|
|
 |
| (GMT+08:00)
2005-01-11 16:48:37
|
 |
|
ຫວຽດນາມເພີ່ມທະວີມາດຕະການປ້ອງກັນແລະຄວບຄຸມພະຍາດໄຂ້ຫວັດສັດປີກ
cri
ແຕ່ທ້າຍປີກາຍມານີ້, ຢູ່ເຂດພາກໃຕ້ຫວຽດນາມໄດ້ເກີດມີໄຂ້ຫວັດສັດປີກອີກ, ມາຮອດປະຈຸບັນ ສະພາບພະຍາດທີ່ລະບາດຢ່າງວ່ອງໄວໄດ້ເຮັດໃຫ້ສັດປີກເກືອບ30ພັນໂຕຕາຍຍ້ອນພະຍາດຫຼືຖືກຂ້າ, ພ້ອມທັງມີ3ຄົນຖືກບົງມຕິຕິດພະຍາດໄຂ້ຫວັດສັດປີກ, ໃນນັ້ນມີ2ຄົນໄດ້ເສຍຊີວິດແລະຜູ່ໜຶ່ງຢູ່ໃນສະພາບອັນຕະລາຍ. ໂດຍປະເຊີນໜ້າສະພາບພະຍາດທີ່ຂ້ຽວຂາດ, ລັດຖະບານຫວຽດນາມພວມເພີ່ມທະວີມາດຕະການຕ່າງໆທີ່ປ້ອງກັນແລະຄູ້ມຄອງພະຍາດໄຂ້ຫວັດສັດປີກ, ເພື່ອປ້ອງກັນຢ່າງເຄັ່ງຄັດບໍ່ໃຫ້ໄຂ້ຫວັດສັດປີກແຜ່ລາມເປັນຂະໜາດໃຫຍ່ໃນທົ່ວປະເທດ.
ຫວ່າງມໍ່ໆນີ້ຫົວໜ້າກົມສັດຕະວະແພດຂອງກະຊວງກະສິກຳແລະພັດທະນາຊົນນະບົດຊີ້ອອກວ່າ, ຄ່ຽງຄູ່ກັບຍາມມັກເກີດພະຍາດໄຂ້ຫວັດສັດປີກໃນລະດູໜາວມາເຖິງແລະປະລິມານຂົນສົ່ງແລະຊື້ຂາຍສັດປີກ ເພີ່ມຂຶ້ນໃນຍາມບຸນກິນເຕັດຄື(ວັນທີ9ກຸມພາ),ວຽກງານປ້ອງກັນແລະ ຄວບຄຸມພະຍາດໄຂ້ຫວັດສັດປີກ ໄດ້ເຂົ້າສູ່ໄລຍະຂໍ້ກະແຈ.ປະຈຸບັນ, ຂະແໜງການສັດຕະວະແພດຢູ່ແຫ່ງຕ່າງໆໄດ້ ຟື້ນຟູລະບອບຢູ່ຍາມ24ຊົ່ວໂມງທີ່ປະຕິບັດໃນໄລຍະສູງຂອງການເກີດພະຍາດໄຂ້ຫວັດສັດປີກໃນຕົ້ນປີກາຍ, ໝໍສັດຕະວະແພດໄດ້ລົງສູ່ຊົນນະບົດ, ຕິດຕາມ ຄວບຄຸມສັດປີກລ້ຽງ, ເພື່ອໃຫ້ຂະແໜງການສັດຕະວະແພດສາມາດກຳສະພາບພະຍາດລະບາດຫຼັງສຸດແລະໃຊ້ມາດຕະການຮັບມືຢ່າງເໝາະສົມ.
ເພື່ອຄວບຄຸມບໍ່ໃຫ້ພະຍາດແຜ່ລາມອອກ, ຫວ່າງມໍ່ໆນີ້, ລັດຖະບັນສູນກາງຫວຽດນາມໄດ້ອອກຄຳສັ່ງເພີ່ມທະວີການຄວບຄຸມຕໍ່ຊ່ອງທາງການຊື້ຂາຍແລະຂົນສົ່ງສັດປີກ, ພ້ອມທັງຕິດຕາມຄວບຄຸມຢ່າງໃກ້ຊິດຕໍ່ສະພາບພະຍາດ, ປ້ອງກັນຢ່າງເຄັ່ງຄັດບໍ່ໃຫ້ໄຂ້ຫວັດສັດປີກແຜ່ນລາມຢ່າງຂະໜາດໃຫຍ່ໃນທົ່ວປະເທດ. ປະຈຸບັນ, ມາດຕະການຕົ້ນຕໍທີ່ແຫ່ງຕ່າງໆຂອງຫວຽດນາມນຳໃຊ້ນັ້ນມີ: ຍົກສະຕິປ້ອງກັນແລະຄວບຄຸມຕໍ່ໄຂ້ຫວັດສັດປີກຂອງສາທາລະນະຊົນໃຫ້ສູງຂຶ້ນ, ເພີ່ມທະວີການກວດກາແລະແຈ້ງສະພາບພະຍາດ, ດັບເຊື້ອຕໍ່ເຂດເກີດມີພະຍາດແລະບ່ອນລ້ຽງສັດປີກຢ່າງເປັນປະຈຳ, ຕິດຕາມຄວບຄຸມການຂົນສົ່ງສັດປີກ ແລະໄຂ່ສັດປີກຢ່າງເຄັ່ງຄັດ, ບໍ່ໃຫ້ຊື້ຂາຍສັດປີກຕິດພະຍາດຢ່າງເດັດຂາດແລະຂ້າສັດປີກທີ່ຕິດພະຍາດຢ່າງເດັດຂາດ.
