|
|
(GMT+08:00)
2005-01-06 22:47:32
|
|
ຈີນຈະຈັດກອງປະຊຸມສຳມະນາເຕືອນໄພຄື້ນທະເລຊູນາມີຈີນ-ອາຊຽນໃນທ້າຍເດືອນມັງກອນນີ້
cri
Author: zl
ຕາມຂ່າວCRI:ວັນທີ 6 ມັງກອນ,ໃນເວລາເຂົ້າຮ່ວມກອງປະຊຸມສະໄໝວິສາມັນບັນດາຜູ້ນຳອາຊຽນກ່ຽວກັບບັນຫາຫຼັງໄພແຜ່ນດິນໄຫວແລະຄື້ນທະເລຊູນາມີຢູ່ຢາກາກຕານະຄອນຫຼວງອິນໂດເນເຊຍ,ທ່ານເວີນເຈຍປາວເວົ້າວ່າ,ເພື່ອສ້າງກົນໄກເຕືອນໄພຄື້ນທະເລຊູນາມີທີ່ມີປະສິດທິຜົນ,ຈີນຈະຈັດກອງປະຊຸມສຳມະນາຄົ້ນຄວ້າເຕືອນໄພຄື້ນທະເລຊູນາມີຈີນ-ອາຊຽນຢູ່ທີ່ປັກກິ່ງແຕ່ວັນທີ 25 ຫາວັນທີ 26 ເດືອນມັງກອນ.
ທ່ານເວີນເຈຍປາວເວົ້າວ່າ,ກອງປະຊຸມສຳມະນາຈະເຊີນຜູ້ຂອງປະເທດອາຊຽນ ອິນເດຍ ສີລັງກາແລະມານດິວພ້ອມກັບຜູ້ຊ່ຽວຊານຂອງອົງການຈັດຕັ້ງສາກົນສ່ວນໜຶ່ງຮ່ວມປະຊຸມ.ທ່ານຍັງສະເໜີໃຫ້ນຳໃຊ້ກອງທຶນຮ່ວມມືສາທາລະນະສຸກຈີນ-ອາຊຽນ,ຈັດກອງປະຊຸມສຳມະນາປ້ອງກັນພະຍາດຫຼັງໄພພິບັດອາຊຽນຈີນ,ຖືການຫຼຸດຜ່ອນ ປ້ອງກັນແລະກູ້ໄພເປັນຂົງເຂດຈຸດໜັກແຫ່ງການຮ່ວມມືແລະການສົນທະນາລະຫວ່າງຈີນອາຊຽນ ອາຊຽນແລະຈີນຍີ່ປຸ່ນສ.ເກົາຫຼີ ຈົນກະທັ້ງໃນທົ່ວອາຊີ.
ທ່ານເວີນເຈຍຍັງເວົ້າວ່າ,ໃນທ້າຍເດືອນນີ້,ພັດສະດຸແລະເງິນຊ່ອຍເຫຼືອທີ່ລັດຖະບານຈີນສະໜອງໃຫ້ນັ້ນຈະມີກວ່າເຄິ່ງສົ່ງໄປຮອດເຂດປະສົບໄພ.ນອກນີ້,ລັດຖະບານຈີນຍິນດີຊ່ອຍເຫຼືອປະເທດອ້ອມຂ້າງ ໂດຍສະເພາະແມ່ນປະເທດປະສົບໄພ ສ້າງຕັ້ງສູນແລະລະບົບເຄືອຄ່າຍຕິດຕາມວັດແທກແຜ່ນດິນໄຫວແລະເຕືອນໄພຄື້ນທະເລຊູນາມີ;ຝ່າຍຈີນຍິນດີເປັນປະທານຈັດກອງປະຊຸມຫຼຸດຜ່ອນໄພພິບັດອາຊີ,ຫວັງຫາລືແລະເຊັນສັນຍາກູ້ໄພສອງຕໍ່ສອງຫຼືຫຼາຍຝ່າຍກັບອາຊຽນແລະປະເທດອາຊີໃຕ້;ຝ່າຍຈີນຍິນດີອອກເງິນຈັດການແລກປ່ຽນບົດຮຽນໃນດ້ານປ້ອງກັນໄພແລະກູ້ໄພແລະໂຄງການອົບຮົມທີ່ກ່ຽວຂ້ອງ;ດຳເນີນການຮ່ວມມືກັບບັນດາປະເທດໃນດ້ານຊັບພະຍາກອນມະນຸດເປັນຕົ້ນ.
|
|
|