ອິສຣາແອນປະກາດຢຸດຕິການພົວພັນກັບອົງການອຳນາດແຫ່ງຊາດປາເລັສຕີນ,ຝ່າຍປາເລັສຕີນກ່າວປະນາມ
cri
Author: zl
ຕາມຂ່າວCRI:ຕອນຄ່ຳວັນທີ 14 ມັງກອນ,ໂຄສົກຂອງທ່ານຊາລົງ ນາຍົກລັດຖະມົນຕີອິສຣາແອນປະກາດວ່າ, ອິສຣາແອນຈະຢຸດຕິທຸກການພົວພັນກັບອົງການອຳນາດແຫ່ງຊາດປາເລັສຕີນ,ຈົນກະທັ້ງອາດຈະຍົກເລີກແຜນການພົບປະທ່ານອັບບາສປະທານອົງການອຳນາດແຫ່ງຊາດປາເລັສຕີນ,ຈົນກວ່າອົງການອຳນາດແຫ່ງຊາດປາເລັສຕີນສຳເລັດການສຳຫຼວດເຫດການຜູ້ປະກອບອາວຸດປາເລັສຕີນຫຼອນໂຈມຕີສະຖານີກວດກາຂອງທະຫານອິສຣາແອນຢ່າງເຖິງຖອງ.
ວັນທີ 13 ມັງກອນ, ສະຖານີກວດກາແຫ່ງໜຶ່ງຂອງທະຫານອິສຣາແອນຖືກຜູ້ປະກອບອາວຸດປາເລັສຕີນຫຼອນໂຈມຕີແບບສະຫຼະຊີບ,ຄົນອິສຣາແອນ 6 ຄົນເສຍຊີວິດ.ອົງການອາ ອັກຊາ ມາດຣິສ ບຼີເກັດສ໌ ແລະອົງການຮາມັສກ່າວວ່າຮັບຜິດຊອບຕໍ່ເລື່ອງນີ້.
ວັນທີ 14 ມັງກອນ,ທ່ານເອເລຄັດ ລັດຖະມົນຕີກະຊວງວຽກງານການເຈລະຈາຂອງປາເລັສຕີນໄດ້ກ່າວປະນາມການປະຕິກິລິຍາຂອງຝ່າຍອິສຣາແອນ.ທ່ານເວົ້າວ່າ,ການຕັດການພົວພັນບໍ່ສາມາດເຮັດໃຫ້ປາເລັສຕີນອິສຣາແອນພົ້ນອອກຈາກວົງໝູນທີ່ໃຊ້ກຳລັງຮຸນແຮງຕ້ານກັບກຳລັງຮຸນແຮງ. ໃນຂະນະກ່າວປະນາມເຫດການຫຼອນໂຈມຕີດັ່ງກ່າວ,ທ່ານອັບບາສກໍກ່າວປະນາມທະຫານອິສລະແອນສືບຕໍ່ດຳເນີນການເຄື່ອນໄຫວທາງການທະຫານຢູ່ເຂດປາເລັສຕີນປົກຄອງຕົນເອງໃນຫວ່າງມໍ່ໆນີ້, ຊາວປາເລັສຕີນເສຍຊີວິດແລະບາດເຈັບຍ້ອນ.
ມື້ດຽວກັນ,ທ່ານອານນານ ເລຂາທິການໃຫຍ່ສະຫະປະຊາຊາດແລະລູຊຳບັວກ ປະເທດປະທານຝຽນຂອງສະຫະພາບເອີລົບຕ່າງໄດ້ອອກຖະແຫຼງການ,ກ່າວປະນາມເຫດການຫຼອນໂຈມຕີສະຖານີກວດກາຂອງທະຫານອິາຣາແອນຢ່າງຮຸນແຮງ,ທວງໃຫ້ປາເລັສຕີນອິສຣາແອນຈົ່ງຮັກສາຄວາມອົດກັ້ນ.
ທ່ານພໍແວວ ລັດຖະມົນຕີການຕ່າງປະເທດອາເມລິກາພັດກ່າວວ່າ,ທ່ານອັບບາສຕ້ອງຄວບຄຸມການເຄື່ອນໄຫວດ້ວຍກຳລັງຮຸນແຮງຂອງຝ່າຍປາເລັສຕີນ.ທ່ານຫວັງວ່າອິສຣາແອນຢຸດຕິການພົວພັນທັງໝົດກັບປາເລັສຕີນນັ້ນແມ່ນມາດຕະການຊົ່າວຄາວ.
|
|