|
|
 |
| (GMT+08:00)
2005-01-13 16:09:37
|
 |
|
ຮອງປະທານເຂດກວາງຊີປົກຄອງຕົນເອງພົບປະຄະນະຜູ່ແທນສຳນັກງານນາຍົກລັດຖະມົນຕີລາວ
cri
Author: sayvanny
ຕາມວິທະຍຸກະຈາຍສຽງຕໍ່ຕ່າງປະເທດຂອງເຂດກວາງຊີລາຍງານວ່າ:ຕອນບ່າຍວັນທີ 12 ມັງກອນ ຢູ່ເມືອງນານນິງ ທ່ານລີຈິນຈາວ ຮອງປະທານເຂດກວາງຊີປົກຄອງຕົນເອງໄດ້ພົບປະຄະນະ ຜູ່ແທນສຳນັກງານນາຍົກລັດຖະມົນຕີລາວທີ່ນຳໂດຍທ່ານພັນຄຳ.ວິພາວັນ ຫົວຫນ້າຫ້ອງວ່າການສຳນັກງານນາຍົກລັດຖະມົນຕີລາວ.
ທ່ານລີຈິນຈາວເວົ້າວ່າ, ແຕ່ໃດມາ, ເຂດກວາງຊີກັບສປປລາວກໍ່ມີການພົວພັນໄປມາຫາສູ່ກັນອັນດີງາມ. ເດືອນພະຈິກປີກາຍ, ຄະນະຜູ່ແທນລາວໄດ້ມາເຂົ້າຮ່ວມງານເອັກສ໌ໂປຈີນອາຊຽນຄັ້ງປະຖົມມະເລີກທີ່ຈັດຂື້ນຢູ່ເມືອງນານນິງ,ບ່ອນວາງສະແດງຈຳເພາະຂອງລາວໄດ້ອອກແບບແລະຈັດແຕ່ງຢ່າງມີຈຸດພິເສດເດັ່ນຫລາຍ,ໄດ້ສ້າງພາບປະທັບໃຈອັນເລິກເຊິ່ງໃຫ້ແກ່ຄົນທັງຫລາຍ.
ທ່ານພັນຄຳ.ວິພາວັນເວົ້າວ່າ, ສູ່ມື້ນີ້ ເສດຖະກິດສັງຄົມຈີນພັດທະນາຢ່າງວ່ອງໄວ,ປະຈັກຕາຊາວໂລກທີ່ສຸດ.ພວກຂ້າພະເຈົ້າມາເທື່ອນີ້ກໍ່ແມ່ນເພື່ອຮຽນເອົາບົດຮຽນກ້າວຫນ້າແຫ່ງການພັດທະນາເສດຖະກິດຂອງຈີນ.ທ່ານເວົ້າວ່າ, ລາວຈະຈັດຕັ້ງຄະນະຜູ່ແທນເຂົ້າຮ່ວມງານເອັສ໌ໂປຈີນອາຊຽນຄັ້ງທີສອງທີ່ຈະຈັດຂຶ້ນຢູ່ເມືອງນານນິງໃນປີນີ້.
|
|
|
