|
|
 |
| (GMT+08:00)
2005-01-07 09:33:15
|
 |
|
ກອງປະຊຸມວິສາມັນຂອງຜູ້ນຳອາຊຽນກ່ຽວກັບຫຼັງແຜ່ນດິນໄຫວແລະຄື້ນທະເລຊູນາມີເມື່ອໄດ້ຜ່ານຄຳຖະແຫຼງການດຳເນີນງານແລ້ວໄດ້ປິດປະຊຸມ
cri
Author: li
ຕາມຂ່າວ CRI: ຕອນບ່າຍວັນທີ 6 ມັງກອນ ກອງປະຊຸມວິສາມັນຂອງຜູ້ນຳອາຊຽນກ່ຽວກັບບັນຫາຫຼັງແຜ່ນດິນໄຫວແລະຄື້ນທະເລຊູນາມີ ເມື່ອໄດ້ຜ່ານຄຳຖະແຫຼງການດຳເນີນງານແລ້ວ ໄດ້ປິດປະຊຸມ. ຄຳຖະແຫຼງການດຳເນີນງານກ່າວວ່າ,ຈະເສີມສ້າງການປະສານງານແລະຮ່ວມມືກັນໃນບັນຫາກູ້ໄພໂດຍດ່ວນ,ຟື້ນຟູແລະສ້າງສາບ້ານເມືອງຄືນໃໝ່.
ຄຳຖະແຫຼງການກ່າວເນັ້ນວ່າ,ໄພພິບັດຄືແນວນີ້ທີ່ບໍ່ເຄີຍມີມາກ່ອນ ຕ້ອງການໃຫ້ທົ່ວໂລກເຄື່ອນໄຫວຢ່າງບໍ່ເຄີຍມີມາກ່ອນ,ເພື່ອຊ່ອຍລັດຖະບານຂອງເຂດປະສົບໄພກູ້ໄພ. ໃນຄຳຖະແຫຼງການ,ຜູ້ນຳທີ່ຮ່ວມປະຊຸມຍັງໄດ້ຍ້ອງຍໍຊົມເຊີຍໃນລະດັບສູງຕໍ່ປະເທດປະສົບໄພທີ່ໄດ້ເສີມຂະຫຍາຍບົດບາດສຳຄັນໃນດ້ານກອບກູ້ຕົນເອງແລະຍ້ອງຍໍອົງການສະຫະປະຊາຊາດທີ່ໄດ້ເສີມຂະຫຍາຍບົດບາດປະສານງານໃນດ້ານໃຫ້ການຊ່ອຍເຫຼືອສາກົນແກ່ປະເທດປະສົບໄພໃນໄລຍະກູ້ໄພດ່ວນ.
ກ່ຽວກັບການຟື້ນຟູແລະສ້າງບ້ານແປງເມືອງຄືນໃໝ່ໃນພາຍໜ້າ,ກອງປະຊຸມຮຽກຮ້ອງໃຫ້ປະຊາຄົມໂລກສະໜອງເງິນທຶນອັນຈຳເປັນ,ເພື່ອຮັບປະກັນໃຫ້ ປະເທດເຫຼົ່ານີ້ໄດ້ປະຕິບັດແຜນການສ້າງສາຄືນໃໝ່.
|
|
|
