|
ຫໍດາລາສາດປັກກິ່ງແມ່ນຫໍດາລາສາດທີ່ໃຫຍ່ກວ່າຫມູ່ຂອງຈີນ, ຫວ່າງບໍ່ດົນມານີ້,ຫໍໃຫມ່ທີ່ມີເນື້ອທີ່ກໍ່ສ້າງ 3 ພັນແມັດຕາຫລັງຫນື່ງໄດ້ເປີດໃຫ້ຄົນເຂົ້າຊົມ,ໃນລາຍການພາກນີ້ເຮົາຈະພາທ່ານໄປຊົມສະເຫນ່ຂອງຫໍດາລາສາດປັກກິ່ງ.
ຫໍດາລາສາດປັກກິ່ງຕັ້ງຢູ່ເຂດເທດສະບານສິວິໄລເບື້ອງຕາເວັນຕົກຂອງປັກກິ່ງ,ເມື່ອຍ່າງເຂົ້າປະຕູໃຫຍ່ຂອງຫໍດາລາສາດ, ສິ່ງກໍ່ສ້າງທີ່ໃຫມ່ອ່ຽມແລະສວຍງາມຫລັງຫນຶ່ງກໍ່ຕ້ອງເຂົ້າສາຍຕາຜ່ານຈາກ ກຳແພງແກ້ວອັນມະຫືມາສາມາດແນມເຫັນຮູບບານກົມໆອັນມະຫືມາແລະຮູບແປກປະຫຼາດອື່ນໆຫຼາຍອັນ,ໄດ້ສ່ອງແສງໃຫ້ເຫັນຈຸດພິເສດທີ່ກວ້າງໃຫຍ່, ເລິກລັບແລະອັດສະຈັນຂອງຈັກກະວານ,ນີ້ກໍແມ່ນຫໍໃຫມ່ຂອງຫໍດາລາສາດຂອງປັກກິ່ງທີ່ຫາກໍ່ເປີດປະຕູໃຫ້ມວນຊົນເຂົ້າຊົມໃນຫວ່າງບໍ່ດົນນີ້.
ທ່ານແຊນເດີສ໌ ແມ່ນຊ່າງອອກແບບທີ່ມາຈາກລອນດອນ,ທ່ານພວມທ່ຽວຢູ່ປັກກິ່ງ
ຫໍດາລາສາດໃຫມ່ຍ້ອນຖືກຮູບນອກອງທີ່ມີເອກະລັກພິເສດດູດດຶງທ່ານຈິ່ງມາທ່ຽວຊົມມາເບິ່ງ,ທ່ານໄດ້ໃຫ້ສຳພາດຕໍ່ນັກຂ່າວວ່າ ຂ້າພະເຈົ້າແມ່ນນັກທ່ອງທ່ຽວທີ່ມາທ່ຽວຢູ່ຈີນ,ມື້ວານນີ້,ພວກເຮົາໄດ້ຜ່ານກາຍສິ່ງກໍ່ສ້າງຫລັງນີ້ຍ້ອນຕິດໃຈຫຼາຍ,ມື້ນີ້,ກໍ່ເລີຍມາທ່ຽວ,ນີ້ແມ່ນສິ່ງກໍ່ສ້າງຫລັງຫນຶ່ງທີ່ຍິ່ງໃຫຍ່ແລະສວຍງາມທີ່ສຸດ, ສິ່ງທີ່ມີຊື່ສຽງດົງດັງກວ່າຫມູ່ໃນຫໍດາລາສາດໃຫມ່ ປັກກິ່ງແມ່ນໂຮງລະຄອນຈັກກະວານດີຈີຕອນ,ໂຮງລະຄອນນີ້ໄດ້ຕິດຕັ້ງລະບົບສາຍດ້ວຍດີຈີຕອນທີ່ກ້າວຫນ້າກວ່າຫມູ່ໃນໂລກ,ທ່ານຈູຈິ້ນ ຜູ່ອຳນວຍການຂອງຫໍດາລາສາດປັກກິ່ງໄດ້ໃຫ້ສຳພາດຕໍ່ນັກຂ່າວວ່າ,ອຸປະກອນດັ່ງກ່າວນີ້ບໍ່ວ່າແມ່ນລະບົບຄອມພິວເຕີຫຼືວ່າແມ່ນລະບົບເຄື່ອງສາຍຮູບເງົາລ້ວນແຕ່ເປັນຕົວແທນລະດັບເຕັກນິກສູງກວ່າຫມູ່ໃນປະຈຸບັນ,ເຕັກນິກສອງຊະນິດນີ້ປະສົມປະສານກັນສາມາດເກີດມີປະສິດທິຜົນທີ່ຄົນທັງຫຼາຍບໍ່ເຄີຍເຫັນ ໃນເມື່ອກ່ອນ.
