|
ການຄ້າຂອງແຂວງຢຸນນານຕໍ່ລາວເພີ່ມຂຶ້ນຢ່າງແຂງແຮງ
cri
Author: sayvanny
|
ຕາມຂ່າວສານຊີນຮວາ: ການຄ້າຂອງແຂວງຢຸນນານຕໍ່ລາວໄດ້ມີທ່ວງທ່າເພີ່ມຂຶ້ນຢ່າງແຂງແຮງ, ມູນຄ່າການຄ້າໄດ້ບັນລຸເຖິງສະຖິຕິໃຫມ່ໃນປະຫວັດສາດ.ຕາມສະຖິຕິຂອງດ່ານພາສີຄຸນມິງ, ແຕ່ເດືອນມັງກອນຫາເດືອນຕຸລາປີ 2004, ຍອດມູນຄ່າການຄ້າຂາເຂົ້າຂາອອກລະຫວ່າງແຂວງຢຸນນານກັບລາວໄດ້ບັນລຸ 27 ລ້ານ 3 ແສນ 2 ຫມື່ນໂດລາສະຫະລັດ,ກວມ 28,6% ຂອງມູນຄ່າການຄ້າລະຫວ່າງຈີນລາວ, ເພີ່ມຂຶ້ນ 89,5% ເມື່ອທຽບກັບໄລຍະດຽວກັນຂອງປີກ່ອນ.ໃນນັ້ນ, ມູນຄ່າຂາເຂົ້າມີ 5 ລ້ານ 1 ແສນ 8 ຫມື່ນໂດລາສະຫະລັດ, ເພີ່ມຂຶ້ນຫລາຍກວ່າໄລຍະດຽວກັນຂອງປີກ່ອນ 34,2%,ການຄ້າຂາອອກບັນລຸ 22 ລ້ານ 1 ແສນ 4 ຫມື່ນໂດລາສະຫະລັດ, ເພີ່ມຂຶ້ນຫລາຍກວ່າເວລາດຽວກັນຂອງປີກ່ອນ 1,1 ເທົ່າ.
|
|
