ຕາມ​ຂ່າວCRI: ວັນ​ທີ 16 ມັງກອນ, ທ່ານ​ສົງ​ສວນ ​ໂຄສົກ​ກະຊວງ​ການ​ຄ້າ​ຈີນ​ກ່າວ​ວ່າ, ລັດຖະບານ​ຈີນ​ໄດ້​ເອົາ​ໃຈ​ໃສ່​ນຳ​ບັນຫາ​ຄວາມ​ປອດ​ໄພ​ຂອງ​ອາຫານ​​ເຄື່ອງກິນໂດຍ​ຕະ​ຫຼອດ, ​ສະ​ເພາະ​ຢ່າງ​ຍິ່ງ​ໃນ​ເວລາ​ສຸກ​ເສີນ​ທີ່​ກູ້​ໄພ​ຄື້ນທະ​ເລ​ຊູ​ນາ​ມີ​ມະຫາ​ສະໝຸດ​ອິນ​ເດຍ, ລັດ​ຖະ​ບານ​ແລະ​ປະ​ຊາຊົນ​ຈີນ​ເດັດຂາດ​ບໍ່​ສະໜອງ​ອາຫານ​​ເຄື່ອງກິນ​ທີ່​ກາຍ​ເວລາ​ກຳນົດ​ໃຫ້​ປະ​ຊາ​ຊົນ​ປະສົບ​ໄພ.

ທ່ານ​ສົງ​ສວນ​ຊີ້​ອອກ​ວ່າ, ຝ່າຍ​ຈີນ​ໄດ້​​ສົນ​ໃຈ​ວ່າ ຢູ່​ອິນ​​ໂດ​ເນ​ເຊຍ​ມີ​ສື່​ລາຍ​ງານ​ວ່າ​ອາ​ຫານ​ກູ້​ໄພ​ທີ່ຈີນ​ສະໜອງ​ໃຫ້​ອິນ​ໂດ​ເນ​ເຊຍ​ນັ້ນ ​"ແມ່ນອາ​ຫານ​ທີ່​ກາຍ​ເວ​ລາ​ກຳ​ນົດ, ກິນ​ບໍ່​ໄດ້". ທ່ານ​ອະທິບາຍວ່າ, ຕາມ​ຂໍ້​ກຳນົດ​ທີ່​ລະບຸ​ໄວ້​ໃນ​ກົດໝາຍ​ວ່າ​ດ້ວຍ​ຄວາມ​ປອດ​ໄພ​ຂອງ​ອາ​ຫານ​​ຈີນ, ​ເຄື່ອງ​ຫຸ້ມ​ຫໍ່ອາຫານຕ້ອງ​ພີ​ມວັນ​ເດືອນ​ປີ​ຜະລິດ​ແລະ​​ເວລາ​ກຳ​ນົດ​ການ​ໃຊ້​ຢ່າງ​ປອດ​ໄພ, ​ເວລາ​ກຳນົດ​ຢູ່​ເທິງ​ເຄື່ອງ​ຫຸ້ມ​ຫໍ່ທີ່ສື່​​ດັ່ງກ່າວລາຍ​ງານ​ນັ້ນ​ແມ່ນ​ວັນ​ຜະ​ລິດ​.

ທ່ານ​ສົງ​ສວນ​ຍັງ​ໄດ້​ກ່າວ​ປະນາມ​ການ​ກະທຳ​ຕັ້ງ​ແກ້ງ​ກໍ່​ເຫດ​ໂດຍ​ສວຍ​ໃຊ້​ຄວາມ​ແຕກ​ຕ່າງ​ກັນ​ລະຫວ່າງ​ຈີນ​ກັບປະ​ເທດ​ອື່ນ​ກ່ຽວ​ກັບ​ວິທີ​ບອກ​ວັນ​​ເດືອນ​ປີຜະລິດ​ແລະ​​ເວລາ​ກຳ​ນົດ​ການ​ໃຊ້ຢູ່​ນອກ​ເຄື່ອງ​ຫຸ້ມຫໍ່​ອາຫານ.