|
|
 |
| (GMT+08:00)
2005-01-09 20:37:45
|
 |
|
ປະຊາຄົມໂລກສືບຕໍ່ຕັ້ງໜ້າຊ່ອຍເຫຼືອປະເທດປະສົບໄພຄື້ນທະເລຊູນາມີມະຫາສະໝຸດອິນເດຍ
cri
Author: q
ຕາມຂ່າວCRI,ນັບມາຮອດວັນທີ8ມັງກອນ,ປະຊາຄົມໂລກສືບຕໍ່ໃຫ້ການຊ່ອຍເຫຼືອແກ່ປະເທດປະສົບໄພຄື້ນທະເລຊູນາມີມະຫາສະໝຸດອິນເດຍ.
ວັນທີ9ມັງກອນ,ຢູ່ໂກລົມໂບ ນະຄອນຫຼວງສີລັງກາ,ທ່ານອານນານເລຂາທິການໃຫຍ່ສະຫະປະຊາຊາດໄດ້ຮຽກຮ້ອງອີກເທື່ອໜຶ່ງໃຫ້ປະຊາຄົມໂລກຈົ່ງໃຫ້ການຊ່ອຍເຫຼືອດ້ວຍເງິນສົດ1ຕື້ໂດລາສະຫະລັດແກ່ປະເທດປະສົບໄພ.ທ່ານກ່າວວ່າ,ເງິນສົດກ້ອນນີ້ສຳຄັນທີ່ສຸດຕໍ່ວຽກງານກູ້ໄພແລະສ້າງສາຄືນໃໝ່ຂອງບັນດາປະເທດປະສົບໄພໃນ6ເດືອນຂ້າງໜ້າ.
ຕົວເລກສະຖິຕິຫຼ້າສຸດທີ່ໂທລະພາບອາລາບີຊາອູດິດປະກາດໃນວັນທີ8ມັງກອນສະແດງໃຫ້ເຫັນວ່າ,ລັດຖະບານແລະຝ່າຍພົນລະເຮືອນອາລາບີຊາອູດິດໄດ້ ບໍລິຈາກເງິນແລະຊ່ອຍເຫຼືອແບບມະນຸດສະທຳທີ່ມີຍອດມູນຄ່າລື່ນກາຍ110ລ້ານໂດລາສະຫະລັດແກ່ປະເທດປະສົບໄພ.
ໃນມື້ດຽວກັນ,ວິທະຍຸກະຈາຍສຽງຂອງດານມາກລາຍງານວ່າ, ເງິນບໍລິຈາກທີ່ຝ່າຍພົນລະເຮືອນບໍລິຈາກນັ້ນໄດ້ບັນລຸ176ລ້ານໂກຼນດານມາກ(ເທົ່າກັບປະມານ31ລ້ານໂດລາສະຫະລັດ).ນອກນີ້,ລັດຖະບານດານມາກຕົກລົງຈະເພີ່ມເງິນຊ່ອຍເຫຼືອປະເທດປະສົບໄພໃຫ້ບັນລຸຮອດ420ລ້ານໂກຼນດານມາກ(ເທົ່າກັບປະມານ75ລ້ານໂດລາສະຫະລັດ).
ກະຊວງການຕ່າງປະເທດນອກແວອອກຖະແຫຼງການວ່າ,ລັດຖະສະພານອກແວໄດ້ເຫັນດີໃຫ້ລັດຖະບານເບີກເງິນອີກ1ຕື້ໂກຼນນອກແວ(ເທົ່າກັບປະມານ160ລ້ານໂດລາສະຫະລັດ)ເພື່ອໃຊ້ເປັນເງິນຊ່ອຍເຫຼືອເພີ່ມຕື່ມໃຫ້ປະເທດປະສົບໄພຄື້ນທະເລຊູນາມີມະຫາສະໝຸດອິນເດຍ,ແລະກ່າວວ່າຈະມອບ416ລ້ານໂກຼນນອກແວ(ເທົ່າກັບປະມານ68ລ້ານໂດລາສະຫະລັດ)ໃນເງິນກ້ອນນີ້ໃຫ້ສະຫະປະຊາຊາດໂດຍໄວເທົ່າທີ່ຈະໄວໄດ້,ເພື່ອຊ່ອຍເຫຼືອສີລັງກາແລະອິນໂດເນເຊຍດຳເນີນການສ້າງສາຄືນໃໝ່ຫຼັງໄພພິບັດ.
ວັນທີ8ມັງກອນ,ລັດຖະບານເຢຍລະມັນໄດ້ສະເໜີແຜນການກໍ່ສ້າງລະບົບເຕືອນໄພຄື້ນທະເລຊູນາມີ,ຈະນຳ ໃຊ້ເຄືອຂ່າຍສັງເກດຢັ່ງແທກແຜ່ນດິນໄຫວທົ່ວໂລກທີ່ເຢຍລະມັນມີຢູ່ໃນປະຈຸບັນ,ສ້າງຕັ້ງລະບົບເຕືອນໄພຄື້ນທະເລຊູນາມີຢ່າງບັງເກີດຜົນຢູ່ພາກພື້ນມະຫາສະໝຸດອິນເດຍກ່ອນໝູ່ພາຍໃນ3ປີຂ້າງໜ້າ.
|
|
|
