະພາບຄວາມປອດໄພຢູ່ບາງທ້ອງຖິ່ນນັບມື້ນັບຊຸດຮ້າຍລົງ, ພັກການເມືອງສ່ວນໜຶ່ງຂອງມຸສລິມນິກາຍຊຸນນິດຮຽກຮ້ອງໃຫ້ເລື່ອນເວລາຈັດການເລືອກຕັ້ງທົ່ວໄປ.
|
