|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ຊົມເຊີຍທ່ານຮັບຟັງລາຍການຢ່ອນອາລົມໃນວັນເສົາຂອງພວກເຮົາ. ຂ້າພະເຈົ້າແມ່ນແສງແກ້ວ. ໃນລາຍການມື້ນີ້, ຂ້າພະເຈົ້າຈະສະເໜີແຜ່ນຊີດີF.I.Rເຊິ່ງເປັນແຜ່ນຊີດີແຜ່ນທຳອິດຂອງຄະນະຮ້ອງFeierຂອງໄຕ້ຫວັນຈີນ.
ເຂົາຈາກໄປແລ້ວແຕ່ເຂົາຈະເອົາແດນສະຫວັນຂອງເຈົ້າໜີໄປບໍ່ໄດ້, ລົມພັດຝົນເອື້ອນແລ້ວ, ຍັງມີນ້ຳຕາຂອງສາຍຮຸ່ງເທິງຟ້າ; ເຂົາຈາກໄປແລ້ວແຕ່ເຈົ້າຍັງຮັກສາຄວາມຝັນໄວ້ໄດ້, ແນວໃດກໍຕ້ອງມີບ່ອນທີ່ໃຫ້ເຈົ້າຄອງຄອຍຄວາມຮັກ. ທີ່ທ່ານພວມຟັງຢູ່ນີ້ແມ່ນເພງLydiaໃນແຜ່ນຊີດີF.I.Rເຊິ່ງເປັນແຜ່ນຊີດີແຜ່ນທຳອິດຂອງຄະນະຮ້ອງFeier, ນີ້ແມ່ນເພງໜຶ່ງທີ່ປອບໃຈຄົນຜູ້ອົກຮັກ, ຜູ້ຮ້ອງເພງນີ້ຫວັງຢາກໃຊ້ສຽງເພງທີ່ອ່ອນຫວານປະໂລມດວງໃຈທີ່ມີບາດແຜ, ເຮັດໃຫ້ພວກເຂົາເຈົ້າລືມຄວາມທໍລິມານໃຈໂດຍໄວ.
ຄະນະຮ້ອງFeierສ້າງຕັ້ງຂຶ້ນເມື່ອເດືອນພຶດສະພາປີ2002, ປະກອບດ້ວຍູຍິງໜຶ່ງຊາຍສອງ. ນາງFeierຜູ້ຮ້ອງໄດ້ດູດດຶງໃຈຂອງແຟນເພງທັງຫຼາຍດ້ວຍສຽງທີ່ມີເອກະລັກພິເສດອັນຈົບງາມ. ອາຊິນ ນັກດີດກີຕາຮຽນດີດກີຕາໃນສະໄໝຮຽນຢູູ່ມັດທະຍົມປາຍ, ແຕ່ລາວໄດ້ແຕ່ງເພງເກືອບຮ້ອຍເພງ ພາຍໃນເວລາສັ້ນໆ. ບຸກຄົນຜູ້ສຳຄັນຂອງຄະນະຮ້ອງແມ່ນເສິນຈຽນນິງ ເຊິ່ງເປັນນັກຈັດທຳແລະມືຄີບອດຂອງຄະນະ. ກ່ອນປະກອບເປັນຄະນະF.I.R., ລາວໄດ້ເປັນນັກແຕ່ງດົນຕີສະໄໝນິຍົມອັນດັບໜຶ່ງຂອງໄຕຫວັນແລ້ວ, ເຄີຍແຕ່ງເພງສະໄໝນິຍົມມ່ວນໆຫຼາຍເພງ. ແຕ່ລາວໄດ້ມີຄວາມປາຖະໜາໜຶ່ງຕະຫຼອດມາ, ຄືຢາກຈັດຕັ້ງຄະນະທີ່ເປັນຂອງຕົນເອງຄະນະໜຶ່ງ. ເມື່ອໄດ້ທຳຄວາມພະຍາຍາມ, ລາວໄດ້ຊອກພົບນາງFeierຜູ້ຮ້ອງເອກແລະອາຊິນ ນັກດີດກີຕາ, ສາມຄົນນີ້ຮັກຫອມດົນຕີຈົນຫາອັນປຽບບໍ່ໄດ້, ເຂົາເຈົ້າໄດ້ປະກອບເປັນຄະນະF.I.R. .
1 2
|
