|
ທ່ານອັບບາສເອີ້ນທ່ານຊາລົງເປັນຄູ່ເຈລະຈາສັນຕິພາບ,ກອງທະຫານອິສຣາແອນຖອນອອກຈາກຝັ່ງຕາເວັນຕົກແມ່ນ້ຳຈໍແດນຊົ່ວຄາວ
cri
Author: li
ຕາມຂ່າວ CRI:ວັນທີ 6 ມັງກອນ ທ່ານອັບບາສ ປະທານຄະນະບໍລິຫານງານອົງການປົດປ່ອຍປາເລັສຕີນເອີ້ນທ່ານຊາລົງ ນາຍົກລັດຖະມົນຕີອິສຣາແອນເປັນຄູ່ເຈລະຈາສັນຕິພາບ.
ໃນງານຊຸມນຸມແຂ່ງຂັນເລືອກຕັ້ງກ່ອນການເລືອກຕັ້ງທົ່ວໄປຂອງປາເລັສຕີນ ທ່ານອັບບາສເວົ້ວ່າ,ທ່ານຫວັງໃຫ້ຟື້ນຟູການເຈລະຈາສັນຕິພາບກັບທ່ານຊາລົງພາຍໃນຂອບແຜນການເສັ້ນທາງສັນຕິພາບຕາເວັນອອກກາງພາຍຫຼັງການເລືອກຕັ້ງທົ່ວໄປຂອງປາເລັສຕີນສິ້ນສຸດລົງ. ທ່ານອັບບາສເວົ້າອີກເທື່ອໜຶ່ງວ່າ,ທ່ານບໍ່ສະໜັບສະໜູນການຕໍ່ຕ້ານການຍຶດຄອງຂອງອິສຣາແອນດ້ວຍກຳລັງຮຸນແຮງ. ຄຳປາໄສຂອງທ່ານອັບບາສໄດ້ຮັບຄວາມຊົມເຊີຍຈາກຝ່າຍອິສຣາແອນ.
ໃນມື້ດຽວກັນ,ໃນເວລາທ່ານຊາໂລມ ລັດຖະມົນຕີກະຊວງການຕ່າງປະເທດອິສຣາແອນເຈລະຈາກັບທ່ານຈີມີ ຄາເທີ ອະດີດປະທານາທິບໍດີອາເມລິກາທີ່ໄປຢາມນັ້ນ ທ່ານຊາໂລມກ່າວວ່າ,ປັດຈຸບັນ ກອງທະຫານອິສຣາແອນພວມຖອນອອກຈາກເມືອງຝັ່ງຕາເວັນຕົກແມ່ນ້ຳຈໍແດນ,ເພື່ອຫຼີກເວັ້ນບໍ່ໃຫ້ກະທົບກະເທືອນເຖິງການເລືອກຕັ້ງທົ່ວໄປຂອງປາເລັສຕີນທີ່ຈະຈັດຂຶ້ນໃນວັນ 9 ມັງກອນ.
|
|