ຮູບເງົາທີ່ສາຍໃນມື້ນັ້ນແມ່ນເລື່ອງ:ຊອກຫາຊີວິດ,ຄຽງຄູ່ກັບສຽງອັດສະຈັນທີ່ມາຈາກຈັກກະວານ,ຜູ່ຊົມກໍໄດ້ເລີ່ມທ່ຽວອະວະກາດຈຳລອງໃນໂຮງລະຄອນທີ່ເປັນຮູບມົນ,ເພດານແລະຝາໄດ້ປະກອບເປັນຫນ້າຈໍອັນມະຫຶມາ,ປະກອບເປັນໂລກຈັກກະວານອັນກວ້າງໃຫຍ່ຢ່າງບໍ່ສຸດສ້ຽງ,ຄືດັ່ງວ່າແສງຫມູ່ດາວພວມ ເຫຼື້ອມຍິບຍັບຢູ່ຂ້າງຕົນ,ຫນ່ວຍພິພົບກໍ່ຫມູນວຽນຢູ່ຕໍ່ຫນ້າ,ຄົນທັງຫຼາຍທ່ຽວຢູ່ໃນໂລກຈັກກະວານ,ຍ່າງຢູ່ລະຫວ່າງູຝູງດາວ,ຈົນກະທັ້ງປີນຂຶ້ນດາວອັງຄານ, ດິນຊາຍແລະຫີນຜາພັດມາໃສ່ຫນ້າ…….ທ່ານແຊນເດີສ໌ຊາວອັງກິດ ເມື່ອເບິ່ງຮູບເງົາແລ້ວໄດ້ເວົ້າຢ່າງມີຄວາມຮູ້ສຶກເລິກເຊິ່ງໃນໃຈວ່າເຖິງວ່າຂ້າພະເຈົ້າບໍ່ເຂົ້າໃຈພາສາຈີນໃນຮູບເງົາ,ແຕ່ວ່າຜ່ານຮູບພາບສວຍງາມເຫຼົ່ານັ້ນຂ້າພະເຈົ້າເຂົ້າໃຈໄດ້ຫມົດທຸກຢ່າງ,ຮູ້ສຶກວ່າຄົນເຮົາແມ່ນນ້ອຍທີ່ສຸດໃນໂລກຈັກກະວານອັນກວ້າງໃຫຍ່ຂອງຫໍດາລາສາດ,ນີ້ແມ່ນຫໍດາລາສາດໃຫມ່,ສະນັ້ນ, ຈິ່ງວິເສດຫຼາຍກວ່າຫໍດາລາສາດເກົ່າອື່ນໆໃນໂລກ.
ພາຍໃນຫໍດາລາສາດໃຫມ່ຍັງມີໂຮງລະຄອນສອງຫ້ອງທີ່ສາຍຮູບເງົາສາມມິຕິໄດ້,ໃນໂຮງລະຄອນມີອຸປະກອນພິເສດຈຳນວນນຶ່ງສາມາດໃຫ້ຜູ່ຊົມສຳຜັດການທ່ອງທ່ຽວຜະຈົນໄພໃນອະວະກາດຢ່າງຕື່ນເຕັ້ນນັ້ນເລິກເຊິ່ງກວ່າເກົ່າໃນທ່າມກາງປະສິດທິຜົນການເບິ່ງແລະຟັງຢ່າງຈູງໃຈທີ່ສຸດ,ຕົວຢ່າງຄື:ໃນໂຮງລະຄອນແຫ່ງຫນຶ່ງມີຕັ່ງນັ່ງທີ່ແກວ່ງໄກວແລະຫມູນວຽນໄດ້,ທັງເຮັດໃຫ້ຜູ່ຊົມ ຮູ້ສຶກໄດ້ຂຶ້ນໆລົງໆຢ່າງທຳມະຊາດ,ສ່ວນຢູ່ໂຮງລະຄອນອີກແຫ່ງຫນຶ່ງຢູ່ຕິດຕັ້ງເບື້ອງຫລັງຕັ່ງຂອງຜູ່ຊົມໃນໂຮງລະຄອນອີກຫລັງຫນຶ່ງຕິດເຄື່ອງປະສິດທິຄຸນພິເສດເຊັ່ນ:ພົ່ນນ້ຳ ພົ່ນລົມເປັນຕົ້ນ. ໄດ້ສ້າງບັນຍາກາດທີ່ມີເອກະລັກພິເສດ
ນອກນັ້ນ,ໃນໂຮງລະຄອນຍັງໄດ້ຕິດຕັ້ງອຸປະກອນຕ່າງໆເຊັ່ນ:ເຄື່ອງຖາມຕອບ ເປັນຕົ້ນ.ໃນຂະນະທີ່ຊົມຮູບເງົານັ້ນ,ຜູ່ຊົມຍັງຕອບບັນຫາໄດ້.
ທ່ານຈູຈິ້ນສະເຫນີໃຫ້ຮູ້ວ່າ:ໃນໂຮງສາຍຮູບເງົາທັນສະໄຫມຈຳນວນຫນຶ່ງກໍມີອຸປະ ກອນສາຍຮູບເງົາສາມມິຕິເຫຼົ່ານີ້,ສ່ວນຫໍດາລາສາດໃຊ້ອຸປະກອນເຫຼົ່ານີ້ຕົ້ນຕໍແມ່ນຫວັງຜ່ານເຕັກນິກສູງໃຫ້ເກີດມີປະສິດທິຜົນແທ້ຈິງ,ແລ້ວດູດດຶງໃຫ້ຄົນທັງຫຼາຍສົນໃຈນຳດາລາສາດ.
