|
|
 |
| (GMT+08:00)
2005-01-16 17:39:36
|
 |
|
ອີຣັກປະກາດໃຊ້ມາດຕະການປ້ອງກັນຄວາມປອດໄພໃນໄລຍະຈັດການເລືອກຕັ້ງທົ່ວໄປ
cri
Author: zl
ຕາມຂ່າວສານຊິນຮວາ:ວັນທີ 15 ມັງກອນ,ລັດຖະບານຊົ່ວຄາວອີຣັກ ແລະຄະນະກຳມະການເລືອກຕັ້ງອິດສະຫຼະອີຣັກໄດ້ຮ່ວມກັນປະກາດມາດຕະການປ້ອງກັນຄວາມປອດໄພຢ່າງເປັນລະບົບ,ເພື່ອຮັບປະກັນຄວາປອດໄພການເລືອກຕັ້ງທົ່ວໄປຂອງອີຣັກທີ່ຈະຈັດຂຶ້ນໃນວັນທີ 30 ມັງກອນ.
ມື້ດຽວກັນ,ໃນງານຊຸມນຸມນັກຂ່າວຮ່ວມທີ່ທ່ານລາຕິຟ ລັດຖະມົນຕີລັດຖະກິດທີ່ຮັບຜິດຊອບວຽກງານແຂວງຂອງລັດຖະບານຊົ່ວຄາວອີຣັກແລະທ່ານຮັນດາວີ ປະທານຄະນະກຳມະການເລືອກຕັ້ງອິດສະຫຼະຮ່ວມກັນຈັດຂຶ້ນ,ທ່ານລາຕິຟເວົ້າວ່າ,ໃນວັນປ່ອນບັດເລືອກຕັ້ງທົ່ວໄປ,ຢູ່ຄຸ້ມຕ່າງໆໃນບັນດາແຂວງ ເຂດແລະນະຄອນຫຼວງແບກແດັດຂອງອີຣັກຈະຫ້າມລົດແລ່ນໄປອີກບ່ອນໜຶ່ງ,ຢູ່ນອກສະຖານີປ່ອນບັດຕ່າງໆຈະຈັດວາງເສັ້ນອັດຕັນ,ຫ້າມລົດແລ່ນຢູ່ໃກ້.
ທ່ານລາຕີຟເວົ້າວ່າ,ໃນ 18 ແຂວງຂອງອີຣັກ,ສະຖານະການຄວາມປອດໄພຂອງ 4 ແຂວງຍັງຂ້ຽວຂາດຢູ່,ລັດຖະບານພວມພະຍາຍາມເຮັດໃຫ້ຜູ້ມີສິດເລືອກຕັ້ງເຂົ້າຮ່ວມການປ່ອນບັດໂດຍຫຼາຍເທົ່າທີ່ຈະຫຼາຍໄດ້.ໃນບໍ່ເທົ່າໃດມື້ຂ້າງໜ້າ,ທ່ານອາລາວີ ນາຍົກລັດຖະບານຊົ່ວຄາວອີຣັກຈະປະກາດໄລຍະຈັດການເລືອກຕັ້ງທົ່ວໄປເປັນວັນພັກຜ່ອນແຫ່ງຊາດ.ທ່ານເວົ້າວ່າ,ທະຫານຕຳຫຼວດຂອງອີຣັກຈະຮ່ວມມືກັບກອງທະຫານປະສົມປະຈຳອີຣັກ ພ້ອມກັນປ້ອງກັນຄວາມປອດໄພການເລືອກຕັ້ງທົ່ວໄປເທື່ອນີ້.
|
|
|
