|
ຕາມຂ່າວສານຊິນຮວາ: ວັນທີ 6 ມັງກອນ ກອງປະຊຸມໂຕະມົນລັດຖະມົນຕີປະເທດສະໜອງນ້ຳມັນເຊື້ອໄຟແລະປະເທດບໍລິໂພກນ້ຳມັນເຊື້ອໄຟຕົ້ນຕໍອາຊີໄດ້ໄຂຂຶ້ນຢູ່ນິວແດນລີ, ລັດຖະມົນຕີຫຼືຜູ່ແທນກະຊວງນ້ຳມັນເຊື້ອໄຟຂອງບັນດາປະເທດທີ່ຮ່ວມປະຊຸມໄດ້ກ້າວເຖິງຂັ້ນຕົກລົງກັນຈະເກາະແຂນກັນພັດທະນາຕະຫຼາດນ້ຳມັນເຊື້ອໄຟອາຊີ.
ຕາມໄດ້ຊາບ, ລັດຖະມົນຕີຫຼືຜູ່ແທນກະຊວງນ້ຳມັນເຊື້ອໄຟຂອງປະເທດສະໜອງ ນ້ຳມັນເຊື້ອໄຟຕົ້ນຕໍຄືອາລາບີຊາອູດິດແລະອີຣານເປັນຕົ້ນ ແລະປະເທດບໍລິໂພກຕົ້ນຕໍຄືຈີນແລະອິນເດຍເປັນຕົ້ນ ແລະຜູ່ຮັບຜິດຊອບຂອງອົງການໂອເປັກ ສຳນັກງານພະລັງງານສາກົນໄດ້ເຂົ້າຮ່ວມກອງປະຊຸມ.
ໃນກອງປະຊຸມ ລັດຖະມົນຕີຫຼືຜູ່ແທນກະຊວງນ້ຳມັນເຊື້ອໄຟຂອງບັນດາປະເທດອາຊີໄດ້ເນັ້ນໜັກລັກສະນະສືບເນື່ອງ ຄວາມໝັ້ນທ່ຽງແລະຄວາມປອດໄພຂອງການຮັບປະກັນການສະໜອງພະລັງງານ ແລະຄວາມສຳຄັນແລະຄວາມຮີບດ່ວນໃນການເພີ່ມທະວີການຮ່ວມມືພູມີພາກໃນຫຼາຍດ້ານທີ່ກ່າວມາຂ້າງເທິງ. ປະເທດນຳເຂົ້ານ້ຳມັນເຊື້ອໄຟຫຼາຍປະເທດຫວັງສ້າງກົນໄກສະສົມນ້ຳມັນເຊື້ອໄຟຍຸດທະສາດແລະກົນໄກສຸກເສີນໂດຍໄວ, ເພື່ອປ້ອງ ກັນການສະໜອງນ້ຳມັນເຊື້ອໄຟໃນກະລະນີຢຸດເຊົາກະທັນຫັນ.
ລັດຖະມົນຕີຂອງບັນດາປະເທດຍັງເຫັນວ່າ, ຄວນຮັກສາລາຄານ້ຳມັນບໍ່ເໜັງຕິງໂດຍທຽບຖານ.
|