ລາຍການດາລາສາດທີ່ສະແດງດ້ວຍເຕັກນິກສູງນັ້ນໄດ້ຮັບຄວາມນິຍົມຈາກຜູ່ຊົມຈົນເຖິງຂັ້ນເມື່ອຮອດວັນບຸນ,ບ່ອນຂາຍປີ້ຂອງຫໍດາລາສາດປັກກິ່ງຕ້ອງລຽນແຖວຍາວ,ແຕ່ລະມື້ມີຜູ່ຊົມ 4ພັນ ຫາ 5 ພັນເທື່ອຄົນມາເບິ່ງມາຊົມ.
ນອກຈາກຮູບເງົາໃນໂຮງລະຄອນແລ້ວ,ຍັງມີງານວາງສະແດງໃນດ້ານລະບົບສຸລິຍະຈັກກະວານ, ລະບົບດວງດາວແລະປະຫວັດດາລາສາດຈີນເປັນຕົ້ນງານວາງສະແດງເຫຼົ່ານີ້ກໍດູດດຶງຄົນຄືກັນ.ໃນເບື້ອງຕາເວັນຕົກຂອງຫໍໃຫມ່ແມ່ນຫໍດາລາສາດເກົ່າ.ແບບແຜນານກໍ່ສ້າງຂອງມັນສະຫງ່າງາມແລະກະທັດຮັດ, ຕ່າງຕາບຈູນກັນກັບຫໍໃຫມ່ທີ່ທັນສະໄຫມ,ຫໍເກົ່າມີຫ້ອງສາຍດາລາສາດທີ່ບັນຈຸໄດ້ 600 ກວ່າທີ່ນັ່ງ,ແຕ່ລະມື້ສາຍຮູບເງົາທີ່ສະເຫນີຄວາມຮູ້ດາລາສາດຕ່າງໆແບບຫມູນວຽນ.ຍັງມີງານວາງສະແດງເຜີຍແຜ່ດາລາສາດ ງານວາງສະແດງບຸກຄົນດາລາສາດຂອງໂລກເປັນຕົ້ນ,ຫໍດາລາສາດເກົ່າທີ່ມີປະຫວັດເກືອບ 50 ປີ ເຄີຍຕ້ອນຮັບແລະມີຜົນສະທ້ອນຕໍ່ຫຼາຍເຊັ່ນຄົນ,ຈົນຮອດປະຈຸບັນນີ້ຍັງຄົງມີສະເຫນ່.ຢູ່ພາຍຫລັງຫໍດາລາສາດໃຫມ່ສ້າງສຳເລັດແລ້ວ,ແຕ່ລະມື້,ໃນຂະນະທີ່ຄົນທັງຫຼາຍມາຊົມຫໍໃຫມ່ ນັ້ນກໍ່,ມາຊົມຫໍເກົ່າຄືກັນ.ນອກຈາກຫໍເກົ່າ ຫໍໃຫມ່ແລ້ວ,ຫໍດາລາສາດປັກກິ່ງຍັງມີແທ່ນສັງເກດດາລາສາດບູຮານຫລັງຫນຶ່ງ,ແຫ່ງນີ້ໄດ້ວາງສະແດງເຄື່ອງສັງເກດ
ດາລາສາດທີ່ຊາວຈີນຜະລິດເອງເມື່ອ 300 ກວ່າປີກ່ອນ,ໄດ້ສະແດງໃຫ້ເຫັນຜົນສຳເລັດອັນສະຫງ່າລາສີແຫ່ງການຄົ້ນຄວ້າດາລາສາດໃນສະໄຫມບູຮານຈີນ,ນອກນີ້,ຫໍດາລາສາດປັກກິ່ງຍັງມີກ້ອງສ່ອງດາວວິຊາການຫຼາຍເຄື່ອງ,ໃນເວລາມີປະກົດການທ້ອງຟ້າພິເສດນັ້ນ,ສາມາດໃຫ້ຜູ່ນິຍົມດາລາສາດໃຊ້ມາສັງເກດດາວໄດ້.
ໄປຫໍດາລາສາດປັກກິ່ງເບິ່ງຮູບເງົາ ແລະຊົມງານວາງສະແດງ ຊອກຮູ້ແລະຮ່ຳຮຽນຄວາມຮູ້ດາລາສາດຫຼາຍກວ່າເກົ່າໄດ້ກາຍເປັນຮູບການຫນຶ່ງທີ່ຊາວປັກກິ່ງຮັບຮູ້ຊີວິດການເປັນຢູ່ໃຫມ່ດ້ານວິທະຍາສາດໃນສະເພາະຫນ້ານນີ້.
|
