|
ຄົນເຮົາໃຜໆກໍມັກງາມ,ສ່ວນຫຼາຍຢາກໃຫ້ຕົນເອງມີຫຸ່ນງາມ,ສະນັ້ນ,ຄວາມອ້ວນຈຶ່ງໄດ້ກາຍເປັນເລື່ອງທີ່ຄົນຮູ້ສຶກລຳຄານ,ທີ່ຈິງແລ້ວ ຄວາມອ້ວນແມ່ນມີຫຼາຍປັດໄຈ,ແຕ່ເວົ້າສະເພາະຄວາມອ້ວນແບບລ້ວນໆແລ້ວ,ປັດໄຈດ້ານອາຫານການກິນ ໂດຍສະເພາະແມ່ນຄວາມຊິນເຄີຍໃນດ້ານອາຫານການກິນທີ່ບໍ່ດີບາງຢ່າງແມ່ນມູນເຫດສຳຄັນຫນຶ່ງທີ່ພາໃຫ້ອ້ວນພິ,ຄັນຊັ້ນກິນແບບໃດ,ຈຶ່ງພາໃຫ້ຄົນອ້ວນເອົາແທ້ເອົາວ່າ?
ຫນຶ່ງແມ່ນກິນໄວໂພດ.ຜູ່ຕຸ້ຍສ່ວນຫຼາຍກິນເຂົ້າແຊບ,ຫຼືກິນຫຍັງກໍແຊບ,ໃນເວລາກິນຫຍັງກໍຕາມ,ມັກໂມ່ມເອົາໂມ່ມເອົາຫຍ້ຳໃຫ້ແຫຼກເທື່ອກໍກືນລົງທ້ອງແລ້ວ,ອາຫານເຫຼົ່ານີ້,ຈຶ່ງບໍ່ສາມາດຕິດຢູ່ຝາກະເພາະ,ສະນັ້ນ,ກິນຫຼາຍປານໃດ,ບໍ່ດົນກໍຫິວອີກ.ພ້ອມກັນນັ້ນ,ຍ້ອນວ່າເວລາຫຍ້ຳອາຫານສັ້ນເກີນໄປ,ເສັ້ນປະສາດທ້ອງເອິກຍັງຕື່ມເຕັ້ນຢູ່,ຍັງພາໃຫ້ຢາກກິນຢູ່ພໍປານນັ້ນ,ນອກນີ້,ຍ້ອນວ່າກິນໄວໂພດ,ທາດຫວານໃນເລືອດເຂັ້ມຂຸ້ນຂຶ້ນ,ເມື່ອສູນຄວບຄຸມຄວາມຢາກໃນສະຫມອງສັ່ງໃຫ້ເຊົາກິນນັ້ນ,ພັດໄດ້ກິນອາຫານເຂົ້າໄປຫຼາຍໂພດແລ້ວ.
ສອງແມ່ນມັກກິນຂອງຈຸກຈິກຢູ່ບໍ່ເຊົາ.ຄົນຕຸ້ຍບາງຄົນໂດຍສະເພາະແມ່ນເດັກນ້ອຍແລະຜູ່ສາວທີ່ຕຸ້ຍ,ເບິ່ງຄືວ່າອາຫານສາມຄາບກໍກິນບໍ່ຫຼາຍປານໃດ,ແຕ່ມັກກິນເຂົ້າຫນົມມັກກິນຈຸກຈິກບໍ່ເຫືອດສົບເຫືອດປາກ,ຈົນກາໂລລີໃນຮ່າງກາຍເຫຼືອເຟືອເກີນຄວາມຕ້ອງການ.
ສາມແມ່ນບໍ່ກິນເຂົ້າເຊົ້າຜູ່ຍິງສ່ວນຫຼາຍມັກໃຊ້ວິທີອົດອາຫານເພື່ອລົດຄວາມອ້ວນ,ຄຶດວ່າໃຊ້ວິທີບໍ່ກິນອາຫານເຊົ້າຫຼືກິນຫນ້ອຍ ກໍຈະຈ່ອຍລົງໄດ້,ແຕ່ຜົນສຸດທ້າຍພໍດີກົງກັນຂ້າມ,ຍ້ອນບໍ່ກິນເຂົ້າເຊົ້າຍາມກິນອາຫານທ່ຽງຈຶ່ງຫິວຫຼາຍ ຈຶ່ງຊຸກຍູ້ໃຫເກກະເພາະອາຫານທີ່ເປົ່າຫວ່າງຮັບເອົາອາຫານທ່ຽງອັນແຊບໆໄດ້ໄວທີ່ສຸດ,ແລ້ວກາຍເປັນໄຂມັນ,ດົນຕາມດົນ,ກໍພາໃຫ້ຕຸ້ຍຂຶ້ນ.
