|
|
 |
| (GMT+08:00)
2005-01-06 22:47:38
|
 |
|
ທ່ານເວີ່ນເຈຍປາວກ່າວຄຳປາໄສໃນກອງປະຊຸມວິສາມັນບັນດາຜູ້ນຳອາຊຽນ
cri
ຕາມຂ່າວCRI: ໃນກອງປະຊຸມວິສາມັນບັນດາຜູ້ນຳອາຊຽນກ່ຽວກັບບັນຫາຫລັງແຜ່ນດິນໄຫວແລະຄຶ້ນທະເລຊູນາມີທີ່ຈັດຂຶ້ນຢູ່ຢາກາຕາ ນະຄອນຫລວງອິນໂດເນເຊຍໃນວັນທີ 6 ມັງກອນ,ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ກ່າວຄຳປາໄສ,ຕາງຫນ້າລັດຖະບານຈີນວາງຂໍ້ສະເຫນີລະອຽດຫລາຍຂໍ້ຕໍ່ວຽກງານກູ້ໄພແລະສ້າງສາຄືນໃຫມ່.ທ່ານເວີ່ນເຈຍປາວກ່າວວ່າ,ຮອດທ້າຍເດືອນນີ້,ພັດສະດຸແລະເງິນທຶນທີ່ລັດຖະບານຈີນຮັບປາກຊ່ອຍເຫືຼອປະເທດປະສົບໄພນັ້ນຈະສົ່ງໄປເຖິງເຄິ່ງຫນຶ່ງຂຶ້ນໄປ.ທ່ານເວົ້າວ່າ,ລັດຖະບານຈີນຈະສືບຕໍ່ໃຫ້ການຊ່ອຍເຫືຼອແກ່ປະເທດປະສົບໄພຕາມຄວາມຕ້ອງການຂອງປະເທດປະສົບໄພ,.ພ້ອມກັນນັ້ນ,ລັດຖະບານຈີນຍິນດີຊ່ອຍເຫືຼອປະເທດປະສົບໄພສ້າງລະບົບປ້ອງກັນໄພແລະຕ້ານໄພ,ແລະຈະເຂົ້າຮ່ວມການສ້າງສາແລະພັດທະນາຄືນໃຫມ່ຢູ່ເຂດປະສົບໄພດ້ວຍທຸກຮູບແບບ.
ນອກນີ້,ເພື່ອສ້າງກົນໄກເຕຶອນໄພຄຶ້ນທະເລຊູນາມີທີ່ບັງເກີດຜົນ,ຈີນຈະຈັດກອງປະຊຸມສຳມະນາເຕືອນໄພຄຶ້ນທະເລຊູນາມີຈີນອາຊຽນຢູ່ປັກກິ່ງແຕ່ວັນທີ 25 ຮອດວັນທີ 26 ມັງກອນ.
ທ່ານເວີ່ນເຈຍປາວກ່າວວ່າ,ເພື່ອຕອບສະຫນອງຄຳຮຮຽກຮ້ອງຂອງສະຫະປະຊາຊາດ,ລັດຖະບານຈີນຕົກລົງວ່າ,ບົນພື້ນຖານຄຳຫມັ້ນສັນຍາເກົ່າ,ຈະສະຫນອງ 20 ລ້ານໂດລາສະຫະລັດອີກ,ໃຊ້ເຂົ້າໃນການກອບກູ້ແລະສ້າງສາຄືນໃຫມ່ຫລາຍຝ່າຍ.
|
|
|