ຕາມຄຳຊີ້ນຳຂອງລັດຖະບານ, ຂະແໜງການສັດຕະວະແພດທ້ອງຖິ່ນຕ່າງໆຂອງຫວຽດນາມໄດ້ເພີ່ມທະວີການຕິດຕາມເຂດທີ່ເຄີຍເກີດພະຍາດໄຂ້ຫວັດສັດປີກ, ຕິດຕາມຄວບຄຸມບັນດາຂອດແຫ່ງການລ້ຽງ ການຊື້ຂາຍແລະຂ້າສັດປີກ. ໂດຍສະເພາະໃນແຕ່ລະແຂວງແລະນະຄອນທີ່ຢູ່ພາກໃຕ້ທີ່ມີສະພາບພະຍາດໜັກໜວ່ງກວ່າໝູ່,ໄດ້ເພີ່ມທະວີຫຼາຍມາດຕະການປ້ອງກັນແລະ ຄວບຄຸມໄຂ້ຫວັດສັດປີກ. ອົງການປົກຄົງທ້ອງຖິ່ງຕ່າງໆໄດ້ສັ້ງຕັ້ງບ່ອນກວດກາພະຍາດຢູ່ຕາມທາງຫຼວງລະຫວ່າງແຂວງ. ຕິດຕາມຄວບຄຸມການຂົນສົ່ງແລະຊື້ຂາຍສັດປີກລ້ຽງຢ່າງຮອບດ້ານ.
ເພື່ອປຸກລະດົມຄວາມຂະຫຍັນຫ້າວຫັນຂອງທົ່ວປວງຊົນໃນການປ້ອງກັນພະຍາດແລະຄວາມສະຕິລະວັງຕົວຂອງປະຊາຊົນໃຫ້ສູງຂຶ້ນ, ລັດຖະບານຫວຽດນາມຍັງໄດ້ອອກມາດຕະການຍ້ອງຍໍແລະລົງໂທດທີ່ກ່ຽວຂ້ອງ, ລະດົມມວນຊົນລາຍງານສະພາບພະຍາດຢ່າງຕັ້ງໜ້າ, ລາຍງານເລື່ອງລະເມີດກົດລະບຽບ, ເພື່ອສະກັດກັ້ນບໍ່ໃຫ້ພໍ່ຄ້າແມ່ຄ້າລະເມີດກົດໝາຍຂົນສົ່ງແລະຊື້ຂາຍໄກ່ຕິດພະຍາດ.ປະຈຸບັນ, ແຫ່ງຕ່າງໆໄດ້ເປີດໂທລະສັບສາຍດ່ວນ, ຊຳລະການລາຍງານສະພາບພະຍາດ ຂອງມວນຊົນຢູ່ທຸກເວລາ. ບາງແຂວງຂອງພາກເໜືອ ຫວຽດນາມຍັງໄດ້ສັ້ງສ້າງລາງວັນຈຳເພາະ, ເພື່ມຍ້ອງຍໍຜູ່ລາຍງານ, ພ້ອມທັງໃຫ້ຄ່າເກີອກູນແກ່ຕໍ່ຄອບຄົວທີ່ຂ້າສັດປີກທີ່ເປັນພະຍາດ.
ນອກຈາກມາດຕະການດັ່ງກ່າວແລ້ວ, ລັດຖະບານຫວຽດນາມຍັງໄດ້ເພີ່ມທະວີຄວາມແຮງໃນການໂຄສະນາປ້ອງກັນແລະປິ່ນປົວພະຍາດ, ຮຽກຮ້ອງໃຫ້ໄທບ້ານໄທເມືອງຢ່າຖິ້ມສັດປີກລ້ຽງທີ່ຕາຍຍ້ອນພະຍາດທົ່ວທີບ, ຢ່າສຳຜັດກັບສັດປີກໂດຍກົງ, ຖ້າມີອາການເປັນໄຫຼຂີ້ມູກໄຫຼ ແລະເປັນຫວັດແລ້ວ ຕ້ອງໄປປົວຢູ່ໂຮງໝໍໂດຍໄວ.
ຫວຽດນາມເປັນເຂດເກີດພະຍາດໄຂ້ຫວັດສັດປີກຢ່າງຮ້າຍແຮງໃນໂລກ, ທ້າຍເດືອນມີນາປີກາຍນີ້ລັດຖະບານຫວຽດນາມເຄີຍປະກາດວ່າສະພາບພະຍາດໄຂ້ຫວັດສັດປີກໄດ້ຖືກຄວບຄຸມແລ້ວ, ແຕ່ຫຼັງຈາກນັ້ນ5ເດືອນ, ພະຍາດສັດປີກໄດ້ເກີດຂຶ້ນຄືນໃໝ່. ສະພາບພະຍາດ ຮອບໃໝ່ສຸດໄດ້ເກີດໃນເດືອນພະຈິກປີກາຍນີ້, ມາຮອດປະຈຸບັນໄດ້ແຜ່ລາມໄປຮອດ25ເຂດໃນ11ແຂວງແລະນະຄອນໃນທົ່ວປະເທດ. ພາຍຫຼັງເກີດພະຍາດໄຂ້ຫວັດສັດປີກທ້າຍປີ2003, ຫວຽດນາມຢ່າງໜ້ອຍມີ21ຄົນເສຍຊີວິດຍ້ອນຕິດພະຍາດໄຂ້ຫວັດສັດປີກ, ສັດປີກຕິດພະຍາດ40ກວ່າລ້ານໂຕໄດ້ຕາຍໄປຫຼືຖືກຂ້າ, ການລ້ຽງສັດປີກໄດ້ມີຄວາມເສຍຫາຍ82ລ້ານກວ່າໂດລາສະຫະລັດ.
|
|
|
