ພັກຝ່າຍຕົ້ນຕໍຂອງປາເລັສຕີນເຫັນດີເພີ່ມທະວີຄວາມສາມັກຄີພາຍໃນ,ເອຢິບຮຽກຮ້ອງປາເລສປາເລັສຕີນອິສຣາແອນຈົ່ງຮັກສາການຕິດຕໍ່ພົວພັນກັນ
cri
Author: zl
ຕາມຂ່າວCRI:ວັນທີ 15 ມັງກອນ,ພາຍຫຼັງທ່ານອັບບາສ ປະທານອົງການອຳນາດແຫ່ງຊາດປາເລັສຕີນກ່າວປາຖະກະຖາຂຶ້ນຮັບຕຳແໜ່ງແລ້ວ,ພັກຝ່າຍຕົ້ນຕໍຂອງປາເລັສຕີນພາກັນສະແດງວ່າຈະເພີ່ມທະວີຄວາມສາມັກຄີພາຍໃນ.
ວັນທີ 15 ມັງກອນ,ທ່ານອາບູ ຊາມີ ອາບູຈູຣີ ໂຄສົກຂອງຂະບວນຕໍ່ຕ້ານອິສລາມປາເລັສຕີນ ຫຼືອົງການຮາມັສ ຢູ່ທີ່ກາຊາໄດ້ສະແດງຄວາມຊົມເຊີຍຕໍ່ຄຳປາຖະກະຖາຂຶ້ນຮັບຕຳແໜ່ງຂອງທ່ານອັບບາສ.ທ່ານກ່າວເນັ້ນວ່າ,ໃນສະເພາະໜ້ານີ້,ສິ່ງສຳຄັນທີ່ສຸດແມ່ນສາມັກຄີປະຊາຊົນປາເລັສຕີນທັງປວງ,ສົນທະນາກັນຕໍ່ໄປ,ກຳຈັດຄວາມເຫັນຂັດກັນຢູ່ພາຍໃນ,ຮັບມືກັບການຮຸກຮານຂອງອິສຣາແອນ.
ມື້ດຽວກັນ,ຜູ້ນຳຂອງອົງການສູ້ລົບສັກກາລະບູຊາອິສລາມປາເລັສຕີນຫຼືອົງການຈີຮັດກໍຮຽກຮ້ອງທ່ານອັບບາສຊຸກຍູ້ບັນດາຝ່າຍຂອງປາເລັສຕີນສົນທະນາກັນ ກ່ອນໃຊ້ມາດຕະການການເມືອງໃດໆຕໍ່ຝ່າຍອິສຣາແອນ.
ມື້ດຽວກັນ,ລັດຖະບານເອຢິບອອກຖະແຫຼງການ,ຫວັງໃຫ້ປາເລັສຕີນອິສຣາແອນຈົ່ງຮັກສາການຕິດຕໍ່ພົວພັນກັນ,ເລີ່ມຂະບວນວິວັດເຈລະຈາສັນຕິພາບຄືນໃໝ່ໂດຍໄວເທົ່າທີ່ຈະໄວໄດ້.
|
|