ສີ່ແມ່ນກິນອາຫານຄ່ຳບໍ່ຖືກຕ້ອງຍ້ອນການເວັນມີເວລາຈຳກັດ,ຫຼາຍຄົນມັກກິນອາຫານເຊົ້າແລະອາຫານທ່ຽງແບບງ່າຍດາຍ,ເມື່ອຮອດແລງມາ,ຫມົດຄອບຄົວຕ່າງແລ້ວວຽກແລ້ວການ,ພາກັນກັບເມືອເຮືອນຢ່າງພ້ອມຫນ້າພ້ອມຕາ,ມີເວລາຄົວກິນ,ສະນັ້ນ,ຈຶ່ງແຕ່ງອາຫານແຊບໆ,ເຕັມໂຕະມີທັງປູປາເປັດໄກ,ແຕ່ການຈັດວາງແບບນີ້ບໍ່ຖືກຫຼັກວິທະຍາສາດ,ເພາະວ່າ,ເມື່ອອາຫານໃນກະເພາະຍ່ອຍແລ້ວ,ສ່ວນຫນຶ່ງຈະເຂົ້າໄປໃນເລືອດກາຍເປັນໄຂມັນເລືອດ,ເມື່ອຮອດຄ່ຳມາ,ປະລິມານແອງສຸລິນໃນເລືອດຈະສູງຂຶ້ນຮອດລະດັບສູງສຸດໃນຫມົດມື້,ແອງສຸລິນສາມາດເຮັດໃຫ້ທາດຫວານໃນເລືອດກາຍເປັນໄຂມັນຕິດຢູ່ຕາມຝາສາຍເລືອດແລະທ້ອງ,ດົນໄປກໍພາໃຫ້ຕຸ້ຍຂຶ້ນ.
ຫ້າແມ່ນກິນນ້ຳຕານຫຼາຍເກີນໄປນ້ຳຕານບໍ່ພຽງແຕ່ຖືກດູດຮັບເອົາງ່າຍທໍ່ນັ້ນ ຫາກຍັງສາມາດເພີ່ມເຊື້ອຫມັກທີ່ຊຸກຍູ້ໃຫ້ກາຍເປັນໄຂມັນ,ທັງກະຕຸກໃຫ້ແອງສຸລິນຊືມອອກ,ແອງລຸບິນຊຸກຍູ້ການສັງເຄາະເປັນໄຂມັນອີກແລ້ວເຮັດໃຫ້ໄຂມັນທ້ອນກັນໄວ້.
ຫົກແມ່ນຮີຂອງກິນການຮີຂອງກິນຈະພາໃຫ້ການດູດຮັບທາດບຳລຸງບໍ່ກ້ຳເກິ່ງກັນ,ແລ້ວຂາດທາດບຳລຸງບາງຢ່າງ,ຕາມທີ່ໄດ້ຮູ້ໃນປັດປະຈັນ,ການຂາດວິຕາມິນເບກໍຈະພາໃຫ້ຕຸ້ຍຂຶ້ນ,ເພາະວ່າວິຕາມິນເບສາມາດເຮັດໃຫ້ໄຂມັນກາຍເປັນກາໂລລີ,ລະບົບວິຕາມິນເບຕົ້ນຕໍມີວິຕາມິນເບ 1 ເບ2 ແລະເບ 6 ເປັນຕົ້ນ,ວິຕາມິນເຫຼົ່ານີ້ມີຢູ່ຕາມເຂົ້າກ້ອງ,ເຂົ້າເບຼ ຜັກສົດແລະຫມາກໄມ້ສົດຫຼາຍຢ່າງ
|
